U kim? Bu nima?
| Asl nomi | Что такое? Кто такой? |
|---|---|
| Til | ruscha |
| Janr(lar)i | ensiklopediya |
| Nashr etilgan sanasi | 1968 |
| Nashriyot | „Oʻzbek sovet ensiklopediyasi“ning Bosh redaksiyasi |
| Oʻzbek tilida nashr etilgan sanasi | 1987 |
„U kim? Bu nima?“ (ruscha: Что такое? Кто такой?) – Sovet Ittifoqida nashr etilgan universal bolalar ensiklopediyasi[1]. Dastlab rus tilida 1968-yil ikki jildda „Chto takoye? Kto takoy?“ nomi bilan bosilib chiqqan. 1975–1978-yillarda ikkinchi nashri uch jilda chop etilgan.
1987-yil Toshkent shahrida „Oʻzbek sovet ensiklopediyasi“ning Bosh redaksiyasida ensiklopediyaning kengaytirilgan oʻzbekcha tarjimasi chop etilgan. Oʻzbekcha nashrga Qoʻchqor Xonazarov bosh muharrirlik qilgan, D. Shorahmedov unga oʻrinbosar boʻlgan. Oʻzbekcha nashrda ruscha maqolalarning tarjimalari bilan bir qatorda Oʻzbekiston hamda oʻzbekistonlik shaxslar haqida qoʻshimcha maqolalar keltirilgan.
Ensiklopediya kichik yoshdagi maktab bolalari uchun moʻljallangan. Sovet davrida yozilgani uchun undagi maqolalarning aksari kommunistik mafkuraning taʼsiri ostida yozilgan. Bunga qaramay, ensiklopediyada ijtimoiy va tabiiy fanlar boʻyicha mukammal maʼlumot berilgan. 2002-yil „U kum? Bu nima?“ maqolalari marksist-leninist kontentdan boshqa deyarli toʻliq olinib, lotin yozuvidagi va bir jildli „Bolalar ensiklopediyasi“da chop etilgan.
Ruscha nashr
„Chto takoye? Kto takoy?“ ensiklopediyasi ilk bor 1968-yilda ikki jildda nashr qilingan[2]. Birinchi nashr bosh muharriri boʻlgan rus matematigi va pedagogi Aleksey Markushevich rahbarligida 1975–1978-yillarda uch jildli ikkinchi nashr chop etilgan. Sovet Ittifoqi parchalanib ketganidan keyin uchinchi (1992–1994) va toʻrtinchi (1994) nashrlar hozirlangan. Oʻzbekcha tarjimaga ikkinchi nashr asos boʻlgan.
Oʻzbekcha nashr
„U kim? Bu nima?“ ensiklopediyachining oʻzbekcha nashriga falsafa fanlari doktori Qoʻchqor Xonazarov bosh muharrirlik qilgan, D. Shorahmedov unga oʻrinbosar boʻlgan. Ensiklopediya maketi Gʻafur Gʻulom nomidagi Adabiyot va sanʼat nashriyotida hozirlangan. Ayrim manbalarda ensiklopediya „har bir xonadon uchun zarur“[3] hamda kutubxonalar fondida boʻlishi kerak qomuslar safiga kiritilgan[4].
Yana qarang
Manbalar
- ↑ „„Что такое? Кто такой?" — энциклопедический трёхтомник для младших школьников“. Советская педагогика (ruscha). 9–12-jild. 1990. 12-bet.
- ↑ Кирьянов, Владимир (1985). „Энциклопедии нашего детства“. Альманах библиофила (ruscha). 17-jild. 73-bet.
- ↑ Oripova, N.. Бошланғич таълим факультети талабалари учун тарбиявий ишлар методикаси фанидан комплекс иш режа. Qarshi: Qarshi davlat universiteti, 2007 — 233-bet.
- ↑ Йўлдошев, Эргаш. Кутубхона ва ёш китобхон. Ўзбекистон, 2003. ISBN 5-640-03185-9. Qaraldi: 15-oktabr 2025-yil.