Turkiya Yoshlar Ittifoqi
Turkiya Yoshlar Ittifoqi – Turkiya Yoshlar Ittifoqi (turkcha: Türkiye Gençlik Birliği, qisqacha TGB) – bu Turkiyada faoliyat yurituvchi inqilobiy yoshlar tashkiloti boʻlib, u Amerika[1] va Gʻarb taʼsiriga qarshi qatʼiy turadi. Ushbu tashkilot Evroosiyochilik gʻoyalariga asoslanadi va Vatanparvarlar partiyasi bilan yaqin hamkorlikda ishlaydi.
TGB 2006-yil 19-mayda tashkil etilgan boʻlib, hozirda mamlakatdagi 40 dan ortiq universitetlardagi 65 ta talabalar klubi va jamiyatlarini birlashtirgan[2]. Bu tashkilot: Turkiyaning Yevropa Ittifoqiga aʼzo boʻlishiga qarshi, „Amerika imperializmi“ deb atagan siyosiy kuchlar bilan har qanday hamkorlikni rad etadi. TGB baʼzida katta norozilik namoyishlari ham oʻtkazadi. Masalan, 2014-yilda Istanbulda amerikalik harbiylarning boshiga xalta kiydirib, oʻz noroziligini bildirgan. Bu hodisa TGBning AQSh siyosatiga boʻlgan qarshiligini ochiq namoyon etgan misollardan biridir.
Tarixi
2011-yilda, Turkiya Yoshlar Ittifoqi (TGB) aʼzolari Turkiyaning mashhur sayyohlik shahri Bodrumda boʻlgan amerikalik harbiy dengizchining boshiga oq xalta tashlashdi. Bu harakat ular tomonidan Amerika siyosatiga qarshi norozilik belgisi sifatida amalga oshirildi[3]. 2013-yilda esa shunga oʻxshash norozilik namoyishi Iskenderun shahrida ham tashkil etildi. Bu safar TGB aʼzolari quyidagi shiorni hayqirib chiqishdi: „Biz Turkiyaning Yaqin Sharqqa hujum qilish uchun markaz boʻlishiga yoʻl qoʻymaymiz!“[4].
2014-yil 12-noyabr kuni, Turkiya Yoshlar Ittifoqi (TGB) aʼzolari Istanbulga kelgan AQSh harbiy dengiz kuchlari (USS Ross kemasidan) askarlariga qarshi norozilik aksiyasi oʻtkazdi. TGB vakillari askarlarga ingliz tilida quyidagi soʻzlarni aytishdi: „Siz oʻzingizni AQSh armiyasining aʼzosi deb eʼlon qildingiz. Endi biz sizni qotil, jinoyatchi deb bilamiz. Shuning uchun sizdan talab qilamiz – bizning yurtimizdan chiqib keting!“[5]. Namoyishchilar „Yanki, uyinga qayt!“ degan shiorlarni ham hayqirib, uch nafar amerikalik askarga tajovuz qilishdi va ular voqea joyidan qochishga uringanida ularni quvib bordilar. Bu voqea videoga olingan. Shundan soʻng TGB rasmiy bayonot berib shunday dedi: „Biz amerikalik askarlar boshiga tashlagan xaltalar – Falastindan Suriyagacha boʻlgan ezilgan xalqlar nomidan edi“. Voqeadan soʻng Turkiya politsiyasi TGBning 12 nafar aʼzosini hibsga oldi, va dekabr oyida ularga tajovuz uchun rasmiy ayblov qoʻyildi[6]. TGBning Istanbuldagi rahbari Uğur Aytaç esa ushbu hujum yuzasidan: „Bunday sabab bilan hibsga olinganimdan faxrlanaman“, – deb bayonot berdi[1][7][8].
2024-yil 2-sentabr kuni, Turkiyaning Izmir shahrida xizmatda boʻlmagan ikki nafar AQSh dengiz piyoda askari (United States Marines)ga[9] Turkiya Yoshlar Ittifoqi (TGB) aʼzolari tomonidan hujum qilindi. Bu harbiylar USS Wasp harbiy kemasiga tegishli edi[10]. Voqeaning videoyozuvida bir necha shaxslarning askarlardan birini ushlab turgani va uning boshiga oq xalta tashlagani aks etgan. Shu paytda ular baland ovozda: „Yanki, uyinga qayt!“ – deb hayqirishganv[9].
Manbalar
- ↑ 1,0 1,1 ANTI-AMERICAN ACTIVIST GROUP 'SACKS' US SOLDIERS IN ISTANBUL
- ↑ „Radical Turkish Leftists Attacked Three US Sailors in Istanbul“. Business Insider.
- ↑ „Introduction to the anti-American "TGB" movement“ (Persian). Fars agency. 2019-yil 6-noyabrda asl nusxadan arxivlangan. Qaraldi: 2019-yil 6-noyabr.
- ↑ „Introduction to the anti-American "TGB" movement“ (Persian). Fars agency. 2019-yil 6-noyabrda asl nusxadan arxivlangan. Qaraldi: 2019-yil 6-noyabr.
- ↑ „U.S. Sailors attacked in Turkey; bags placed over their heads | CNN Politics“. CNN (2014-yil 12-noyabr).
- ↑ „13 Turkish nationalists charged for 'Yankee go home!' attack on U.S. Sailors“. The Washington Times.
- ↑ „Turkish nationalists assault U.S. sailors in Istanbul“ (English). reuters (2014-yil 12-noyabr).
- ↑ Yeginsu, Ceylan. „Nationalist Youths Attack U.S. Sailors in Turkey“ (English) (2014-yil 12-noyabr).
- ↑ 9,0 9,1 Schmitz, Oren Liebermann, Gul Tuysuz, Avery „Small crowd assaults two US Marines in Turkey, US Navy says | CNN Politics“ (en). CNN (2024-yil 2-sentyabr). Qaraldi: 2024-yil 3-sentyabr.
- ↑ „US soldiers assaulted in western Turkey“. Reuters (2024-yil 2-sentyabr). 2024-yil 2-sentyabrda asl nusxadan arxivlangan.