Kontent qismiga oʻtish

UzChess

ZiyoSfera, erkin ensiklopediya
UzChess
Loyiha maqsadi Shaxmat sportini oʻzbekistonliklar orasida ommalashtirish
Loyiha turi sayt, ilova
Status faol
Joylashuvi Oʻzbekiston
Asoschi(lar)i Alisher Saʼdullayev
Prezidenti Ulug‘bek Ismatov[1]
Vebsayti UzChesss.uz
Til(lar)i oʻzbekcha, ruscha

UzChess – Oʻzbekiston Respublikasi Yoshlar ishlari agentligining shaxmat sportini rivojlantirishga qaratilgan loyihasi[2]. Loyiha doirasida yoshlar shaxmatni noldan boshlab, bepul oʻrganishi mumkin. Loyihaga Yoshlar ishlari agentligi direktori Alisher Saʼdullayev va Ulugʻbek Ismatov tomonidan 2023-yil mart oyida asos solingan[3].

Faoliyati

2022-yilda Hindistonning Chennay shahrida boʻlib oʻtgan 44-Shaxmat olimpiadasida Oʻzbekiston terma jamoasi gʻoliblikni qoʻlga kiritdi[4]. Gʻalabadan soʻng Yoshlar ishlari agentligi direktori Alisher Saʼdullayev tomonidan shaxmatni mamlakat miqyosida bepul oʻrganish imkonini beruvchi platforma yaratish tashabbusi ilgari surildi[5]. „UzChess“ 2023-yil mart oyida ishga tushirildi. Loyiha rahbarligiga Ulugʻbek Ismatov tayinlandi[6]. Loyiha Oʻzbekistonda shaxmatni rivojlantirishga qaratilgan yirik loyiha hisoblanadi. 2026-yilga kelib UzChessning rasmiy YouTube kanalida 3 mingdan ortiq videokontent tayyorlangan. Videokontent 99 milliondan ziyod umumiy koʻrish ega boʻlgan. Ijtimoiy tarmoqlarda umumiy obunachilar soni 173 ming kishidan iborat. UzChess mobil ilovasi foydalanuvchilari soni yil boshida 315 000 dan 734 000 ga yetdi, unda 2 030 000 dan ortiq mashgʻulot bajarildi va 25 800 nafar foydalanuvchi sertifikat oldi[7].

Musobaqalar

Asosiy maqola: UzChess Cup 2024 va President Cup

UzChess loyihasi tomonidan oʻzbekistonlik shaxmatchilarning bilim va tajribasini yanada takomillashtirish, ularni munosib tarzda ragʻbatlantirish uchun zarur sharoitlarni yaratish, shuningdek, yosh shaxmatchilarning xalqaro musobaqalarda sport mahoratini oshirish maqsadida 2024-yilda mukofot jamgʻarmasi 166.000 AQSH dollarini tashkil etuvchi UzChess Cup 2024, 2025-yilda mukofot jamgʻarmasi 121.500 AQSH dollarini tashkil etuvchi UzChess Cup 2025 musobaqalari oʻtkazilgan[8][9][10]. 2021-yildan 2025-yilga qadar President Cup musobaqasi tashkil etilgan[11][12].

Manbalar

  1. ↑ „Ulug‘bek Ismatov UzChess Loyihasi rahbari“. www.uzchesss.uz. 2025-yil 7-dekabrda asl nusxadan arxivlangan. Qaraldi: 27-yanvar 2026-yil.
  2. ↑ „Yoshlar uchun eng foydali loyihalarni sizlarga taqdim etamiz!“. www.gov.uz. Qaraldi: 13-yanvar 2026-yil.
  3. ↑ „“UZCHESS” shaxmatni ilk bosqichdan, o‘zbek tilida, bepul o‘rganamiz“. www.yoshlarovozi.uz. Qaraldi: 13-yanvar 2026-yil.
  4. ↑ „O‘zbekiston ilk bor Butunjahon shaxmat olimpiadasining chempioni bo‘ldi“. www.oz.sputniknews.uz. Qaraldi: 13-yanvar 2026-yil.
  5. ↑ „Har bir bola shaxmat o‘rganishi uchun: “Uzchess” qanday ishlaydi?“. www.darakchi.uz. Qaraldi: 13-yanvar 2026-yil.[sayt ishlamaydi]
  6. ↑ „Ulug'bek Ismatov. UzChess, MilliyKaraoke, Modul5, Youtube O'zbekiston, Marketing Club, Chegarasiz loyihalari rahbari.“. www.connected.uz. 2026-yil 21-yanvarda asl nusxadan arxivlangan. Qaraldi: 13-yanvar 2026-yil.
  7. ↑ „“UzChess”: 2025-yilda shaxmatni trendga aylantirgan loyiha“. www.gov.uz. Qaraldi: 27-yanvar 2026-yil.
  8. ↑ „Oʻzbekistonda ilk bor UzChess Cup xalqaro shaxmat musobaqasi boshlandi“. www.platina.uz. Qaraldi: 27-yanvar 2026-yil.
  9. ↑ „The UzChess Cup is one of the strongest chess tournaments in Uzbekistan, featuring top chess players from around the world.“. www.chess.com. Qaraldi: 27-yanvar 2026-yil.
  10. ↑ „Шахматный супертурнир UzChess Cup 2024 с призовым фондом 966 тысяч стартовал в Ташкенте“. www.gazeta.uz. Qaraldi: 27-yanvar 2026-yil.
  11. ↑ „Тошкентда соврин жамғармаси 120 минг долларлик турнир ўтказилади“. www.zamon.uz. Qaraldi: 27-yanvar 2026-yil.
  12. ↑ „Тошкентда президент соврини учун Халқаро шахмат турнири ўтказилади. Соврин жамғармаси 120 минг доллар“. www.kun.uz. Qaraldi: 27-yanvar 2026-yil.

Havolalar

"https://ziyosfera.uz/index.php?title=UzChess&oldid=840282" dan olindi