Tupou Neiufi
| Tupou Neiufi | |
|---|---|
| Shaxsiy maʼlumotlari | |
| Jinsi | ayol |
| Fuqaroligi |
 Avstraliya |
| Tavallud sanasi |
2001-yil 15-iyun Māngere East, Auckland, Yangi Zellandiya |
| Sport | |
| Qaysi sport | para suzish |
| Murabbiy(lar)i | Sheldon Kemp |
Tupou Neiufi (2001-yil 15-iyunda tugʻilgan) – yangi zelandiyalik para suzuvchi. 2016-yilgi Yozgi Paralimpiya oʻyinlari va 2018-yilgi Commonwealth oʻyinlarida mamlakat sharafini himoya qilgan. 2019-yilda para suzish boʻyicha jahon chempionatida kumush medal, 2020-yilgi Tokio Yozgi Paralimpiadasida esa oltin medalni qoʻlga kiritgan.
Yoshlik davri
Neiufi 2001-yilda Māngere East shahrining Auckland hududida tugʻilgan. Oilada toʻngʻich farzand, otasining ismi Lose, onasining ismi Fineasi Neiufi[1]. Ikki yoshida uni mashina urib ketgan va boshining oʻng tomoni shikastlangan. Miyasida lat yeyish, giperoniya va chap tarafli gemiplegiya tashxisi qoʻyilgan, natijada, miyasining chap tomoni oʻng tomoniga qaraganda kichikroq boʻlib, baʼzida axborotni sekinroq qayta ishlaydi[2]. Tanasining chap tomoni ham oʻngiga nisbatan kichikroq va zaifroq. Ushbu baxtsiz hodisadan keyin unga qaytadan oʻtirish, yurish va qoʻllarini harakatlantirish oʻrgatilgan.
Yoshligida Neiufi netbol oʻynashni xohlagan, ammo oʻyinda boshqa oʻyinchilardan ortda qolgan. Neiufining sogʻligi bilan shugʻullanuvchi fizioterapevt unga suzishni tavsiya qilgan va u taxminan toʻqqiz yoshida suzishni boshlagan. Keyingi yildan esa musobaqalarda qatnashgan[2][3].
Neiufi Sutton Park boshlangʻich maktabida, soʻngra esa Otahuhu kollejida taʼlim olgan[1][4].
Suzish faoliyati
2011-yilda Yangi Zellandiya Paralimpiya Qoʻmitasi Neiufiga murabbiylik qilish uchun tanlab olgan, High Performance Sport New Zealand tashkiloti esa unga sport sohasi boʻyicha turli xizmatlar va musobaqalarga tayyorgalik jarayonlarini qoʻllab-quvvatlovchi dasturga kiritgan[5]. 2016-yilda sportchi Rio-de-Janeyroda boʻlib oʻtgan Yozgi Paralimpiada oʻyinlari uchun zaxiradagi sportchi sifatida roʻyxatga olingan, biroq avgust oyida uning hamyurti Bryall McPherson jarohat olgani sababli Neiufi asosiy tarkibga kiritilgan[2]. Neiufi musobaqada S9 toifasida ayollar oʻrtasida 100 metrga chalqancha usulda suzish bahslarida ishtirok etib, 7-oʻrinni egallagan[5].
2018-yilda Neiufi Avstraliyaning Gold Coast shahrida oʻtkazilgan Hamdoʻstlik oʻyinlarida Yangi Zelandiya sharafini himoya qilgan va S9 toifasida 100 metrga chalqancha suzish bahslarida final bosqichida 6-oʻrinni egallagan.
2019-yilda Londonda boʻlib oʻtgan para suzish boʻyicha jahon chempionatida sportchi S8 toifasida 100 metrga chalqancha suzish yoʻnalishida kumush medalga sazovor boʻlgan[6]. 2020-yilda Tokioda boʻlib oʻtgan Yozgi Paralimpiada oʻyinlarida esa ayni shu yoʻnalishda Yangi Zelandiya uchun dastlabki oltin medalni qoʻlga kiritgan[7].
Havolalar
Manbalar
- ↑ 1,0 1,1 „Inspiration | 10 year old Tupou Neiufi“. Creative Talanoa (2012-yil 30-yanvar). 2024-yil 3-dekabrda asl nusxadan arxivlangan. Qaraldi: 2018-yil 6-aprel.
- ↑ 2,0 2,1 2,2 „Tupou Neiufi - Swimming | Paralympic Athlete Profile“ (en). International Paralympic Committee. Qaraldi: 2021-yil 27-avgust.„Tupou Neiufi – Swimming | Paralympic Athlete Profile“. International Paralympic Committee. Retrieved 27 August 2021.
- ↑ Forsyth, Lachlan. „Against the odds, Tupou Neiufi represented New Zealand at the Rio 2016 Paralympics“. Stuff (2016-yil 3-dekabr). Qaraldi: 2018-yil 6-aprel.
- ↑ Heta, Jorja. „Q&A with Tupou Neiufi: the life of a young para-swimmer“. Tearaway (2016-yil 17-oktyabr). Qaraldi: 2018-yil 6-aprel.
- ↑ 5,0 5,1 „Tupou Neiufi“. Paralympics New Zealand. Qaraldi: 2018-yil 6-aprel.
- ↑ „Two more medals for NZ at World Para Swimming Champs“. Radio New Zealand (2019-yil 11-sentyabr). Qaraldi: 2019-yil 11-sentyabr.
- ↑ „Tokyo Paralympics: Tupou Neiufi wins New Zealand's first gold in 100m backstroke S8“ (en). Stuff (2021-yil 27-avgust).