Uch qahramon mahallasi

Uch qahramon mahallasi(Yunusobod tumani, 10-mavze, 212-sonli pochta binosi) – Oʻzbekiston Respublikasi Toshkent shahar Yunusobod tumanidagi mahalla. Shodlik, Sobirobod mahallalari bilan chegaradosh. 1988-yil tashkil etilgan boʻlib, Davlat avtomobil nazorati xodimlari M.Gashimov, M.Matchonov va O. S. Askarov oʻz xizmat vazifalarini bajarish paytda fojiali halok boʻlgani munosabati bilan ularning nomlarini abadiylashtirish maqsadida Uch qahramon deb nom berilgan. Aholisi 5 019 kishi. Mahalla hududida 2 ta bolalar bogʻchasi, oʻrta maktab, „Qadrdon“ – non ishlab chiqarish korxonasi, 41- oilaviy poliklinika, „Mediafarm“ korxonasi mavjud.