Vayangon

Vayangon, Uyongan (Uygʻongan) b o b o — qad. shahar harobasi (mil. 1— IV asrlar, 9—XIV asrlar). Xorazm viloyatining Shovot tumanidagi Manaq (Am-barmanoq) posyolkasidan 1,5 km jan.-sharqda joylashgan. V.ni 1949—50-yillarda Ya. Gʻ. Gʻulomov tadqiq etib shahar hayotini 2 bosqichga: kushonlar davri (I—IV asrlar) va oʻrta asrlar (9—XIII asrlar)ga ajratgan. 1973—74-yillarda V.ni Oʻzbekiston FA Qoraqalpogʻiston filialining Tarix, til-adabiyot instituti arxeologiya boʻlimi xodimlari tekshirishgan. V. tarhi toʻrtburchak, ikki: gʻarbiy (280x360 m) va sharqiy (320x220 m) qismdan iborat. Yodgorlikda olib borilgan ishlar yakuniga koʻra, V.ning gʻarbiy qismi mil. 2—XIII asr boshlarida obod boʻlgan. Ya. Gʻ. Gʻulomov V.ni oʻrta asrlardagi Ardaxushmisan sh. deb hisoblagan. V. hududida, shuningdek Abdol-bobo va shayx Jaloliddin (XII—XIII asr boshi) nomli kichik tepachalar, Shayx Hasan Sabroniy makbarasi (12—14-alar), Qalmoq qirilgan qabristoni (XII—XIV asrlar) joylashgan.

V. qalʼasi nomi „Goʻrugʻli“ dostonida ham tilga olingan.

Adabiyotlar

• OʻzME. Birinchi jild. Toshkent, 2000-yil
• Gulyamov Ya. G., Istoriya orosheniya Xorezma s drevneyshix vremen do nashix dney, T., 1975; Mambetullayev M., Kdirniyazov M. M., Gorodishe Voyengan. Arxeologiya Priaralya, vip. 1, T., 1982; Mambetullayev M., Srednevekoviy mogilnik Kalmakkirilgan. Arxeologiya Priaralya, vip. 2, T., 1984.