Tripolitaniya

Tripolitaniya — Liviyadagi tarixiy viloyat. Mil. av. 1-ming yillikning 1-yarmida T.ning sohil boʻyi qismida finikiyaliklarning 3 ta koloniyasi — Sabrata, LeptisMagna va Ea [shundan yunoncha: Tripolus (aynan — 3 shahar) nomi olingan] barpo etilgan. Mil. av. V asr oʻrtasi — III asr oxirida Karfagenga, 218— 201 yillarda Numidiya, mil. av. II asr oxiri — mil. V asrda Rimga, soʻngra — vandallar, keyinchalik Vizantiyaga tobe boʻlgan. VII asrdan arablar hukmronligi ostida. XVI asr — 1911-yillarda Usmonli turk imperiyasi, soʻngra 1943-yilgacha — Italiyaning Liviya mustamlakasi tarkibida. 1951—63 yillarda Liviya kirolligining 3 viloyatidan biri.