Umid Mamadaminov

Ziyosferada ismi Umid va familiyasi Mamadaminov boʻlgan boshqa kishilar haqida ham maqolalar mavjud.

Mamadaminov Umid Mahmudovich
O‘zbekiston Respublikasi Energetika vazirining birinchi o‘rinbosari
Mansab davri 2026-yil 24-iyun - hozirgi vaqtgacha
Prezident	Shavkat Mirziyoyev
Vazir	Joʻrabek Mirzamahmudov
O‘zbekiston Respublikasi Energetika vaziri o‘rinbosari
Mansab davri 2023-yil 18-fevral – 2026-yil 23-iyun
Prezident	Shavkat Mirziyoyev
Vazir	Joʻrabek Mirzamahmudov
O‘zbekiston Respublikasi Qishloq xo‘jaligi vaziri o‘rinbosari
Mansab davri 2023-yil 17-fevral – 2023-yil 17-avgust
Prezident	Shavkat Mirziyoyev
Vazir	Aziz Voitov
Shaxsiy maʼlumotlari
Tavalludi	1983-yil Jomboy tumani, Samarqand viloyati
Millati	oʻzbek

Umid Mamadaminov Mahmudovich – (1983-yil, Jomboy tumani, Samarqand viloyati, – oʻzbekistonlik davlat arbobi, 2023-yil 17-fevraldan – 2023-yil 17-avgustgacha Oʻzbekiston Respublikasi Qishloq xoʻjaligi vaziri oʻrinbosari, 2023-yil 17-avgustdan - 2026-yil 23-iyungacha Energetika vaziri oʻrinbosari, 2026-yil 23-iyundan Energetika vazirining birinchi oʻrinbosari.

Tarjimai holi

Mamadaminov Umid Mahmudovich 1983-yil Jomboy tumanida tugʻilgan boʻlib, 2004-yilda Toshkent davlat texnika universiteti sanoat elektronikasi (bakalavr), 2006-yilda Toshkent davlat texnika universiteti sanoat elektronikasi magistratura mutaxassisligini, 2015-yilda Amerika Qo‘shma Shtatlaridagi Orgeon Texnologiyalar Instituti Qayta tiklanuvchi energiya manbalari magistratura mutaxassisligini tamomlagan.

Mehnat faoliyati

Umid Mamadaminov 2023-yildan buyon Oʻzbekiston Respublikasi Energetika vaziri oʻrinbosari lavozimida faoliyat yuritib kelmoqda. Ushbu lavozimda u mamlakat energetika siyosatini diversifikatsiya qilish va uzoq muddatli barqaror rivojlanishni taʼminlashga qaratilgan asosiy strategik tashabbuslarni muvofiqlashtirishda ishtirok etmoqda. Uning rahbarligi ostida qayta tiklanuvchi energiya manbalari asosidagi yirik loyihalar, jumladan quyosh energetikasi, shamol energetikasi va gidroenergetika obyektlarini rivojlantirish, shuningdek, yashil vodorod texnologiyalarini joriy etish boʻyicha ishlar amalga oshirilmoqda. Umid Mamadaminov faoliyatida energiya xavfsizligini mustahkamlash, energiya samaradorligini oshirish hamda uglerod chiqindilarini kamaytirish masalalari ustuvor yoʻnalish sifatida belgilangan. Shu bilan birga, u elektr energiyasini uzatish va elektr energiyasini taqsimlash tarmoqlarini modernizatsiya qilish, qayta tiklanuvchi energiya manbalarini elektr tarmog‘iga integratsiya qilish jarayonlarini institutsional va texnik jihatdan qoʻllab-quvvatlamoqda.

Energetika sohasidagi faoliyatidan avval, 2023-yilda Umid Mamadaminov Qishloq xoʻjaligi vaziri oʻrinbosari lavozimida faoliyat yuritgan. Mehnat faoliyat davomida qishloq xoʻjaligi mahsulotlari eksport salohiyatini oshirish, oziq-ovqat xavfsizligini taʼminlash hamda agrar sohada bozor mexanizmlarini rivojlantirishga qaratilgan chora-tadbirlarni ishlab chiqishda tashabbus koʻrsatgan. Uning ishtirokida mamlakat oziq-ovqat tizimini modernizatsiya qilish, ishlab chiqarish samaradorligini oshirishga yoʻnaltirilgan strategik tashabbuslar ilgari surilgan.

2018–2023-yillar oraligʻida Umid Mamadaminov xususiy sektorda faoliyat yuritib, bir qator tadbirkorlik loyihalariga rahbarlik qilgan. U asosan energetika va oziq-ovqat sanoati yoʻnalishlarida import va eksport operatsiyalari, shuningdek, konsalting xizmatlarini amalga oshirgan. Uning tadbirkorlik faoliyati qatoriga quruq loviya mahsulotlarini qayta ishlash va qadoqlash korxonasini boshqarish, qishloq xo‘jaligi mahsulotlari eksporti hamda zamonaviy sugʻorish texnologiyalarini joriy etish loyihalari kiradi.

2015–2018-yillarda Umid Mamadaminov Amerika Qo‘shma Shtatlarida joylashgan Stantec Consulting Services Inc. kompaniyasida loyihalovchi muhandis sifatida faoliyat yuritgan. Ushbu davrda u binolari uchun elektr energiyasini taqsimlash tizimini loyihalash bilan shugʻullanib, elektr infratuzilmasining ishonchliligi va xavfsizligini taʼminlashga qaratilgan texnik yechimlarni ishlab chiqqan. Uning professional faoliyati texnik loyihalash jarayonida turli yoʻnalishdagi mutaxassislar bilan yaqindan hamkorlik qilish, shuningdek, elektr tizimlarini loyihalashda amaldagi xalqaro standartlar hamda sanoat meʼyorlariga qatʼiy rioya etishni oʻz ichiga olgan.

Umid Mamadaminov qayta tiklanuvchi energiya tizimlari, elektr energetika loyihalash, loyiha boshqaruvi hamda xalqaro savdo sohalaridagi chuqur bilim va tajribasi bilan tanilgan mutaxassis hisoblanadi. Uning quyosh energetikasi, shamol energetikasi va batareya energiya saqlash tizimlari (BESS) yoʻnalishlaridagi faoliyati Oʻzbekistonning yashil energiya manbalariga bosqichma-bosqich oʻtish jarayoniga sezilarli hissa qoʻshmoqda. Umid Mamadaminov energetika sohasida texnik yechimlar bilan bir qatorda, normativ-huquqiy muhitni takomillashtirish masalalarida ham faol ishtirok etib, mamlakat energetika siyosatini qoʻllab-quvvatlovchi qonunchilik va institutsional mexanizmlarni ishlab chiqishda muhim rol oʻynaydi.

Yutuqlar va Mukofotlar

Umid Mamadaminov 2014-yilda quyosh fotoelektrik tizimlari va energiya saqlash boʻyicha tadqiqotlari uchun Bonneville Power Administration tomonidan tasis etilgan „NW Energy XP Scholarship Award“ mukofotiga sazovor boʻlgan. Shuningdek, 2003-yilda Toshkent davlat texnika universitetidagi taʼlim davrida „Beruniy stipendiyasi“ bilan taqdirlangan.

Shaxsiy hayoti

Umid Mamadaminov hozirda O‘zbekistonda istiqomat qiladi va mamlakat energetika sohasini rivojlantirishga qaratilgan faoliyatini davom ettirmoqda. Shu bilan birga, u barqaror energetika masalalari boʻyicha xalqaro muhokamalarda ishtirok etib, texnologik innovatsiyalarni mahalliylashtirishda hamda amalga tatbiq etishda alohida favqulodda muhim ishlarni amalga oshirmoqda.