Valentin Silvestrov
Valentin Silvestrov | |
|---|---|
 | |
| Tavalludi |
1937-yil 30-sentyabr |
| Janrlar | Simfoniya, zamonaviy klassik musiqa, fortepiano musiqasi |
| Kasbi | Bastakor |
| Leybllar | ECM Records |
| Fuqaroligi |
 Ukraina |
Valentin Vasilyevich Silvestrov (ukraincha: Валентин Васильович Сильвестров; 1937-yil 30-sentyabr, Kiyev, Ukraina SSR, SSSR) – ukrainalik bastakor. Ukraina SSR xalq artisti (1989).
Hayoti
Silvestrov 1937-yil 30-sentyabrda Kiyevda muhandis va nemis tili oʻqituvchisi oilasida tugʻilgan[1]. Ota-onasi uning faqat musiqaga alohida eʼtibor berishidan tashqari, unga har tomonlama taʼlim berishga harakat qilishgan. Silvestrov musiqa maktabini tamomlagan va 15 yoshidan boshlab musiqa yozishga harakat qilgan, ammo Kiyev muhandislik-qurilish institutiga oʻqishga kiradi. Uch yillik oʻqishdan soʻng, Silvestrov oʻquv yilining oʻrtalarida institutni tark etgan va 1958-yilda Kiyev konservatoriyasiga (Boris Lyatoshinskiyning kompozitsiya sinfi) oʻqishga kirgan[1]. 1964-yilda oʻqishni tamomlagan. 1960-yillarda Silvestrov „Kievskiy avangard“ norasmiy guruhiga (Leonid Grabovskiy, Vitaliy Godzatskiy, Vladimir Zagorsev, Vladimir Guba, Igor Blajkov va boshqalar) aʼzo boʻlgan, guruhning faoliyati davlatning rasmiy madaniy siyosatiga toʻgʻri kelmasdi[2]. 1961-yilda Silvestrov oʻzining birinchi dodekafon – „Pyat pyes dlya fortepiano“ va Quartetto piccolo asarlarini yozgan. 1970-yilda Silvestrov ijodiy qarashlari tufayli Ukraina bastakorlar uyushmasidan chiqarilgan.
Ijodi
Silvestrov sakkizta simfoniya, uchta torli kvartet, vokal va xor asarlari muallifi. Silvestrov kinoda ham ishlagan, jumladan, Kira Muratovaning „Tri istorii“ (2002), „Chexovskiye motivi“, „Dva v odnom“ va „Nastroyshik“ (2004), Rollan Sergiyenko „Beliye tuchi“ (1968) filmlariga musiqa yozgan. Bundan tashqari, Silvestrov Sergey Parajanov tomonidan „Kiyevskiye freski“ (1966) filmining saundtrekini yaratish uchun taklif qilingan, ammo bu film tugallanmagan va keyinchalik boshqa bastakor Vladimir Selivanov musiqasidan foydalanilgan.
Musiqa anʼanasi, ayniqsa nemis romantizmi (Robert Shuman) bilan chambarchas va murakkab bogʻliq boʻlgan, jarangdor sheʼriy soʻz bilan uygʻunlashgan Silvestrov ijodi zamonaviy, post-avangard melodik tilning eng teran namunalaridan biri hisoblanadi. Bu ijod uslubi musiqa va sheʼriyat oʻrtasidagi nozik aloqalarni aks ettiradi va oʻziga xos ohangdorlikni namoyon etadi.
Manbalar
- ↑ 1,0 1,1 „Valentin Silvestrov“. Schott. Schott Music GmbH & Co. Qaraldi: 2022-yil 27-may.
- ↑ „Аудіовізуальний проект «Київський авангард 1960-х. Школа Бориса Лятошинського» | Komіtet z Natsіonalnoї premії Ukraїni іmenі Tarasa Shevchenka“. knpu.gov.ua. 2019-yil 3-oktyabrda asl nusxadan arxivlangan. Qaraldi: 2020-yil 5-may.