Viktor Mixaylov

Viktor Konstantinovich Mixaylov (1932-yil 8-mayda Rossiya Federatsiyasining Saratov viloyati Lisogorskiy tumanidagi Uritskoy qishlogʻida tugʻilgan – 2003-yil 23-sentabrda Toshkent, Oʻzbekiston Respublikasida vafot etgan) – sovet davlat va xoʻjalik arbobi.

Biografiyasi

Viktor Mixaylov 1932-yilda Rossiya Federatsiyasining Saratov viloyati Lisogorskiy tumanidagi Uritskoy qishlogʻida dunyoga kelgan.

• 1957-yildan KPSS (Sovet Ittifoqi Kommunistik partiyasi) aʼzosi hisoblangan.
• 1954-yilda Saratov qishloq xoʻjaligini mexanizatsiyalash institutini (muhandis-mexanik) tamomlagan.
• 1954-1965-yillarda – Jarqoʻrgʻon mashina-ekskavator stansiyasi bosh muhandisi, bosh mexanigi, Oʻzbekiston SSR Glavvodstroy „Surxonvodstroy“ qurilish-montaj boshqarmasi boshligʻi (Oʻzbekiston SSRning janubiy hududida istiqomat qilib suv xoʻjaligi va boshqa ishlab chiqarish ob’ektlari, maishiy ob’ektlar, qurilishiga rahbarlik qilgan) lavozimlarida faoliyat olib borgan.
• 1965-1982-yillarda – KPSS (Sovet Ittifoqi Kommunistik partiyasi)ning Surxondaryo viloyat qoʻmitasi qurilish va sanoat boʻlimi mudiri, KPSS Surxondaryo viloyat qoʻmitasi ikkinchi kotibi vazifasida ishlagan.
• 1982-1986-yillarda – Oʻzbekiston SSR Vazirlar Soveti Raisining qurilish masalalari boʻyicha oʻrinbosari, Oʻzbekiston SSR Vazirlar Soveti Raisining birinchi oʻrinbosari;
• 1986-1998-yillarda – Oʻzbekiston SSR uy-joy kommunal xoʻjaligi vaziri boʻlib faoliyat olib borgan.

Oʻzbekiston SSR Oliy Kengashining 8-, 9-, 10- va 11-chaqiriqlari deputati. SSSR Oliy Kengashining 11-chaqiriq deputati.

• 1972-1991-yillarda Oʻzbekiston SSR Kompartiyasi Markaziy Qoʻmitasi aʼzosi;
• 1983-1986-yillarda Oʻzbekiston SSR Kompartiyasi Markaziy Qoʻmitasi Byurosi aʼzosi hisoblangan.

Viktor Mixaylov 2003-yilda Toshkentda vafot etgan. U shahar markazidagi Botkin qabristoniga dafn etilgan.

Oilasi

Otasi – Konstantin Aleksandrovich Mixaylov, Saratov viloyatidagi Mashina-traktor stantsiyasi va sovxoz direktori lavozimlarida ishlagan.

Onasi – Mixaylova Olga Lukinichna.

Turmush oʻrtogʻi – Mixaylova Mariya Ivanovna (ilgarigi familiyasi Brosalova).

Katta oʻgʻli – Mixaylov Aleksandr Viktorovich, qurilish muhandisi.

Kenja oʻgʻli – Mixaylov Vyacheslav Viktorovich, muhandis-gidravlik, iqtisod fanlari nomzodi, iqtisod fanlari professori (PhD).

Oʻgʻil nabirasi – Konstantin, qiz bola nabirasi – Aleksandra.

Mukofotlari

• „Oktabr inqilobi“ ordeni;
• „Qizil Bayroq“ ordeni (3);
• „Shon-sharaf belgisi“ ordeni;
• „Doʻstlik“ ordeni;
• „SSSR davlat chegarasini himoya qilishdagi xizmatlari uchun“ medali;
• Vladimir Ilich Lenin tavalludining 100 yilligi munosabati bilan „Jasoratli mehnati uchun“ medali;
• „Oʻzbekiston SSRda xizmat koʻrsatgan quruvchi“;
• „SSSR VDNK“ (Xalq xoʻjaligi yutuqlari koʻrgazmasi) oltin medali;
• „SSSR VDNX“ kumush medali sohibi(3karra);
• 1992-yili „Oʻzbekiston Respublikasining Faxriy yorligʻi“ bilan taqdirlangan
• 1995-yilda „Doʻstlik“ ordeni bila mukofotlangan.

Havolalar

• Deputati Verxovnogo Soveta Uzbekskoy SSR. Devyatiy soziv. – Tashkent: Izdatelstvo „Uzbekistan“, 1976. – 336 s.
• Deputati Verxovnogo Soveta Uzbekskoy SSR. Desyatiy soziv. – Tashkent: Izdatelstvo „Uzbekistan“, 1981. – 339 s.
• Deputati Verxovnogo Soveta SSSR. Odinnadsatiy soziv. – M.: Izdatelstvo „Izvestiya“, 1984. – 543 s.
• Tashkent. Ensiklopediya. – Tashkent: Glavnaya redaksiya Uzbekskoy Sovetskoy Ensiklopedii, 1983. – 416 s.
• Respublika Uzbekistan: Ensiklopediya. – Tashkent: Izdatelstvo „Komuslar Bosh taxririyati“, 1997. – 656 s.
• Gazeta „Pravda Vostoka“, № 5 (22171). – Tashkent: tipografiya izdatelstva TsK Kompartii UzSSR, 1990.
• Gazeta „Narodnoe slovo“, № 57 (1067). – Tashkent: GSP, 1995.