Ugarit tili

Ugarit tili — oʻlik som tillaridan biri. Mil. av. 23—XIII asrlarda Oʻrta dengizning shim.sharqiy sohilida joylashgan Ugarit davlatida, ehtimol, Shim. Suriyada va undan kengroq hududda tarqalgan. Fonetika va morfologiya sohalarida boshqa som tillari bilan oʻxshash va farqli tomonlari bor. Mas, o oʻrnida a ishlatish (alashish), qad. undoshlar tarkibining saqlanganligi, ot va feʼllarda flektiv oʻzgarishlarning mavjudligi, artiklning yoʻqligi va boshqa Leksikasida oʻziga hududiy yaqin akkad, shumer va xurrit tillaridan koʻplab oʻzlashmalar boʻlgan. Ugarit tili yodgorliklari (sheʼriy hikoyalar, ibodat matnlari, rasmiy hujjatlar, maktublar) mil. av. 2-ming yillikning 1-yarmigacha shakllangan ugarit yozuvida bitilgan.