UCL Institute of Education

UCL Institute of Education

Ilgarigi nomlari	Institute of Education, University of London London Day Training College
Asos solingan sanasi	2014-yil – University College Londonning tarkibiy fakulteti sifatida 1932-yil – London universitetining tarkibiy muassasasi sifatida 1902-yil – oʻqituvchilarni tayyorlash kolleji
Endaumenti	£90,5 million
Kansleri	Anne, Princess Royal (London universiteti)
Direktori	Li Wei (tilshunos)
Joylashuvi	London , Buyuk Britaniya
Kampusi	Shahar
Veb-sayti	ucl.ac.uk/ioe

UCL Institute of Education (IOE) — University College London (UCL) tarkibidagi taʼlim va jamiyat fakulteti. Fakultet taʼlim sohasida oliy taʼlimdan keyingi bosqich (aspirantura) hamda ilmiy tadqiqotlarga ixtisoslashgan boʻlib, UCLning 11 ta tarkibiy fakultetidan biri hisoblanadi. 2014-yilda UCL bilan birlashtirilguniga qadar u London universiteti tarkibidagi mustaqil kollej maqomiga ega boʻlgan. IOE „QS World University Rankings“ reytingiga koʻra taʼlim yoʻnalishi boʻyicha dunyoda birinchi oʻrinni egallaydi va ushbu koʻrsatkich 2014-yildan buyon har yili oʻzgarishsiz qayd etib kelinmoqda.

IOE oʻzining doktorantura bosqichida tahsil oluvchi 700 dan ortiq tadqiqotchilari bilan Buyuk Britaniyadagi taʼlim boʻyicha eng yirik ilmiy-tadqiqot muassasasi sanaladi. Shuningdek, muassasa Buyuk Britaniyada taʼlim yoʻnalishidagi oliy taʼlimdan keyingi oʻquv dasturlarining eng keng qamroviga ega boʻlib, unda qariyb 4 000 nafar talaba magistratura mutaxassisliklarida, qoʻshimcha 1 200 nafar talaba esa PGCE (oʻqituvchilarni tayyorlash) kurslarida oʻqiydi. Muassasada muntazam ravishda ilmiy-tadqiqot kengashlari, davlat idoralari va boshqa tashkilotlar tomonidan moliyalashtiriladigan 100 dan ziyod tadqiqot loyihalari amalga oshiriladi.

Havolalar

• Rasmiy sayti
• Institute of Education graduate lists, 1836–1934
• List of London Day Training College military personnel,1914–1918