TuralTuranX
TuralTuranX | |
|---|---|
 TuralTuranX 2023-yilda | |
| Umumiy maʼlumot | |
| Tavalludi |
2000-yil 30-oktyabr |
| Kelib chiqishi | Boku |
| Janrlar | Pop |
| Leybllar | BEAT Music |
TuralTuranX — egizak aka-uka Tural va Turan Bağmanovlardan (2000-yil 30-oktyabrda tugʻilgan) iborat ozarbayjon musiqiy dueti[1]. Ular „Tell Me More“ qoʻshigʻi bilan Ozarbayjon nomidan „Eurovision–2023“ tanlovida ishtirok etgan.
Tarixi
Tural va Turan Bağmanovlar Ozarbayjonning shimoli-gʻarbidagi Zaqatala shahridan. Ular ilk bor maktabda pianinoni koʻrib, unga qattiq qiziqib qolgan va koʻpincha yashirincha qoʻshiqlar chalishni mashq qilganlar. Keyinchalik otasi ularga ishlatilgan sintezator sotib bergan. Soʻngra ular gitara chalishni ham oʻrganishgan[2]. TuralTuranX dastlab maktablarda va turli tadbirlarda chiqish qilgan. Biroq otalarining vafotidan keyin ular bir muddat musiqa bilan shugʻullanishni toʻxtatgan[1].
Keyinchalik Tural Baku shahriga koʻchib oʻtib, doʻsti bilan birgalikda TheRedJungle guruhiga asos solgan. Turan ham ushbu guruh tarkibida faoliyat yuritgan. Aka-ukalar koʻcha musiqachilari sifatida ham chiqishlar qilganlar[3].
2023-yil 2-fevralda TuralTuranX Ozarbayjonning „Eurovision–2023“ tanlovi uchun ichki saralashidagi soʻnggi besh nomzod qatoridan joy olgani eʼlon qilingan[4]. 9-mart kuni esa ular mamlakat vakillari sifatida tanlangan. Ular 9-may kuni boʻlib oʻtgan birinchi yarim finalda „Tell Me More“ qoʻshigʻi bilan ishtirok etgan, biroq 15 ishtirokchi orasida 14-oʻrinni egallab, 4 ball toʻplagan holda grand finalga chiqa olmaganlar[5].
Shaxsiy hayoti
Tural va Turan Bağmanovlarning Emin va Jamol ismli yana ikki akasi boʻlgan. Ular 2015-yilda Ozarbayjonning Yuxarı Tala hududida sodir boʻlgan yoʻl-transport hodisasi oqibatida vafot etgan[6].
Diskografiyasi
Singllari
- „Tell Me More“ (2023)
- „Reasons to Get High“ (2024)
- „Amsterdam“ (2025)
Manbalar
- ↑ 1,0 1,1 „Meet TuralTuranX from Azerbaijan 🇦🇿 Eurovision 2023 [GET TO KNOW“] (de-DE). YouTube (2023-yil 9-mart). 2023-yil 14-martda asl nusxadan arxivlangan. Qaraldi: 2023-yil 10-mart.
- ↑ „TuralTuranX - Get to know / Tell Me More [Eurovision 2023 Azerbaijan 🇦🇿“] (de-DE). YouTube (2023-yil 9-mart). 2023-yil 10-martda asl nusxadan arxivlangan. Qaraldi: 2023-yil 10-mart.
- ↑ NDR. „TuralTuranX vertreten Aserbaidschan beim ESC in Liverpool“ (de). 2023-yil 9-martda asl nusxadan arxivlangan. Qaraldi: 2023-yil 10-mart.
- ↑ Anthony Granger. „🇦🇿 Azerbaijan: Five Acts in Contention for Eurovision 2023 Revealed“ (en-GB) (2023-yil 2-fevral). 2023-yil 2-fevralda asl nusxadan arxivlangan. Qaraldi: 2023-yil 10-mart.
- ↑ Neil Farren. „🇦🇿 Azerbaijan: TuralTuranX to Eurovision 2023“ (en-GB) (2023-yil 9-mart). 2023-yil 9-martda asl nusxadan arxivlangan. Qaraldi: 2023-yil 10-mart.
- ↑ „Avroviziya"ya gedən Tural-Turan kimdir? - Video“ (Azerbaijani). Qafqaz Info (2023-yil 9-mart). 2023-yil 10-martda asl nusxadan arxivlangan. Qaraldi: 2023-yil 9-mart.