Victoria Arlen
| Victoria Arlen | |
|---|---|
 Arlen 2013-yilda San-Diyegodagi Project Walk markazida sog‘ayish yoʻlida | |
| Shaxsiy maʼlumotlari | |
| Tavallud sanasi |
1994-yil 26-sentyabr[1] Exeter, New Hampshire, AQSh |
| Sport | |
| Klubi | North Shore Sharks |
Victoria Arlen (1994-yil 26-sentyabrda tugʻilgan) — ESPN telekanalining amerikalik sharhlovchisi, aktrisa, maʼruzachi, model hamda sobiq amerikalik Paralimpiada suzuvchisi[2][3].
Yoshlik yillari
Victoria 1994-yil 26-sentyabrda AQShning Nyu-Hemptshir shtatida Larry va Jacqueline Arlen oilasida uch egizakning biri boʻlib dunyoga kelgan. Uning ikki akasi bor. Otasi Quinnipiac Bobcats jamoasida xokkey oʻynagan, akalari ham xokkey oʻynab katta boʻlishgan[4].
Arlen 11 yoshida transverse myelitis va acute disseminated encephalomyelitis kabi ikkita kamyob kasallikka chalindi[5]. Bu juda kam uchraydigan holat boʻlib, Victoria tezda gapirish, ovqatlanish, yurish va harakatlanish qobiliyatini yoʻqotdi. U koma holatiga tushib qoldi va shifokorlar uning tuzalishiga deyarli umid bogʻlashmadi. Arlen deyarli toʻrt yil davomida oʻz tanasi ichida „qamalib“ qoldi, u atrofida nima sodir boʻlayotganini toʻliq tushunar, ammo harakatlana olmas va muloqot qila olmas edi[6].
2010-yilda, 15 yoshida, deyarli toʻrt yildan soʻng, yangi dori-darmonlar xurujlarni kamaytirdi va Arlen muloqot qilishni boshladi. U qayta gapirishni, ovqatlanishni va harakatlanishni oʻrgandi[5].
BBCning „Outlook Weekend“ dasturida Garri Gremga bergan intervyusida u kasallikning eng ogʻir bosqichlarida muloqot qila olmagan boʻlsa-da, boshqalarning gaplarini eshita olganini aytib bergan. Begona kishilar koʻpincha uning omon qolish imkoniyati haqida salbiy fikr bildirishgan va u bu gaplarni eshitgan. U oilasining qoʻllab-quvvatlashi kasallikning va tuzalishning har bir bosqichida muhim boʻlganini, ular hech qachon taslim boʻlmaganini taʼkidlagan. Shifokor xurujlarni yengillashtiruvchi dorini qoʻllaganidan soʻng, u onasi bilan muloqot qilish imkoniyatiga ega boʻldi. U kasallikka chalinishidan oldin suzishni yaxshi koʻrardi; akalari hali yura olmasidan oldin uni suzishni qayta boshlashi uchun havzaga olib borishdi. Akalari uni birinchi marta havzaga olib kirganidan bir yil oʻtar-oʻtmas, u 2012-yilgi Yozgi Paralimpiya oʻyinlarida qatnashish chaqirigʻini qabul qildi[7].
2012-yil iyun oyida 2012-yilgi Yozgi Paralimpiada oʻyinlarining AQSh saralash musobaqalarida jahon rekordini oʻrnatgach, Arlen Londonda boʻlib oʻtgan Paralimpiya oʻyinlariga AQSh terma jamoasi aʼzosi sifatida yoʻllanma oldi. Londonda u toʻrtta medal: bitta oltin va uchta kumush medalni qoʻlga kiritdi[4].
2013-yilda uning doimiy nogironligi borligi haqida yetarli dalil keltirmagani sababli u Paralimpiya musobaqalarida qatnashish uchun yetarli darajada nogiron emas deb topildi. Bu qaror u Monreallik musobaqaga tayyor boʻlib turganda qabul qilindi. Paralimpiya qoidalariga koʻra, ishtirokchilar doimiy nogironlikka ega boʻlishi kerak. Shifokorining fikricha, u kelajakda tuzalib ketishi mumkin edi va Paralimpiya qoʻmitasi doimiy nogironlik dalillari yetarli emas degan xulosaga keldi. Arlen uchun musobaqaga qoʻyilmaslik ogʻir boʻldi, uning oilasi eʼtiroz bildirdi, ammo qaror oʻzgarishsiz qoldi. Unga 2012-yilda qoʻlga kiritgan medallarini saqlab qolishga ruxsat berildi[8].
Manbalar
- ↑ ((arlenv1)). „Thirty - Flirty and Thriving 😆💖✌️⛳️ Thank you everyone near and far for all the birthday love and making me feel so freakin special ☺️🙏 Shout out to my @topgolf fam for planning such an incredible night! 🙌☺️⛳️🙏“ (en) (2024-yil 26-sentyabr). Qaraldi: 2024-yil 1-oktyabr.
- ↑ „Paralympian Gold Medalist Victoria Arlen Joins ESPN as Features Reporter - ESPN MediaZone“ (en-US). ESPN Media Zone (2015-yil 14-dekabr). Qaraldi: 2017-yil 29-avgust.
- ↑ „Victoria Arlen“ (en-US). Victoria Arlen. Qaraldi: 2019-yil 29-avgust.
- ↑ 4,0 4,1 Copetas, Jeff „Victoria Arlen“. PureHockey (2011-yil 11-iyul). 2012-yil 11-iyulda asl nusxadan arxivlangan. Qaraldi: 2012-yil 1-sentyabr.
- ↑ 5,0 5,1 Arlen, Victoria; Roenigk, Alyssa. „One small step -- My 10-year journey from a wheelchair to walking“. ESPN.com. Qaraldi: 2017-yil 19-sentyabr.
- ↑ „Meet the woman who was 'locked in' her own body for 4 years“. TODAY.com (2018-yil 25-aprel). Qaraldi: 2018-yil 28-aprel.
- ↑ Graham, Harry „The Paralympian who was trapped inside her body“. BBC Outlook Weekend (2021-yil 24-iyul). Qaraldi: 2021-yil 25-iyul.
- ↑ Lyall, Sarah. „Swimmer Is Fighting a Ruling: She Is Not Disabled Enough“. The New York Times (2013-yil 26-sentyabr). Qaraldi: 2020-yil 11-noyabr. „According to the rules, athletes have to provide evidence of permanent impairment to compete in the Paralympics, and we do not have satisfactory confirmation of that“.