Tu te reconnaîtras
| „Tu te reconnaîtras“ | ||||
|---|---|---|---|---|
| Anne-Marie David singli | ||||
| Tu te reconnaîtras albomidan | ||||
| Chiqarilgan sanasi | 1973-yil | |||
| Yozilgan sanasi | 1973-yil | |||
| Studiya | Lyuksemburg | |||
| Davomiyligi | 2:40 | |||
| Leybl | Epic | |||
| Qoʻshiq muallif(lar)i | Vline Buggy | |||
| Anne-Marie David singllari xronologiyasi | ||||
| ||||
| Rasmiy ijro videosi | ||||
| "Tu te reconnaîtras" YouTubeda | ||||
„Tu te reconnaîtras“ (fransuzcha talaffuzi:[ty tə ʁəkɔnɛtʁa]; tarjimasi: „Oʻzingni tanib olasan“) — fransuz xonandasi Anne-Marie David tomonidan ijro etilgan qoʻshiq. Uning musiqasi Claude Morgan, matni esa Vline Buggy tomonidan yozilgan. Qoʻshiq Lyuksemburgda boʻlib oʻtgan 1973-yilgi Eurovision qoʻshiq tanlovida ushbu mamlakat sharafini himoya qilgan va tanlovda gʻolib chiqqan.
Tarixi
Yaratilish tarixi
„Tu te reconnaîtras“ qoʻshigʻining musiqasi Claude Morgan tomonidan bastalangan, matni esa Vline Buggy tomonidan yozilgan. Anne-Marie David qoʻshiqni besh tilda: fransuzcha, inglizcha „Wonderful Dream“, nemischa „Du bist da“, ispancha „Te reconocerás“, shuningdek, „Il letto del re“ va „Non si vive di paura“ deb nomlangan butunlay bir-biridan farq qiluvchi ikkita italyancha talqinlarda ijro etgan[1].
Eurovision
Compagnie Luxembourgeoise de Télédiffusion (CLT) Eurovision qoʻshiq tanlovining 18-mavsumida ishtirok etish uchun „Tu te reconnaîtras“ qoʻshigʻini mamlakat ichki saralash bosqichida tanlab oldi[2]. 1973-yil 7-aprelda Lyuksemburgdagi Grand Théâtre saroyida Eurovision qoʻshiq tanlovi boʻlib oʻtdi. CLT telekompaniyasi boshchiligida tashkil etilgan ushbu musobaqa butun qitʼa boʻylab jonli efirda namoyish etildi. Tanlov kechasida Anne-Marie David „Tu te reconnaîtras“ taronasini oʻn birinchi raqam ostida ijro etdi. U Italiya vakili Massimo Ranieri ijrosidagi „Chi sarà con te“ qoʻshigʻidan keyin va Shvetsiya vakili The Nova guruhining ijrosidagi „You’re Summer“ taronasidan oldin sahnaga chiqdi. Lyuksemburg vakilining jonli orkestr joʻrligidagi chiqishiga Pierre Cao dirijyorlik qildi[3].
Ovoz berish yakunlariga koʻra, qoʻshiq 129 ball toʻplagan holda 17 ta ishtirokchi orasida gʻoliblikni qoʻlga kiritgan. U ikkinchi oʻrinni egallagan Ispaniya vakilidan 4 ball, uchinchi oʻrindagidan esa yana 2 ball oʻzib ketgan.[4]. Mocedades guruhi ijro etgan Ispaniyaning „Eres tú“ hamda Cliff Richard ijro etgan Buyuk Britaniyaning „Power to All Our Friends“ qoʻshiqlari 1973-yilda katta xit singllarga aylangan, „Eres tú“ esa butun dunyo boʻylab muvaffaqiyat qozongan va bugungi kunda har ikkalasi ham Eurovision klassikasi deb tan olinadi.
„Tu te reconnaîtras“ — Lyuksemburgning maʼlum darajada mahalliy ishtirok bilan gʻolib chiqqan yagona qoʻshigʻidir. Xonanda Anne-Marie David, bastakor Claude Morgan va matn muallifi Vline Buggy fransiyalik boʻlsa-da, dirijyor Pierre Cao lyuksemburglik edi. Bu gʻalaba bilan tanlov tarixida ilk bor bir mamlakat ketma-ket ikki yil birinchilikni hech kim bilan boʻlishmay, yakka oʻzi qoʻlga kiritdi chunki 1969-yilda gʻolib boʻlgan Ispaniya gʻalabani boshqa davlatlar bilan baham koʻrgan edi. 1974-yilgi tanlovda Lyuksemburg nomidan Ireen Sheer ijro etgan „Bye Bye, I Love You“ qoʻshigʻi ushbu taronaning davomchisi boʻldi.
Natijalar va keyingi voqealar
Anne Marie David — Eurovisionda gʻolib boʻlib, keyinchalik tanlovga yana qaytgan kam sonli xonandalardan biri. 1979-yilda oʻz vatani Fransiya nomidan Quddusda boʻlib oʻtgan tanlovda „Je suis l’enfant soleil“ qoʻshigʻi bilan ishtirok etdi. Oʻshanda u Isroilning „Hallelujah“ va Ispaniyaning „Su canción“ taronalaridan keyin uchinchi oʻrinni egallagan. Anne Marie David 1981-yil 22-avgustda Mysenda boʻlib oʻtgan Eurovisionning yigirma besh yilligiga bagʻishlangan „Songs of Europe“ konsert dasturida „Tu te reconnaîtras“ qoʻshigʻini ijro etdi[5]. 2005-yil 22-oktabrda Kopengagenda oʻtkazilgan Eurovision tanlovining 50 yilligiga bagʻishlangan „Congratulations: 50 Years of the Eurovision Song Contest“ shousida Anne Marie David tanaffus dasturi doirasida „Tu te reconnaîtras“ qoʻshigʻini ijro etdi[6]. U 2015-yil 31-martda Londonda boʻlib oʻtgan Eurovisionning 60 yillik yubiley shousi — „Eurovision Song Contestʼs Greatest Hits“ konsertida ham ushbu qoʻshiqni kuylagan[7][8].
Chartlardagi natijalari
Haftalik chartlar
| Chartlar (1973) | Eng yuqori oʻrni |
|---|---|
.svg){kind=small} Belgiya (Ultratop 50 Flanders)[9]
|
6 |
| Belgiya (Ultratop 50 Wallonia)[10]
|
1 |
 Niderlandiya (Single Top 100)[11]
|
2 |
 Norvegiya (VG-lista)[12]
|
2 |
 Shveysariya (Schweizer Hitparade)[13]
|
7 |
 Gʻarbiy Germaniya (Official German Charts)[14]
|
40 |
Manbalar
- ↑ „Tu te reconnaîtras - lyrics“. The Diggiloo Thrush. 2023-yil 6-dekabrda asl nusxadan arxivlangan.
- ↑ „National Selections: 1973“. Eurovisionworld.
- ↑ „Eurovision Song Contest 1973“. Eurovision Song Contest. 7 April 1973. CLT / EBU.
- ↑ „Official Eurovision Song Contest 1973 scoreboard“. Eurovision Song Contest.
- ↑ „Songs of Europe“. Eurovision Song Contest. 22 August 1981. NRK / EBU.
- ↑ „Congratulations: 50 Years of the Eurovision Song Contest“. Eurovision Song Contest. 22 October 2005. DR / EBU.
- ↑ "Tu te reconnaîtras" YouTubeda at Eurovision Song Contest's Greatest Hits
- ↑ „Eurovision Song Contest's Greatest Hits“. Eurovision Song Contest. 3 April 2015. BBC / EBU. Qaraldi: 3 April 2015.
- ↑ "Anne-Marie David – Tu te reconnaîtras" (niderlandcha). Ultratop 50. Qaraldi: 2022-yil 26-noyabr.
- ↑ "Anne-Marie David – Tu te reconnaîtras" (fransuzcha). Ultratop 50. Qaraldi: 2022-yil 26-noyabr.
- ↑ "Anne-Marie David – Tu te reconnaîtras" (niderlandcha). Single Top 100. Qaraldi: 2022-yil 26-noyabr.
- ↑ "Topp 20 Single uke 21, 1973 – VG-lista. Offisielle hitlister fra og med 1958" (norvegcha). VG-lista. Qaraldi: 2022-yil 26-noyabr.
- ↑ "Anne-Marie David – Tu te reconnaîtras". Swiss Singles Chart. Qaraldi: 2022-yil 26-noyabr.
- ↑ "Offiziellecharts.de – Anne-Marie David – Tu te reconnaîtras". GfK Entertainment Charts. Qaraldi: 2022-yil 26-noyabr.