Kontent qismiga oʻtish

Verena Bentele

ZiyoSfera, erkin ensiklopediya

Verena Bentele (1982-yil 28-fevral, Lindau shahrida tugʻilgan) — nemis paralimpiya oʻyinlarining koʻr boʻlgan biatlonchisi va changʻi sportchisi . U Germaniyaning Marburg shahridagi Carl-Strehl Schule nomli ko‘zi ojizlar va ko‘ruvchilar uchun maxsus maktabda tahsil olgan. U 1998-yilgi Qishki Paralimpiya oʻyinlarida birinchi Paralimpiya medallarini (bitta oltin, ikkita kumush, bitta bronza)qoʻlga kiritgan. 2002-yilgi Qishki Paralimpiya oʻyinlarida toʻrtta oltin medalni, shuningdek, 2006-yilgi Qishki Paralimpiya oʻyinlarida ikkita oltin va bitta bronza medalini qoʻlga kiritgan[1]. Shuningdek, u 2006-yilda biatlon va kross boʻyicha jahon kubogi gʻolibi boʻlgan.

Faoliyati

2009-yilda Germaniyaning ko‘zi ojizlar o‘rtasidagi kros chempionatida Bentele jiddiy baxtsiz hodisaga uchragan. Uning koʻrish qobiliyatiga ega yoʻlboshchisi toʻgʻri koʻrsatma bera olmagan, shuning uchun u quruq daryo tubida qiyalikdan pastga qulagan. U tizzasidagi xochsimon bogʻlam yirtilib ketgan, barmoqlari va jigaridan jarohat olgan, bir buyragi shu qadar qattiq shikastlandiki, uni olib tashlashga toʻgʻri kelgan.

Shunga qaramay, atigi bir yil oʻtgach, Bentele 2010-yilgi Vankuver Paralimpiya oʻyinlarida beshta oltin medalni qoʻlga kiritib, 2010-yilgi Qishki Paralimpiya oʻyinlarida oʻzining eng yaxshi Olimpiya natijasiga erishgan. Oʻyinlardagi chiqishi natijasida Bentele Paralimpiya sporti tarixida eng yaxshi ayol deb topilgan[2].

Bentele 2011-yil uchun „Laureus Jahon nogironligi boʻlgan sportchilarning eng yaxshisi“ mukofotini qoʻlga kiritgan. 2011-yil oxirida u 29 yoshida nafaqaga chiqqanini eʼlon qilgan[3]. 2014-yilda Bentele Paralimpiya shon-shuhrat zaliga kiritilgan[4].

Bentele 2010, 2012 va 2017-yillarda Germaniya prezidentini saylash maqsadida Federal Conventsiyaga delegat sifatida Sotsial-demokratik partiya tomonidan nomzod qilib koʻrsatilgan[5]. U 2012-yilda partiyaga qoʻshilgan.

Federal hukumatning nogironlar bilan bogʻliq masalalar boʻyicha komissari, 2014-2018-yillarda

2014-yil yanvar oyida Bentele kansler Angela Merkel hukumatida nogironlar bilan bogʻliq masalalar boʻyicha Federal hukumat komissari etib tayinlangan. Bu lavozimda u vazir Andrea Nahles boshchiligidagi Federal Mehnat va ijtimoiy ishlar vazirligining bir qismi boʻlgan va nogironlar huquqlari toʻgʻrisidagi konventsiyaning bajarilishini nazorat qilish boʻyicha hukumatning markaziy ishlarni boshqargan. U bu lavozimda 2018-yilgacha ishlagan.

Boshqa tadbirlar

  • Köln Germaniya sport universiteti (DSHS), Universitet kengashi aʼzosi[6].
  • Germaniya Inson huquqlari instituti (DIMR), Vasiylik kengashining sobiq aʼzosi[7].
  • Germaniya Milliy Paralimpiya qoʻmitasi (DBS), Vasiylik kengashi aʼzosi(2012-yildan)

Manbalar

  1. ↑ „Verena Bentele“. Paralympic.org. International Paralympic Committee.
  2. ↑ „Verena Bentele Named Best Female Athlete by IPC“. International Paralympic Committee (2012-yil 12-dekabr).
  3. ↑ „Germany's Top Winter Athlete Bentele Announces Retirement“.
  4. ↑ „IPC reveals three Paralympic Hall of Fame inductees“. paralympic.org (2014-yil 27-fevral). Qaraldi: 2015-yil 5-sentyabr.
  5. ↑ Mitglieder bzw. Ersatzmitglieder der 16. Bundesversammlung Landtag of Bavaria, press release of 22 November 2016.
  6. ↑ University Council (Wayback Machine saytida 2024-04-15 sanasida arxivlangan) German Sport University Cologne (DSHS).
  7. ↑ Board of Trustees (Wayback Machine saytida 2020-08-06 sanasida arxivlangan) German Institute for Human Rights (DIMR). 
"https://ziyosfera.uz/index.php?title=Verena_Bentele&oldid=847559" dan olindi