Valters va Kaža
| Valters va Kaža | |
|---|---|
| Umumiy maʼlumot | |
| Kelib chiqishi | Latviya |
| Tarkib | |
Valters va Kaža (xalqaro miqyosda Walters and Kazha nomi bilan tanilgan) — Valters Frīdenbergs va Kārlis Būmeistersdan iborat boʻlgan latviyalik musiqiy duet.
Ular Mārtiņš Freimanis tomonidan yozilgan „The War Is Not Over“ qoʻshigʻi bilan Latviya nomidan „Eurovision–2005“ qoʻshiq tanlovida ishtirok etib, 153 ball bilan beshinchi oʻrinni egallagan[1].
Karyerasi
Eurovision-2005
2005-yil 26-fevralda Valters va Kaža Latvia nomidan Ukrainaning Kiyev shahrida boʻlib oʻtgan „Eurovision–2005“ qoʻshiq tanlovida ishtirok etish uchun tanlab olingan.
Finaldan ikki kun oldin oʻtkazilgan yarim final bosqichida duet beshinchi boʻlib sahnaga chiqqan. Ular oʻz chiqishlarini Zdob și Zdubdan (Moldova) keyin va Lise Darlydan (Monako) oldin ijro etgan. Duet 85 ball toʻplab, oʻninchi oʻrin bilan finalga yoʻl olgan. Tanlovdan keyingi tadbir davomida Valters Frīdenbergs ovozi bilan bogʻliq ayrim muammolarga duch kelgan. Shu sababli u repetitsiya vaqtida qoʻshiqni toʻliq kuylay olmagan. Grand finalda esa qoʻshiqning ayrim qismlarini asl tonallikdan bir oktava past ijro etgan. Shunga qaramay, duet finalda 153 ball toʻplab, beshinchi oʻrinni egallagan[1].
Eurovisiondan keyin
2009-yilda Valters Frīdenbergs „For A Better Tomorrow“ qoʻshigʻi bilan Latviya nomidan „Eurovision“ qoʻshiq tanlovida ishtirok etishga yakka tartibda urinib koʻrgan, biroq yarim final bosqichidan oʻta olmagan[2].
Oradan ikki yil oʻtib, Valters va Kaža dueti „Eurovision–2011“ qoʻshiq tanlovining latish tilidagi telekommentatorlari sifatida faoliyat yuritgan. Shuningdek, Valters Frīdenbergs „Eurovision–2012“ tanlovida Latviya nomidan mamlakat ballarini eʼlon qilgan[3].
Valters Frīdenbergsning vafoti
2018-yil 17-oktyabrda Valters Frīdenbergs ikki yil davom etgan saraton kasalligiga qarshi kurashdan soʻng vafot etgani maʼlum qilingan[3].
Manbalar
- ↑ 1,0 1,1 „Kyiv 2005“. eurovision.tv. Qaraldi: 2019-yil 2-iyun.
- ↑ Floras, Stella „Latvia: Semi-finalists for Eirodziesma 2009 announced“. esctoday.com (2008-yil 9-dekabr). Qaraldi: 2019-yil 2-iyun.
- ↑ 3,0 3,1 Balins, Edgars „In memoriam: Latvian Eurovision singer Valters Fridenbergs has passed away, aged 30“. Wiwibloggs (2018-yil 17-oktyabr). Qaraldi: 2019-yil 17-may.