Umid Qodirov

Umidjon Qodirov

Shaxsiy maʼlumot
Tavallud sanasi	1992-yil 26-iyun (1992-06-26)
Ampluasi	Tayanch yarim himoyachisi
Professional faoliyati*
Yillar	Jamoa	Isht.	(Gol.)
2012—2017	Neftchi	79	(2)
2014	→  Qoʻqon-1912	2	(0)
2017—2018	Soʻgʻdiyona	13	(2)
2018—2020	Istiqlol (Fargʻona)
2020—2021	Turon
*Professional klublardagi gollari (ichki chempionat)

Umidjon Qodirov (1992-yil 26-iyunda tugʻilgan) — oʻzbekistonlik sobiq professional futbolchi. Faoliyati davomida asosan tayanch yarim himoyachisi ampulasida oʻynagan. Zaruratga qarab oʻng qanot himoyachisi va markaziy himoyachi pozitsiyalarida ham maydonga tushgan. U professional faoliyati davomida „Neftchi“, „Qoʻqon-1912“, „Soʻgʻdiyona“ va „Turon“ klublari sharafini himoya qilgan. 2022-yilda professional futbolchilik faoliyatini yakunlagan.

Klublardagi karyerasi

Umidjon Qodirov Oʻzbekiston professional futbolidagi faoliyatini „Neftchi“ safida boshlagan. U jamoaning asosiy tarkibiga jalb etilib, Oʻzbekiston Superligasi va Oʻzbekiston Kubogi uchrashuvlarida muntazam ravishda maydonga tushgan. Tayanch yarim himoyachisi sifatida asosan himoya va yarim himoya chizigʻi oʻrtasidagi bogʻlovchi vazifani bajargan. Faoliyatining eng koʻp uchrashuvlarini ham aynan „Neftchi“ safida oʻtkazgan.

2014-yilgi mavsumni „Qoʻqon-1912“ futbol klubi safida ijarada oʻtkazgan va u yerda asosiy vaqtini zaxirada oʻtkazgan. Mavsum yakunlangach, yana „Neftchi“ safiga qaytgan va 2017-yilga qadar Fargʻonaliklar safida toʻp surgan. 2017-yilda esa Jizzaxning „Soʻgʻdiyona“ klubi bilan shartnoma imzolagan. „Soʻgʻdiyona“ safida 2017-yilning ikkinchi oxiriga qadar toʻp surgan Qodirov 2018-yilda „Istiqlol“ (Fargʻona) klubiga koʻchib oʻtgan. Keyinchalik faoliyatini „Turon“ futbol klubida davom ettirgan. „Turon“ safida Pro liga musobaqalarida ishtirok etib, 2021-yil mavsumini yakunlagach professional futbolchilik faoliyatini tugatgan.