Tuyaboʻyin

Tuyabo'yin — Qashqadaryo viloyati, Qarshi tumanidagi qishloq, shuningdek Shahrisabz tumanidagi joy nomi (Qorapoycha).

Nom tarkibi: “tuya” + “bo‘yin”. Tuya — bir yoki ikki o‘rkachli yirik hayvon; “tepa” so‘zining ayrim shevalardagi shakllari esa tuva/to‘va/tuba/tuya kabi uchraydi. “Bo‘yin/bo‘ynoq” — yer yuzasidan bo‘rtib chiqqan balandlik, cho‘qqisimon uyum ma’nosini bildiradi.

Uzoq cho‘zilgan, tuyanning bo‘yniga o‘xshash balandlik — tuyabo‘yin yoki tuyabo‘ynoq deb atalgan. Yuqori qismi o‘ydim-chuqur, past-baland bo‘lgan bunday cho‘ziq balandlik joylashgan hudud keyinchalik aholi maskani sifatida Tuyabo‘yin nomini olgan. Dastlab balandlik nomi bo‘lib, keyinchalik qishloq nomiga aylangan.