Turkum:Zafarobod mahallalari
YORQIN - shaharcha, nomning yorug‘, yog‘duli, tiniq, aniq, ravshan, yakqol, baxtiyor, baxtli degan maʼnolari bor. Shaharchaning bunday nomlanishi, suv keltirib cho‘lni obod qilinishi bilan bog‘liq. Kelajakda yorug‘, yog‘duli, baxtli kunlarni ko‘p bo‘lishiga ishonib cho‘lquvarlar qishloqlarini shunday nomlagan. Yorqin — aholisining kelajagi porloq, yog‘duli, baxtli qishloq demakdir. Aholi punkti nomi oxirgi yillarda rasmiy-maʼmuriy tarzda berilgan nomlar sirasiga kiradi. “Qishloq taraqqiyoti va farovonligi” yili munosabati bilan 2009 yili qishloqqa shaharcha maqomi berilgan.
CHIMQO‘RG‘ON - qishloq nomini kelib chiqishi to‘g‘risida turlicha talqinlar mavjud. Masalan, S.Qorayev, chimqo‘rg‘on so‘zi ikki qismdan iborat bo‘lib, qo‘rg‘on - qalʼa, istehkom, chim yoki chem sug‘d tilida qo‘rg‘on maʼnosida bo‘lsa kerak degan fikrni bildirgan (S.Qorayev, 1970). Boshqa olim B.O‘rinboyev chimqo‘rg‘on so‘zining chim qismi g‘ov, to‘siq, yashil, o‘tli, qamishli kabi maʼnoni ifodalaydi, shunday ekan chimqo‘rg‘on so‘zi tashqi devori chimdan qalin va zich qilib qurilgan, yaʼni chimli devor bilan o‘ralgan qo‘rg‘on demakdir degan xulosaga kelgan. (B.O‘rinboyev, 2007). Chim - ichidagi ajriq va boshqa o‘tlari bilan ketmon yoki palaxsa qilib o‘yib ko‘chirilgan yer qatlami, undan devor yoki to‘siq qilishda foydalaniladi. (T.Nafasov, 2009).
Boshqa izoh: Fors-tojik tilidagi tim so‘zining o‘zgargan shakli chim. Tim — karvonsaroy, usti yopiq bozor. Tarixchilarning guvohlik berishicha, Chimqo‘rg‘on qadimiy karvon yo‘lida joylashgan. Karvon yo‘li shu joyda ikki tarmoqqa bo‘lingan, biri Sangzor (Qili) daryosi yoqalab janubi-sharqqa Jizzax orqali Samarqandga, ikkinchisi shimoli-sharqqa qarab Toshkent (Shosh)ga borgan. Qadimda qishloq hududida qalʼa, karvonsaroy, sardoba mavjud bo‘lgan. Mirzacho‘l orqali Toshkentga harakat qiladigan karvonlar shu yerda dam olib suv va oziq-ovqat g‘amlagan. Qishloq nomining ilk shakli Timqo‘rg‘on, til rivojlanishining keyingi davrida Chimqo‘rg‘on shakliga o‘zgargan.
„Zafarobod mahallalari“ turkumidagi sahifalar
Bu turkumda faqat bitta sahifa mavjud.