Vazgen Sosovich Minasyants
Abror Turobovich Joʻrayev (1979-yil 21-sentabr, Buxoro) — oʻzbek iqtisodchisi va pedagogi. Iqtisodiyot fanlari nomzodi (PhD), «Jahon iqtisodiyoti» ixtisosligi boʻyicha professor (2026).[1] 2019-yildan Buxoro davlat universitetining xalqaro hamkorlik boʻyicha prorektori, shuningdek «Marketing va menejment» kafedrasi professori.[2] Ilmiy qiziqishlari jahon iqtisodiyoti, xalqaro iqtisodiy munosabatlar, turizm va oliy taʼlimni xalqarolashtirish masalalariga qaratilgan.
Hayoti va taʼlimi
Abror Joʻrayev 1979-yil 21-sentabrda Buxoro shahrida tugʻilgan. 1996–2000-yillarda Buxoro davlat universitetida iqtisodiyot mutaxassisligi boʻyicha tahsil olib, bakalavr darajasini olgan. 2000–2002-yillarda shu universitet magistraturasida makroiqtisodiyot mutaxassisligi boʻyicha oʻqib, magistr darajasiga ega boʻlgan. 2003–2006-yillarda universitet aspiranturasida ilmiy izlanishlar olib borgan.[2]
Mehnat faoliyati
Mehnat faoliyatini 2000–2002-yillarda Buxoro davlat universiteti huzuridagi akademik litseyda oʻqituvchi sifatida boshlagan. Keyinchalik universitetning turli lavozimlarida ishlagan: tashqi aloqalar boʻlimi boshligʻi (2007–2012), «Iqtisodiy taʼlim va turizm» kafedrasi oʻqituvchisi, dotsenti va mudiri (2012), Ijtimoiy-iqtisodiy fakultet dekani (2013–2014), xalqaro boʻlim boshligʻi (2014–2017) hamda Turizm fakulteti dekani (2017–2019).[2] 2019-yildan Buxoro davlat universitetining xalqaro hamkorlik boʻyicha prorektori lavozimida faoliyat yuritadi. Shu bilan birga «Marketing va menejment» kafedrasi professori sifatida pedagogik faoliyat olib boradi.
Ilmiy darajasi va unvonlari
2010-yilda iqtisodiyot fanlari nomzodi (falsafa doktori, PhD) ilmiy darajasiga ega boʻlgan. 2022-yilda «Jahon iqtisodiyoti» ixtisosligi boʻyicha dotsent, 2026-yilda esa Oʻzbekiston Respublikasi Oliy attestatsiya komissiyasi tomonidan shu ixtisoslik boʻyicha professor ilmiy unvoniga sazovor boʻlgan.[1]
Xalqaro faoliyati va grantlar
Ilmiy va kasbiy malakasini bir necha bor xorijda oshirgan. 2024-yilda Slovakiya akademik axborot agentligi (SAIA) stipendiyasi doirasida Bratisladagi Komenius universitetida «oliy taʼlimda xalqarolashuv» mavzusida yetti oylik ilmiy stajirovkani oʻtagan.[3] 2025-yilda AQSh Davlat departamentining «International Visitor Leadership Program (IVLP)» dasturi doirasidagi malaka oshirish kursida ishtirok etgan.[4] Erasmus+ dasturi doirasidagi ESGCA xalqaro loyihasida (Genuya universiteti, Italiya muvofiqlashtiruvi) Buxoro davlat universiteti tomonidan muvofiqlashtiruvchi sifatida faoliyat yuritadi.
Ilmiy faoliyati
Ilmiy qiziqishlari iqtisodiyot, xalqaro iqtisodiyot, turizm, oliy taʼlim va taraqqiyot iqtisodiyoti yoʻnalishlarini qamrab oladi. Jahon iqtisodiyoti, xalqaro iqtisodiy munosabatlar va turizm sohalarida 80 dan ortiq ilmiy ish eʼlon qilgan. Google Scholar maʼlumotlariga koʻra (2025-yil holatiga), asarlariga jami 76 marta iqtibos qilingan; h-indeks — 3, i10-indeks — 2.[5] Scopus tizimida muallif sifatida roʻyxatdan oʻtgan (ORCID: 0000-0002-4108-3274).[6]
Asosiy asarlari
- Jahon iqtisodiyoti va xalqaro iqtisodiy munosabatlar: darslik. — Buxoro, 2025.
- Менеджмент в туризме: oʻquv qoʻllanma (hammualliflikda). 2-nashr. — Moskva: ИНФРА-М, 2025. — 207 b. — ISBN 978-5-16-019645-9.
- Mehmonxonalarda tadbirlarni tashkil etish: oʻquv qoʻllanma (N. Omonova bilan). — Buxoro, 2026.
- Monografiya. — Buxoro: «Durdona», 2021. — 240 b.
- «University reputation, support, and security…» // Frontiers in Sustainable Tourism. — 2025.
- «Operationalizing ESG in higher education…» // Frontiers in Sustainability. — 2026.
- «Travel and Earn Together in Uzbekistan» dasturiy mahsuloti (№ DGU 07609, 2020) — mualliflardan biri.
Mukofotlari
- 2005-yil — «Oʻzbekiston belgisi» koʻkrak nishoni.[2]
Manbalar
- ↑ 1,0 1,1 Oʻzbekiston Respublikasi Oliy attestatsiya komissiyasi. Professor ilmiy unvoni attestati, 05 №006730, 2026-yil 10-aprel.
- ↑ 2,0 2,1 2,2 2,3 Buxoro davlat universiteti rasmiy hujjatlari va maʼlumotnoma (2026).
- ↑ Confirmation of completion of Research Stay. Comenius University in Bratislava, Faculty of Social and Economic Sciences, 2024.
- ↑ U.S. Department of State, Bureau of Educational and Cultural Affairs. International Visitor Leadership Program, 2025.
- ↑ Abror Juraev — Google Scholar profili.
- ↑ Juraev, Abror — Scopus muallif profili (ID 60222350600).
Vazgen Sosovich Minasyants (16-may, 1949 yil, Toshkent shahri) – oʻzbek tarixchisi, arxeologi va rassom-restavratori. U Oʻzbekiston tarixi davlat muzeyida uzoq yillar faoliyat yuritib, arxeologik va etnografik ashyolarni tadqiq qilish hamda restavratsiya qilishda katta tajriba toʻplagan. Shuningdek, taniqli arxeologlarning ilmiy faoliyati haqida monografiyalar yozgan va muzeyshunoslik sohasida salmoqli ishlar qilgan.
Hayoti
Vazgen Sosovich Minasyants 1949-yil 16-may kuni Toshkent shahrida tugʻilgan. 1972 yilda Toshkent davlat universitetining tarix fakultetini tamomlab, tarixchi va arxeolog mutaxassisligini olgan.
Mehnat faoliyati
- 1967–1968 – Toshkent davlat universiteti laboratoriya xodimi
- 1968–1972 – Toshkent davlat universiteti talabasi
- 1972–1981 – Oʻzbekiston xalqlari tarixi muzeyida ilmiy xodim va xazinabon
- 1981–1992 – Oʻzbekiston xalqlari tarixi muzeyida katta ilmiy xodim
- 1992–2009 – Oʻzbekiston tarixi davlat muzeyida katta ilmiy xodim
- 2009–2011 – Oʻzbekiston tarixi davlat muzeyida restavrator-arxeolog
- 2011–2020 – Oʻzbekiston tarixi davlat muzeyida restavratsiya boʻlimi boshligʻi
- 2020–2021 – Oʻzbekiston tarixi davlat muzeyi “Tarix” ilmiy boʻlimi ilmiy xodimi
- 2021 – hozirga qadar – Oʻzbekiston tarixi davlat muzeyi “Sanʼat va etnografiya” ilmiy boʻlimida rassom-restavrator.
Ilmiy faoliyati
Vazgen Minasyants arxeologik va etnografik ashyolarni ilmiy jihatdan tadqiq qilish va ularni restavratsiya qilishga ixtisoslashgan. U muzey kolleksiyalarini oʻrganish bilan birga taniqli arxeologlarning ilmiy faoliyatiga bagʻishlangan monografiyalar yaratgan. Uning ilmiy maqolalari muzeyshunoslik va tarixshunoslik sohalarida muhim ahamiyatga ega.
Mukofotlari
- Doʻstlik ordeni (2003)
Manbalar
- Oʻzbekiston Fanlar akademiyasi materiallari.