Kontent qismiga oʻtish

Valeriy Meladze

ZiyoSfera, erkin ensiklopediya
Valeriy Meladze
Tavalludi Valerian Shotayevich Meladze
Batumi, Gruziya SSR,
Janrlar pop, rok, estrada qoʻshigʻi, yevrodens, dans-pop
Kasbi qoʻshiqchi, musiqa produseri, boshlovchi, aktyor
Faoliyat yillari 1989-yildan hozirgacha
Leybllar „Soyuz“ (1995—1999)
"Iceberg Music" (1999—2008)
"Misteriya Zvuka" (2009—2013)
"Velvet Music" (2013—2017)
"Meladze Music" (2017-yildan buyon)

Valeriy Shotayevich Meladze (gruzincha: ვალერი შოთას ძე მელაძე, asl ismi — Valerian) — 1965-yil Gruziya Sovet Sotsialistik Respublikasida tugʻilgan rossiyalik qoʻshiqchi, musiqa prodyuseri, teleboshlovchi va aktyor. Xonanda 2006-yilda Rossiya Federatsiyasida xizmat ko‘rsatgan artist unvoni bilan taqdirlangan[1]. 2008-yilda esa Checheniston Respublikasi xalq artisti unvoniga sazovor boʻlgan[2][3].

Ijodiy faoliyati davomida u Sharqiy Yevropa mamlakatlarida ham muvaffaqiyatga erishgan. 2004-yilda uning VIA Gra guruhi bilan birgalikda ijro etgan „Prityajeniya bolshe net“ qoʻshigʻi „MTV Rossiya“ talqiniga koʻra yilning eng yaxshi qoʻshigʻi deb topilgan[4]. 2006-yilda „Zvukovaya dorojka MK“ hit-parad yakuniga koʻra, Valeriy Mustaqil davlatlar hamdoʻstligidagi eng mashhur ijrochilar roʻyxatida Sergey Lazarevdan keyin ikkinchi oʻrinni egallagan[5].

Valeriy Rossiyaning milliy „Ovatsiya (premiya)“ musiqiy mukofotining uch karra sovrindori, „Pesnya goda“ va „Zolotoy grammofon“ mukofotining koʻp karra laureati. „Premiya Muz-TV“ mukofotining yetti karra, „RU.TV“ mukofotining esa besh karra sovrindoridir[6]. Shuningdek, u Bokuda oʻtkazilgan „Jara“ festivalida va Yurmala shahrida tashkil etilgan „Novaya volna“ tanlovida maxsus mehmon sifatida ishtirok etgan[7][8].

Ijodiy faoliyatdan tashqari, Valeriy jamiyat faollaridan biridir. U Krasnogorsk jamoatchilik palatasi aʼzosi hisoblanadi[9][10].

Valeriy bastakor, qoʻshiqchi, musiqiy prodyuser va Ukrainada xizmat ko‘rsatgan artist unvoniga ega boʻlgan Konstantin Meladzening ukasidir.

Biografiyasi

Bolaligi, yoshlik yillari va ijodiy faoliyatining boshlanishi

Valeriy Meladze 1965-yil 23-iyunda Batumi shahridagi ishchilar oilaisda tugʻilgan[6]. Uning buvisi, bobosi, otasi va onasi muhandis boʻlib ishlagan[6]. U shu yerdagi musiqa maktabida fortepiano chalishni oʻrgangan[6]. Maktabni bitirgach, telefon operatori boʻlib ishlagan[11].

1989-yilda Valeriy Nikolayev kemasozlik institutini (hozirgi Admiral Makarov nomidagi Milliy kemasozlik universiteti) „kema energetik qurilmalari boʻyicha muhandis-mexanik“ mutaxassisligi boʻyicha tamomlagan[12][13]. 1994-yilda xonanda „Psevdo-vibratsion-qaynovchi kation qatlamli filtrda almashinuv jarayonlarini jadallashtirish“ mavzusida nomzodlik dissertatsiyasini yozgan[14]. Talabalik davrida u institutning Aprel nomli musiqiy guruhida faoliyat yuritgan[15].

Xonandaning deyarli barcha qoʻshiqlari matni, musiqasi va aranjirovkasi akasi Konstantin Meladze tomonidan yaratilgan. 1989–1993-yillarda aka-uka Meladzelar Dialog rok guruhi tarkibida faoliyat yuritgan. Aka-ukalar guruh rahbari Kim Breytburg bilan barabanchi Anatoliy Deynega va uning rafiqasi orqali tanishishgan. Ular aka-ukalarni Nikolayevdagi institut raqs kechasida koʻrib qolganlar[16].

Yakkaxon faoliyati

Valeriy Meladze ilk bor Albervilda boʻlib oʻtadigan 1992-yilgi Qishki Olimpiada o‘yinlariga bagʻishlangan „Yulduzli kecha“ konsert dasturi doirasida „Ne trevoj mne dushu, skripka…“ qoʻshigʻi bilan yakkaxon ijrochi sifatida sahnaga chiqqan[17]. 1993-yilda u Kiyevda oʻtkazilgan „Roksolana“ gullar festivalida ishtirok etgan. Oʻsha yili prodyuser Yevgeniy Fridlyand bilan shartnoma imzolagan[18]. 1993-yil dekabr oyida Alla Pugachyovaning taklifiga binoan uning „Rojdestvo uchrashuvlari“ dasturida „Limbo“ qoʻshigʻi bilan qatnashgan[19][20][21].

1995-yil 12-martda Valeriyning ilk yakkaxon albomi — „Sera“ chiqargan. Albom tez fursatda unga ulkan shuhrat keltirgan. 1996-yil 7-oktyabrda xonanda „Posledniy romantik“ nomli ikkinchi yakkaxon albomini taqdim etgan. Albom nomi 1987-yildagi fortepiano ijrochisi Vladimir Gorovitsga bagʻishlangan film nomidan olingan. Ikkinchi albom chiqqanidan olti oy oʻtib, 1997-yil 7–8-mart kunlari „Olimpiyskiy“ sport majmuasida yakkaxon konsertini bergan[22].

1998-yil 14-yanvarda uning uchinchi yakkaxon albomi — „Samba belogo motilka“ chiqarilgan. 1999-yil dekabr oyida esa toʻrtinchi yakkaxon albomi — „Vsyo tak i bilo“ nashr etilgan[23]. „Musiqiy gazeta“ sharhida albomdagi „goʻzal lirik kuylar“ va „chuqur va donador tovush“ alohida qayd etilgan. Nashr sharhlovchisi albom uslubini umuman olganda „oʻttiz yoshlar atrofidagi ayollar uchun moʻljallangan sof romantik musiqa“ sifatida baholagan[24]. „Zvuki.ru“ saytidagi sharhda esa albom „sifatli, ayrim jihatlarida hatto nafis studiya ishi“ sifatida tavsiflangan. Shu bilan birga, albom musiqachining ijodiga yangi o'zgarishlar olib kirmagani va bir xilligi ham taʼkidlangan[25].

2003-yil 2-dekabrda Valeriyning beshinchi albomi — „Nega“ chiqarilgan. Ushbu albom ustida uch yil davomida ish olib borilgan. 2008-yil 1-oktyabrda esa oltinchi albomi — „Vopreki“ nashr etilgan[26].

2005-yilda xonanda „Okean“ nomli konsert dasturini taqdim etgan[27]. Shu yildan boshlab Meladze har yili yosh estrada ijrochilarining xalqaro „Novaya volna“ tanlovi hakamlar hay’ati tarkibiga kirib kelmoqda.

2015-yilda uning 50 yillik yubileyi munosabati bilan Velvet Music prodyuserlik markazi ushbu leybl artistlari ijrosida xonandaning qoʻshiqlari jamlangan VM ot VM trubut-albomini sovgʻa qilgan. Oʻsha yili Valeriy va Konstantin Meladze 30 yillik ijodiy faoliyatlari davomida ilk bor „Moy brat“ qoʻshigʻi uchun birgalikda duet yozganlar[28][29].

2022-yil yanvar oyida u VK Fest festivalida ishtirok etgan[30]. Festivalda Lolita, ST, Mari Kraymbreri va boshqa ijrochilar ham qatnashgan.

2022-yilda u Rossiyaning Ukrainaga bosqiniga qarshi chiqqan[31]. Shundan soʻng u Ispaniyaga koʻchib oʻtgan. Rossiyadagi konsert faoliyatini toʻxtatgan va boshqa mamlakatlarda chiqishlarini davom ettirgan[32].

2023-yilda Meladze Dubaydagi chiqishlari vaqtida tomoshabinlar tomonidan aytilgan „Slava Ukraini!“ chaqirigʻiga „Heroyam slava!“ deb javob berdi. Shundan soʻng Sergey Mironov xonandani Rossiyaning barcha faxriy unvonlaridan (Rossiya Federatsiyasida xizmat koʻrsatgan artist, Checheniston Respublikasining xalq artisti va boshqalar) mahrum etishni taklif qilgan. Tarixiy meros jamgʻarmasi rahbari Aleksandr Karabanov esa xonandani „xorijiy agent“ deb eʼtirof etgan[33][34].

Oʻsha yili Valeriy „Ukrainska pravda“ jurnalistlari surishtiruvi obyekti boʻlgan. Jurnalistlar uni Kurshavelda Rossiya Mudofaa vazirligi vazir oʻrinbosari Timur Ivanovning rafiqasi hamda sanksiyalar ostidagi tadbirkor Andrey Bokarevning rafiqasi bilan birga sur’atga olishgan[35][36].

Televideniyedagi faoliyati

  • 2004 — „NTV“ telekanalidagi „Strana Sovetov“ koʻrsatuvida hammuallif (Ruslana Pisanka bilan birga)[37].
  • 2005 — „Rossiya“ telekanalidagi „Sekret uspexa“ musiqiy teleyorligʻida murabbiy (Aleksandr Revzin va Yekaterina Gechmen-Valdek bilan birga)[38].
  • 2007 — "Birinchi kanal"da „Yulduzlar fabrikasi“ loyihasining yettinchi mavsumida musiqiy produser (akasi Konstantin bilan birga).
  • 2012–2013-yillar — „Rossiya-1“ telekanalidagi „Bitva xorov“ loyihasining birinchi (Yekaterina Varnava va Natalya Stefanenko bilan birga) va ikkinchi (Natalya Stefanenko va reper Potap bilan birga) mavsumlari boshlovchisi[39][40].
  • 2017 — fevraldan aprelgacha „Birinchi kanal“da „Golos. Deti“ loyihasining 4-mavsumida Dima Bilan va Nyusha bilan birgalikda murabbiylik qilgan[41].
  • 2018 — fevraldan aprelgacha „Birinchi kanal“da „Golos. Deti“ loyihasining 5-mavsumida Basta va Pelageya bilan birgalikda murabbiylik qilgan.
  • 2018 — sentyabrdan oktyabrgacha „Birinchi kanal“da yangi „Golos. 60+“ loyihasining 1-mavsumida Leonid Agutin, Pelageya va Lev Leshchenko bilan birga murabbiylik qilgan.
  • 2019 — fevraldan aprelgacha yana „Birinchi kanal“dagi „Golos. Deti“ loyihasining 6-mavsumida Pelageya va Svetlana Loboda bilan birga murabbiy boʻlgan.
  • 2020 — fevraldan aprelgacha yana „Golos. Deti“ loyihasining 7-mavsumida Basta va Polina Gagarina bilan birga murabbiy sifatida ishtirok etgan.

Siyosiy faoliyati

2003-yildan buyon — „Yagona Rossiya“ partiyasi aʼzosi[42].

2017-yilda Krasnogorsk shahri rahbari Radiy Xabirovning taklifiga binoan Krasnogorsk shahar Jamoatchilik palatasi aʼzoligiga kiritilgan[43][44]. 2020-yilda jamoatchilik nazorati, hokimiyat ochiqligi va korrupsiyaga qarshi kurash qoʻmitasi tarkibiga kirgan[45].

2018-yilgi Prezidentlik saylovlarida nomzod Boris Titovning ishonchli vakili sifatida roʻyxatga olingan[46].

2022-yil fevral oyida Rossiyaning Ukrainaga bostirib kirishiga qarshi chiqqan[47]. Shundan soʻng „Agentstvo“ nashri tomonidan eʼlon qilingan artistlarning „qora roʻyxati“ga tushgan[48].

Oilasi

Otasi — Shota Konstantinovich Meladze (29-oktabr 1933-yil — 20-yanvar 2024-yil)[49].

Onasi — Nelli Akakiyevna Meladze 1934-yil 23-sentyabrda tugʻilgan.

  • Birinchi rafiqasi — Irina Meladze (Maluxina). 1989-yil mart oyida nikohdan oʻtishgan[12]. Moskvada yashash guvohnomasini olish maqsadida soxta ajrashish rasmiylashtirilgan va 1998-yilda ular qayta nikohdan oʻtishgan[50]. 2012-yilda er-xotin oʻrtasidagi munosabatlar yakunlangan. 2014-yil 21-yanvar kuni Valeriy Meladzening ajrashish haqidagi daʼvosi qondirilgan[51].
    • Oʻgʻli (1990-yil tugʻilgan, 10 kundan keyin vafot etgan)[52][53].
    • Qizlari: Inga (1991-yil 7-fevralda tugʻilgan) Oksford universitetini tamomlagan[54][55], Sofiya (1999-yil 19-mayda tugʻilgan) va Arina (2002-yil 7-dekabrda tugʻilgan) 1542-sonli gimnaziyani tamomlashgan[56].
      • Nabirasi — Georgiy (2024-y. t.)[57].
  • „StarHit“ jurnali maʼlumotlariga koʻra, xonanda 2014-yilda Albina Janabayeva bilan nikohdan oʻtgan[58]. 2018-yil noyabr oyida Janabayeva va Meladze ilk bor birgalikda intervyu berib, oilaviy hayotlari haqida soʻzlab berishgan[59]. 2019-yil may oyida Janabayeva Meladze bilan birgalikda Fransiya yoki Ispaniyada hordiq chiqarishlarini maʼlum qilgan[60].
    • Oʻgʻillari: Konstantin (2004-yil 26-fevralda tugʻilgan), Luka (2014-yil 2-iyulda tugʻilgan)[61][62]. Qizi Agata (2021-yil 12-aprelda tugʻilgan)[63].
  • Akasi — Konstantin (1963-yil 11-mayda tugʻilgan).
  • Singlisi — Liana Meladze[64].

Mukofotlari

Davlat mukofotlari
Musiqiy mukofotlar
2017-yil
„Yil qoʻshigʻi“
  • 1995 — „Sera“ qoʻshigʻi uchun
  • 1996 — „Aktrisa“ qoʻshigʻi uchun
  • 1997 — „Samba belogo motilka“ qoʻshigʻi uchun
  • 1998 — „Govorila ti“ qoʻshigʻi uchun
  • 1999 — „Krasivo“ qoʻshigʻi uchun
  • 2000 — „Noch nakanune Rojdestva“ qoʻshigʻi uchun
  • 2001 — „Komediant“ qoʻshigʻi uchun
  • 2002 — „Spryachem slyozi ot postoronnix“ qoʻshigʻi uchun
  • 2003 — „Okean i tri reki“ qoʻshigʻi uchun („VIA Gra“ guruhi bilan duet)
  • 2003 — „Ya ne mogu bez tebya“ qoʻshigʻi uchun
  • 2004 — „Prityajenya bolshe net“ qoʻshigʻi uchun („VIA Gra“ guruhi bilan duet)
  • 2004 — „Oskolki leta“ qoʻshigʻi uchun
  • 2005 — „Inostranets“ qoʻshigʻi uchun
  • 2005 — „Salyut, Vera!“ qoʻshigʻi uchun
  • 2006 — „Bez sueti“ qoʻshigʻi uchun
  • 2008 — „Parallelnie“ qoʻshigʻi uchun
  • 2009 — „Vopreki“ qoʻshigʻi uchun
  • 2010 — „Obernites“ qoʻshigʻi uchun (Grigoriy Leps bilan duet)
  • 2010 — „Nebesa“ qoʻshigʻi uchun
  • 2012 — „Poteryan i ne nayden“ qoʻshigʻi uchun
  • 2013 — „Svet uxodyashego solnsha“ qoʻshigʻi uchun (Vaxtang bilan duet)
  • 2013 — „Ne teryay menya“ qoʻshigʻi uchun (Valeriya bilan duet)
  • 2014 — „Svobodniy polyot“ qoʻshigʻi uchun
  • 2014 — „Yil xonandasi“ nominatsiyasidagi mukofot
  • 2015 — „Moy brat“ qoʻshigʻi uchun (Konstantin Meladze bilan duet)
  • 2016 — „Proshatsya nujno legko“ qoʻshigʻi uchun
  • 2017 — „Svoboda ili Sladkiy plen“ qoʻshigʻi uchun
  • 2018 — „Mama, ne goryuy!“ qoʻshigʻi uchun (MBAND guruhi bilan duet)
  • 2019 — „Chego ti xochesh ot menya?“ qoʻshigʻi uchun
„Ovatsiya“
  • 1996 — „Yil qoʻshigʻi“ nominatsiyasi laureati („Sera“ qoʻshigʻi)[67]
  • 1999 — „Yil solisti“ nominatsiyasi laureati[67]
  • 2008 — „Pop-musiqa“ nominatsiyasi laureati[67]
„Oltin grammofon“
  • 1996 — „Vera“ qoʻshigʻi uchun
  • 2000 — „Tekila-lyubov“ qoʻshigʻi uchun
  • 2003 — „Ya ne mogu bez tebya“ qoʻshigʻi uchun
  • 2004 — „Prityajenya bolshe net“ qoʻshigʻi uchun („VIA Gra“ guruhi bilan duet)
  • 2005 — „Salyut, Vera!“ qoʻshigʻi uchun
  • 2006 — „Bez sueti“ qoʻshigʻi uchun
  • 2007 — „Saxara ne nado“ qoʻshigʻi uchun
  • 2008 — „Parallelnie“ qoʻshigʻi uchun
  • 2009 — „Vopreki“ qoʻshigʻi uchun
  • 2011 — „Nebesa“ qoʻshigʻi uchun
  • 2013 — „Svet uxodyashego solnsha“ qoʻshigʻi uchun (Vaxtang bilan duet)
  • 2014 — „Svobodniy polyot“ qoʻshigʻi uchun
  • 2015 — „Nebesa“ qoʻshigʻi uchun (yubiley mukofoti)
  • 2016 — „Lyubov i mlechniy put“ qoʻshigʻi uchun
  • 2018 — „Svoboda ili Sladkiy plen“ qoʻshigʻi uchun
  • 2019 — „Chego ti xochesh ot menya?“ qoʻshigʻi uchun
  • 2021 — „Vremya vishlo“ qoʻshigʻi uchun
„Muz-TV mukofoti“
  • 2004 — „Eng yaxshi duet“ nominatsiyasida („VIA Gra“ guruhi bilan „Okean i tri reki“ dueti)
  • 2004 — „Eng yaxshi ijrochi“ nominatsiyasida
  • 2005 — „Eng yaxshi duet“ nominatsiyasida („VIA Gra“ guruhi bilan „Prityajenya bolshe net“ dueti)
  • 2005 — „Eng yaxshi ijrochi“ nominatsiyasida
  • 2006 — „Eng yaxshi ijrochi“ nominatsiyasida
  • 2013 — „Eng yaxshi duet“ nominatsiyasida (Vaxtang bilan „Svet uxodyashego solnsha“ dueti)
  • 2014 — „Eng yaxshi video“ nominatsiyasida (Valeriya bilan „Ne teryay menya“ dueti)
„RU.TV mukofoti“
  • 2011 — „Eng yaxshi duet“ nominatsiyasida (Grigoriy Leps bilan „Obernites“ dueti)
  • 2013 — „Eng yaxshi xonanda“ nominatsiyasida
  • 2015 — „Yil artisti“ nominatsiyasida
  • 2017 — „Eng yaxshi videoklip“ nominatsiyasida („Proshatsya nujno legko“ qoʻshigʻi)
  • 2019 — „Eng yaxshi duet“ nominatsiyasida (Mot bilan „Skolko let“ dueti)
Boshqalar
  • 2004 — „MTV Russia Music Awards 2004“ mukofoti, „Eng yaxshi qoʻshiq“ nominatsiyasida („VIA Gra“ guruhi bilan „Prityajenya bolshe net“ dueti)
  • 2010 — „20 luchshix pesen“ mukofoti (Grigoriy Leps bilan „Obernites“ dueti)
  • 2011 — „20 luchshix pesen“ mukofoti („Pobud so mnoy“ qoʻshigʻi)
  • 2017 — „Zvyozdi Dorojnogo radio“ mukofoti
  • 2018 — „Jara Music Awards 2018“ mukofoti, „Eng yaxshi videoklip“ nominatsiyasida („Svoboda ili sladkiy plen“ qoʻshigʻi)
  • 2019 — „TopHit“ mukofoti, „Eng yaxshi ijrochi“ nominatsiyasida

Manbalar

  1. ↑ 1,0 1,1 Rossiya Federatsiyasi Prezidenti V. Putin tomonidan 2006-yil 22-sentabrda imzolangan № 1044-sonli „Rossiya Federatsiyasining davlat mukofotlari bilan taqdirlash toʻgʻrisida“gi farmon (Wayback Machine saytida 2013-11-04 sanasida arxivlangan) http://www.kremlin.ru/acts/bank/24337
  2. ↑ 2,0 2,1 Checheniston Respublikasi Prezidenti Ramzan Qodirov Valeriy Meladzega „Checheniston Respublikasi xalq artisti“ unvonini berdi Wayback Machinedagi asl nusxadan arxivlangan arxiv nusxasi. (2-fevral 2014-yil) // chechnya.gov.ru (2008-yil 16-dekabr)
  3. ↑ 3,0 3,1 Valeriy Meladze Checheniston xalq artisti boʻldi Wayback Machinedagi asl nusxadan arxivlangan arxiv nusxasi. (11-aprel 2009-yil) // pravda.ru (2008-yil 16-dekabr)
  4. ↑ „MTV Russia Music Awards 2004 natijalari“ (ru). 2024-yil 8-yanvarda asl nusxadan arxivlangan. Qaraldi: 2024-yil 8-yanvar.
  5. ↑ „Sergey Lazarev ZD Awards mukofotida «Yil solisti» deb topildi“ (ru). 2023-yil 1-sentyabrda asl nusxadan arxivlangan. Qaraldi: 2024-yil 8-yanvar.
  6. ↑ 6,0 6,1 6,2 6,3 „BIOGRAFIYA — Valeriy Meladzening rasmiy sayti“. meladze.ru. 2022-yil 16-dekabrda asl nusxadan arxivlangan. Qaraldi: 2022-yil 16-dekabr.
  7. ↑ „«Jara» festivalida Valeriy Meladzening ijodiy kechasi“ (ru). 2024-yil 8-yanvarda asl nusxadan arxivlangan. Qaraldi: 2024-yil 8-yanvar.
  8. ↑ „Toto Kutunyo «Yangi to‘lqin 2013» hakamlar hay’ati a’zosi bo‘ladi“ (ru). 2023-yil 19-dekabrda asl nusxadan arxivlangan. Qaraldi: 2024-yil 8-yanvar.
  9. ↑ Valeriy Meladze Krasnogorsk maʼmuriyatining bogʻ va xiyobonlardagi ichkilikbozlikka qarshi kurashini qoʻllab-quvvatladi Wayback Machinedagi asl nusxadan arxivlangan arxiv nusxasi. (23-yanvar 2018-yil) // Krasnogorsk shahar okrugi maʼmuriyati sayti
  10. ↑ „Jamoatchilik palatasi a’zolari“ (ru). www.krasnogorsk-op.ru. Krasnogorsk shahar okrugi Jamoatchilik palatasi sayti. 2021-yil 22-iyunda asl nusxadan arxivlangan. Qaraldi: 2021-yil 12-noyabr.
  11. ↑ Telefon operatori va olim: Valeriy Meladze hayotidan 10 nomaʼlum fakt Wayback Machinedagi asl nusxadan arxivlangan arxiv nusxasi. (22-aprel 2017-yil) // m24.ru
  12. ↑ 12,0 12,1 Birinchi kanal. Hujjatli film. „Valeriy Meladze. Hech kim aybdor emas“ biografik filmi (efir sanasi — 2013-yil 30-noyabr) Wayback Machinedagi asl nusxadan arxivlangan arxiv nusxasi. (15-avgust 2016-yil) // Birinchi kanal
  13. ↑ „Meladze, Valeriy Shotayevich“. TASS. 2023-yil 2-dekabrda asl nusxadan arxivlangan. Qaraldi: 2024-yil 12-yanvar.
  14. ↑ Valeriy Meladze: Albina Janabayeva bilan munosabatlari va rafiqasi bilan ajrashuvi haqida ilk bor Wayback Machinedagi asl nusxadan arxivlangan arxiv nusxasi. (22-aprel 2017-yil) // 7days.ru
  15. ↑ „Konstantin Meladzening ikki oilasi: prodyuser nega Vera Brejneva bilan munosabatlarini uzoq vaqt yashirgan?“ (ru). www.starhit.ru. «StarHit» (2019-yil 11-may). 2021-yil 12-noyabrda asl nusxadan arxivlangan. Qaraldi: 2021-yil 12-noyabr.
  16. ↑ „Nikolayev ijtimoiy-siyosiy gazetasi. Afsonaviy «Dialog» guruhi barabanchisi Anatoliy Deynega vafot etdi. 2014-yil 7-avgust“. 2019-yil 27-mayda asl nusxadan arxivlangan. Qaraldi: 2019-yil 27-may.
  17. ↑ YouTube logotipi Valeriy Meladze — «Не тревожь мне душу, скрипка…» (1992-yil) YouTubeda
  18. ↑ Valeriy Meladze biografiyasi Wayback Machinedagi asl nusxadan arxivlangan arxiv nusxasi. (2-fevral 2014-yil) // afisha.mail.ru
  19. ↑ Valeriy Meladze — Rossiya Federatsiyasida xizmat koʻrsatgan artist — „Limbo“ qoʻshigʻi // v-meladze.ru
  20. ↑ YouTube logotipi Valeriy Meladze ijrosidagi «Limbo» qo‘shig‘i Alla Pugachyovaning «Rojdestvo uchrashuvlari» dasturida (1994) YouTubeda
  21. ↑ YouTube logotipi Alla Pugachyovaning «Rojdestvo uchrashuvlari» (1994) YouTubeda
  22. ↑ „Валерий Меладзе Сольный концерт в Олимпийском Live 1997“ (ru-RU). 2022-yil 16-dekabrda asl nusxadan arxivlangan. Qaraldi: 2022-yil 16-dekabr.
  23. ↑ „Валерий Меладзе - Всё Так И Было“ (ru). 2022-yil 16-dekabrda asl nusxadan arxivlangan. Qaraldi: 2022-yil 16-dekabr.
  24. ↑ Все так и было // Музыкальная газета. — 1999. — 29 dekabr (№ 51). — ISSN 1606-7010. Архивировано 10 dekabr 2024 года.
  25. ↑ Григорий Шестаков. „Валерий Меладзе — Все так и было“ (ru). «Звуки.ру» (2000-yil 10-aprel).
  26. ↑ „В. Меладзе - Вопреки“ (en). 2022-yil 16-dekabrda asl nusxadan arxivlangan. Qaraldi: 2022-yil 16-dekabr.
  27. ↑ Алексей Мажаев. „Валерий Меладзе — «Океан, 2005 г.» **** (Видео)“ (ru). InterMedia (2014-yil 26-oktyabr). 2021-yil 12-noyabrda asl nusxadan arxivlangan. Qaraldi: 2021-yil 12-noyabr.
  28. ↑ „Братья Меладзе представят в Минске свой первый дуэт“. 2017-yil 4-fevralda asl nusxadan arxivlangan. Qaraldi: 2017-yil 3-fevral.
  29. ↑ „Валерий и Константин Меладзе — «Мой брат» ***“. 2019-yil 1-yanvarda asl nusxadan arxivlangan. Qaraldi: 2019-yil 1-yanvar.
  30. ↑ Виктория Новикова. „Первый зимний VK Fest пройдёт онлайн со 2 по 6 января“. СОВА (2021-yil 22-dekabr). 2022-yil 25-oktyabrda asl nusxadan arxivlangan. Qaraldi: 2022-yil 25-oktyabr.
  31. ↑ „«Это наш позор». Российские писатели, журналисты и режиссеры призвали остановить войну с Украиной — Meduza“ (ru-RU). Meduza. 2022-yil 1-martda asl nusxadan arxivlangan. Qaraldi: 2026-yil 23-yanvar.
  32. ↑ „Его грешная жизнь. Валерию Меладзе — 60 лет. Рассказываем, как он стал артистом, объединившим всех — россиян и украинцев, зумеров и бумеров, уехавших и оставшихся“. Новая газета Европа (1991-yil 3-yanvar). Qaraldi: 2026-yil 23-yanvar.
  33. ↑ https://www.svoboda.org/a/ocherednoy-vrag-nayden-sotsseti-o-napadkah-na-valeriya-meladze/32207317.html
  34. ↑ https://newtimes.ru/articles/detail/233523/
  35. ↑ https://theins.ru/news/260673
  36. ↑ https://newtimes.ru/articles/detail/238723
  37. ↑ Valeriy Meladze: „Biz bir-birimizni toʻldiramiz“ Wayback Machinedagi asl nusxadan arxivlangan arxiv nusxasi. // NTV.ru
  38. ↑ „Rossiya“ kanali musiqiy ijrochilarning muvaffaqiyat sirlarini ochmoqda Wayback Machinedagi asl nusxadan arxivlangan arxiv nusxasi. // km.ru
  39. ↑ „Bitva Xorov“ loyihasining birinchi mavsumi haqida Wayback Machinedagi asl nusxadan arxivlangan arxiv nusxasi. // russia.tv
  40. ↑ Bitva xorov 2-mavsum Wayback Machinedagi asl nusxadan arxivlangan arxiv nusxasi. // vokrug.tv
  41. ↑ GOLOS.DETI-4. Mamlakatning bosh bolalar vokal shousi Wayback Machinedagi asl nusxadan arxivlangan arxiv nusxasi. // 1tv.ru
  42. ↑ „Partiya aytdi: „Kerak!“ „Labbay!“ — javob berdi estrada“. Aleksandr Buynov, Valeriy Meladze va boshqa madaniyat namoyandalari „Yagona Rossiya“ga aʼzo boʻlishdi. Nega? (ru). www.kp.ru. Komsomolskaya pravda (2003-yil 7-fevral). 2020-yil 28-avgustda asl nusxadan arxivlangan.
  43. ↑ „Meladze va Xaratyan Krasnogorsk Jamoatchilik palatasining yangi tarkibiga kirdi“ (ru). mkset.ru (2017-yil 13-iyul). 2020-yil 28-avgustda asl nusxadan arxivlangan.
  44. ↑ „Valeriy Meladze va Dmitriy Xaratyan siyosatga kirishdi. Va nafaqat ular…“. Xonanda Valeriy Meladze, aktyor Dmitriy Xaratyan, RF JP aʼzosi Maksim Grigoryev, VI chaqiriq Davlat Dumasi deputati Mariya Kojevnikova, afsonaviy suzuvchi Shavarsh Karapetyan, politolog Abbas Gallyamov Krasnogorsk Jamoatchilik palatasining yangi tarkibiga kirdilar (ru). newizv.ru. Novie izvestiya (2017-yil 13-iyul). 2017-yil 3-avgustda asl nusxadan arxivlangan.
  45. ↑ „Krasnogorsk Jamoatchilik palatasi. Meladze Valerian Shotayevich“. 2020-yil 24-noyabrda asl nusxadan arxivlangan.
  46. ↑ Medvedev G. „Meladze va Fomenko Titovning ishonchli vakillari boʻlishdi“ (ru). «Izvestiya» (2018-yil 7-fevral). 2023-yil 7-mayda asl nusxadan arxivlangan.
  47. ↑ „Bu bizning uyatimiz“. Rossiyalik yozuvchilar, jurnalistlar va rejissyorlar Ukrainadagi urushni toʻxtatishga chaqirishdi
  48. ↑ „Ukrainani qoʻllab-quvvatlagani uchun RFda taqiqlangan artistlar roʻyxati eʼlon qilindi“. 2022-yil 16-martda asl nusxadan arxivlangan.
  49. ↑ „Valeriy Meladzening otasi shifoxonada vafot etdi // NTV Yangiliklari“ (ru). NTV. 2024-yil 20-yanvarda asl nusxadan arxivlangan.
  50. ↑ YouTube logotipi MUZ-TV. «Love Story» dasturi. Valeriy Meladze (2004-yil) YouTubeda
  51. ↑ Moskva sudi xonanda Valeriy Meladzening ajrashish haqidagi daʼvosini qondirdi Wayback Machinedagi asl nusxadan arxivlangan arxiv nusxasi. // rapsinews.ru (2014-yil 21-yanvar)
  52. ↑ „Irina Meladze sobiq eri haqida: «Valeriydan oiladan ketgani uchun bir necha bor minnatdor boʻlganman» | Teleprogramma“. 2016-yil 5-noyabrda asl nusxadan arxivlangan.
  53. ↑ „Irina Meladze: Mening ichimda hamma narsa yonib kul boʻlgan“. 2016-yil 19-martda asl nusxadan arxivlangan.
  54. ↑ „Qizaloq ulgʻaydi...“ (ru). Life (2011-yil 23-noyabr). 2024-yil 6-iyunda asl nusxadan arxivlangan.
  55. ↑ Irina Suxanova. „Valeriy Meladzening qizi ikki yillik nikohdan soʻng marokashlik eri bilan ajrashmoqda“. Inga Meladze koʻp yil Buyuk Britaniyada yashadi, biroq ajralishdan soʻng Moskvaga qaytdi. Komsomolskaya pravda (2019-yil 23-iyun). 2024-yil 6-iyunda asl nusxadan arxivlangan.
  56. ↑ Ava Kulebyakina. „Meladze uch qizining kvartiralari uchun banklardan millionlab rubl qarzdor boʻlib qoldi“ (en). Argumenti i fakti (2010-yil 12-avgust). 2021-yil 12-noyabrda asl nusxadan arxivlangan.
  57. ↑ „"Xush kelibsiz!" Valeriy Meladze bobo boʻldi“. 2024-yil 8-iyulda asl nusxadan arxivlangan.
  58. ↑ „Sevgi qanotlarida: Meladze va Janabayevaning yashirin toʻyi, Shalyapinning marosimi va boshqalar haqida batafsil | StarHit.ru“. 2016-yil 8-dekabrda asl nusxadan arxivlangan.
  59. ↑ „Albina Janabayeva va Valeriy Meladze: sevgi tarixi birinchi shaxsdan“ (ru). Hello! (2018-yil 18-noyabr). 2021-yil 12-noyabrda asl nusxadan arxivlangan.
  60. ↑ Russkoye radio. Albina Janabayeva Bred Pittga muhabbat izhor qildi Wayback Machinedagi asl nusxadan arxivlangan arxiv nusxasi. — 2019-05-22.
  61. ↑ „Valeriy Meladze oʻgʻliga noyob ism qoʻydi“. 2014-yil 14-iyulda asl nusxadan arxivlangan.
  62. ↑ Albina Janabayeva Valeriy Meladzega ikkinchi oʻgʻilni tuhfa etdi Wayback Machinedagi asl nusxadan arxivlangan arxiv nusxasi. // KP.RU
  63. ↑ „Goʻzal ism! Valeriy Meladze va Albina Janabayeva qizlariga qanday ism qoʻyishgani maʼlum boʻldi | StarHit.ru“. 2021-yil 1-mayda asl nusxadan arxivlangan.
  64. ↑ „Сестру Валерия Меладзе обвинили в плагиате“. 2022-yil 8-martda asl nusxadan arxivlangan. Qaraldi: 2022-yil 8-mart.
  65. ↑ „О награждении работников различных отраслей Автономной Республики Крым“. 2022-yil 17-avgustda asl nusxadan arxivlangan. Qaraldi: 2022-yil 17-avgust.
  66. ↑ „Указ от 15.12.2008 г № 410“. 2022-yil 12-avgustda asl nusxadan arxivlangan. Qaraldi: 2022-yil 12-avgust.
  67. ↑ 67,0 67,1 67,2 Natsionalnaya rossiyskaya premiya v oblasti muzikalnogo iskusstva „Ovatsiya“. Istoriya. Laureati. Wayback Machinedagi asl nusxadan arxivlangan arxiv nusxasi. (24-dekabr 2013-yil) // ovacija.ru 
"https://ziyosfera.uz/index.php?title=Valeriy_Meladze&oldid=1186388" dan olindi