Usta Bahodir madrasasi

Madrasa
Usta Bahodir madrasasi
Mamlakat	Oʻzbekiston
Hudud	Buxoro viloyati
Shahar	Buxoro
Holati	Saqlanib qolmagan

Usta Bahodir madrasasi Bo‘y rabofon guzarida joylashgan. Usta Bahodir ibn Bobo Ali hijriy 1292-yili (1875 — 1876) Bo‘y rabozor, Qultagiyon, Qozixona guzarlarida uchta hovlini ushbu madrasa uchun vaqf qilgan.

Tarixi

Hujjat qozi ul-quzzot mulla Baqoxoja ibn Boqixoja muhri bilan tasdiqlangan. Usta Bahodir madrasasiga taalluqli yana uchta hujjat mavjud bo‘lib, ulardan birida quyidagi matnni o‘qish mumkin: „Jahonpanoh, tasadduqingiz bo‘lay. Oliy marhamatingiz va mehribonligingiz ila Ayoz madrasasi mudarrisi mulla Muhammad Sharif dars berish va imomlik qilish uchun Usta Bahodir guzari masjidiga jo‘natilgan edi. Ayoz madrasasidagi uning dars o‘rni bo‘sh qoldi. Ilm olishni tugallagan va dars berishga qodir duogo‘y talabalaringizdan birini bu o‘ringa qo‘ymoqchiman. Umidgohimiz, mulla Nizomiddin ismli dars olishni yakunlagan ilm tolibi o‘qitishni uddalay oladi. U bo‘sh qolgan dars o‘rniga o‘tish uchun oliy marhamatingizdan umidvor bo‘lib janobi oliyni duo qiladi. Maoshi 5 tilla“.