Vaqt muzeyi (Tehron)
| Vaqt muzeyi | |
|---|---|
تماشاگه زمان | |
_%D9%86%D9%85%D8%A7%DB%8C_%D8%A8%DB%8C%D8%B1%D9%88%D9%86%DB%8C.jpg) | |
| Eski nomlari | Husayn Xodadad uyi |
| Muqobil nomlari | Soat muzeyi |
| Umumiy maʼlumot | |
| Manzili | Zafaraniyya |
| Shahar | Tehron |
| Mamlakat |
 Eron |
| Texnik holati | |
| Material | xomgʻisht, loy, yogʻoch, tosh va ganch |
Vaqt muzeyi (forscha: تماشاگه زمان) yoki Husayn Xodadad uyi — soatlar va boshqa vaqt o‘lchash asboblariga ixtisoslashgan muzey. Qojorlar davri bilan bog‘liq tarixiy yodgorlik bo‘lib, Eronning Tehron shahridagi Zafaraniyya va Parzin Bag‘dodiy ko‘chalari chorrahasida joylashgan. Eronning ilk soatlar muzeyi sifatida tanilgan.
Tarixi
Binoni o‘rab turgan besh gektarlik katta bog‘ va undagi inshootlar, ehtimol, Muhammad Shoh Qojar yoki Nosiriddinshoh hukmronligi davrida ham mavjud bo‘lgan[1]. Uni 1963-64-yillarda eronlik sanoatchi Husayn Xododod sotib olgan va kapital qayta qurish va ta’mirlashdan o‘tkazgan.
Xodadad uyda bor-yo‘g‘i bir yil yashagan, chunki bino keyinchalik Eron inqilobidan keyin hukumat tomonidan musodara qilingan va 1999-2000-yillardan beri mingga yaqin eski soatlarni o‘zida jamlagan vaqt muzeyi sifatida foydalanilmoqda[2][3][4][5].
Inshoot 2004-yil 22-yanvarda 10868-raqam bilan Eronning milliy yodgorliklaridan biri sifatida ro‘yxatga olingan[6][7][8].
Koʻrgazmasi
Binoning ichki qismida ikki qavat bo‘ylab XVII asrdan boshlab keyingi asrlarga oid mexanik soatlarning keng ko‘rgazmasi mavjud. Bu yerda ilk bilyansli (koromisli) soatlar, mayatnikli soatlar, stol soatlari, devor soatlari va shu kabi boshqa turlarning barchasini ko‘rish mumkin. Muzeyning ikkinchi qavatida oddiy cho‘ntak soatlari hamda mashhur tarixiy va siyosiy shaxslarga tegishli bo‘lgan cho‘ntak soatlari namoyish etilgan[1]. Shu qavatda turli maxsus soat turlari ham ko‘zga tashlanadi. Masalan, ayollar soatlari, qorovul almashinuvi uchun mo‘ljallangan soatlar, kema soatlari, turli xil bilaguzuklari bilan taqdim etilgan qo‘l soatlar, ikki siferblatli soatlar va boshqalar. Taqvimlar bo‘limida xohlovchilar uchun turli eron davriy nashrlari ham taqdim etilgan[9].
Muzey ko‘rgazmasida quyosh soati, qum soati, suv soati va atom soati kabi ilk soatlardan namunalar ham mavjud[2]. Inshootning alohida qismi Jaloliy taqvimi va uning Eron tarixida mavjudligiga oid hujjatlarga bag‘ishlangan.
Galereya
_I.jpg){kind=small}
_II.jpg)
Manbalar
- ↑ 1,0 1,1 „Time Museum Has An Old Beautiful Building in Tehran, Iran – Tourism news“ (en). Tasnim News Agency. Qaraldi: 2025-yil 25-noyabr.
- ↑ 2,0 2,1 „Ready for a time travel? Just cross the threshold of Zaman Museum in Tehran“ (en). Tehran Times (2020-yil 27-sentyabr). Qaraldi: 2025-yil 25-noyabr.
- ↑ „میراث فرهنگی برای مرمت اینجا کمکی نکرد“ (fa). ایسنا (2014-yil 1-noyabr). Qaraldi: 2021-yil 10-dekabr.
- ↑ „بازدید از موزه تماشاگه زمان و تاریخچه آن“ (fa). ایسنا (2021-yil 6-yanvar). Qaraldi: 2021-yil 10-dekabr.
- ↑ „مدير تماشاگه زمان در گفت و گو با ايسنا: وضعيت موزه‌ها در بخش‌هاي مختلف فرهنگي از همه نامطلوب‌تر است“ (fa). ایسنا (2002-yil 16-mart). Qaraldi: 2021-yil 10-dekabr.
- ↑ سازمان میراث فرهنگی و گردشگری ایران. بایگانی‌شده از نسخهٔ اصلی[1]
- ↑ „"دانشنامهٔ تاریخ معماری و شهرسازی ایران‌شهر". وزارت راه و شهرسازی. بایگانی‌شده از روی نسخه اصلی در ۶ اکتبر ۲۰۱۹. دریافت‌شده در ۱۰ اکتبر ۲۰۱۹.“ (2019-yil 6-oktyabr). 2019-yil 6-oktyabrda asl nusxadan arxivlangan. Qaraldi: 2021-yil 10-dekabr.
- ↑ تهران, آژانس عکس „نمایش آلبوم“ (fa). آژانس عکس تهران. 2021-yil 20-oktyabrda asl nusxadan arxivlangan. Qaraldi: 2021-yil 10-dekabr.
- ↑ موزه ساعت – تماشاگه زمان (Wayback Machine saytida 2016-09-18 sanasida arxivlangan) Wayback Machinedagi asl nusxadan arxivlangan arxiv nusxasi. (18-sentyabr 2016-yil)[2]