Turgʻun Beknazarov
Turgʻun Beknazarov – aktyor, Oʻzbekistonda xizmat koʻrsatgan artist[1].
Hayoti
Turgʻun Beknazarov 1956-yil 1-mayda (baʼzi manbalarda 6-iyun[2]) Qashqadaryo viloyati Yakkabogʻ tumanida tugʻilgan. 1972–1977-yillarda Toshkent teatr va rassomlik sanʼati institutida tahsil olgan. 1977-yildan Muqimiy nomidagi Oʻzbekiston davlat akademik musiqali teatrida faoliyat yuritadi. Hozirga qadar oʻnlab kino, serial va spektakllarda rollar ijro etgan[3].
Oilali, bir nafar qiz va bir nafar oʻgʻil farzandi bor. 63 yoshida ota boʻlgani haqidagi xabarlar tarqalgan[1][4].
Ijodi
Turgʻun Beknazarov teatr va kino aktyori sifatida „Charxpalak“ (1997-2000), „Voiz“ (1999), „Ostona“ (2001), „Sinediktum“ (2002), „Oʻrtoq Boykenjayev“ (2002), „Sarvinoz“ (2004), „Hayot-mamot“ (2006), „Haqiqiy erkaklar ovi“ (2006), „Kichkina odamlar“ (2007), „Opa-singillar“ (2010-2014), „Haqiqat kuni“ (2011), „Mehribonim“ (2012), „Mugʻombir kuyovlar“ (2013), „Kuch birlikda“ (2013-2014), „Dadam betob“ (2017), „Tuhmat girdobi“ (2019), „Elparvar“ (2019), „Jumboq“ (2021), „Osmondagi bolalar 3“ (2023) kabi film va teleseriallarda rol ijro etgan.
Aktyor 1997-yilda "Oʻzbekiston Respublikasida xizmat koʻrsatgan artist" faxriy unvoni va 2012-yilda "Mehnat shuhrati" ordeni bilan taqdirlangan[4]. Shuningdek, u "Doʻstlik" mukofoti sohibi hisoblanadi[2].
Havolalar
- ↑ 1,0 1,1 „Aktyor Turg‘un Beknazarov 63 yoshida ota bo‘ldi“ (2020-yil 10-sentyabr). Qaraldi: 2025-yil 13-noyabr.
- ↑ 2,0 2,1 „Турғун Бекназаровга табрик“. Qaraldi: 2025-yil 13-noyabr.
- ↑ „Тургун Бекназаров“ (2024-yil 22-dekabr). Qaraldi: 2025-yil 13-noyabr.
- ↑ 4,0 4,1 „Taniqli aktyor Turg‘un Beknazarov 63 yoshida yana ota bo‘ldi“ (2020-yil 9-sentyabr). Qaraldi: 2025-yil 13-noyabr.