Ulmos al-Hojib masjidi
| Masjid | |
Ulmos al-Hojib masjidi
| |
 | |
| Masjidning kirish qismi | |
| Mamlakat |  Misr
|
| Shahar | Qohira |
| Koordinatalar | 30°02′07″N 31°15′17″E / 30.03528°N 31.25472°E |
| Meʼmoriy uslub | Mamluklar meʼmorchiligi |
| Asoschi | Sayfiddin Ulmos al-Hojib |
| Gumbazlar soni | 1 ta |
| Gumbazlar soni | 1 ta |
| Minoralar soni | 1 ta |
| Minoralar soni | 1 ta |
Ulmos al-Hojib masjidi yoki Amir Ulmos al-Hojibning dafn masjidi[1] Misrning Qohira shahridagi tarixiy masjid va maqbaradir. U Mamluk amaldori Sayfiddin Ulmos tomonidan bunyod etilgan va uning qurilishi 1329–1330-yillarda yakunlangan.
Tarixi
Sayfiddin Ulmos Mamluk sultoni an-Nosir Muhammad davrida amir (qoʻmondon yoki yuksak mansabdor) boʻlgan. U mamluklar iyerarxiyasida avval jashankir (taom tatib koʻruvchi), soʻngra hojib (saroy dorugʻasi, hofizul-bob) va nihoyat sultonning oʻrinbosari darajasiga koʻtarilgan[1][2].
Ulmos asos solgan masjid Qohira qal’asining gʻarbida joylashgan Hadarat al-Baqar nomli mahallada qurilgan[1]. Masjid peshtoqidagi bitikda uning asos solingan yili hijriy 729-yil (milodiy 1328–1329-yillar), qurilishi esa hijriy 730-yil (milodiy 1329–1330-yillar) deb koʻrsatilgan[1]. Oʻsha davrda yashagan muallif as-Safadiyning yozishicha, Ulmos masjid va uning bezaklarini tugallash uchun marmarni Shomdan, Anatoliyadan va boshqa dengizorti oʻlkalardan keltirishgan[1][2].
Ulmos 1333-yilda, masjid qurib bitkazilganidan uch yil oʻtib, sultonga qarshi fitna uyushtirganlik gumoni bilan qatl etilgan[1][3]. U oʻz masjidiga tutash maqbaraga dafn etilgan[3].
1713-yilda, Usmonli davrida masjid minorasi qulab tushgan va hozirgi koʻrinishida qayta qurilgan. Oʻsha davr hunarmandlari eski minoraning toshlaridan foydalangan holda, burjni yana mamluk uslubida tiklashga urinishgan, biroq Mamluk davridagi hunarmandchilik darajasiga yetisha olmaganlar[3]. 21-asr boshlariga kelib, masjid yopib qoʻyilgan va katta zarar koʻrgan edi. 2010-yilda u mahalliy misrlik kompaniya tomonidan restavratsiya qilinib, qayta ochildi[3].
Manbalar
- ↑ 1,0 1,1 1,2 1,3 1,4 1,5 Behrens-Abouseif, Doris. Cairo of the Mamluks: A History of Architecture and its Culture (en). The American University in Cairo Press, 2007 — 180–183-bet. ISBN 9789774160776. Qaraldi: 2024-yil 29-yanvar (2024-yil 29-yanvarda asl nusxadan arxivlangan).
- ↑ 2,0 2,1 O'Kane, Bernard. The Mosques of Egypt (en). American University of Cairo Press, 2016 — 92–95-bet. ISBN 9789774167324.
- ↑ 3,0 3,1 3,2 3,3 Williams, Caroline. Islamic Monuments in Cairo: The Practical Guide, 7th (en), Cairo: The American University in Cairo Press, 2018 — 133-bet.