Trinidad va Tobago birlashgan islom tashkiloti
Trinidad va Tobago birlashgan islom tashkiloti — bu Trinidad va Tobagodagi kichikroq musulmon uyushmalari oʻrtasida uygʻunlik va hamkorlikni targʻib qilish hamda yoʻlga qoʻyish uchun tuzilgan „soyabon“ tashkilotdir.
Tarixi
Bir nechta islomiy tashkilotlar 1989-yil iyul oyida Trinidad va Tobagoning Muslim Co-ordinating Council (MCC) nomli Musulmonlarni muvofiqlashtirish kengashiga aʼzo boʻlish uchun ariza topshirgan edilar. U kengash tarkibiga „katta uchlik“ — ASJA, TIA va TML kirgan edi. Biroq MCC nizomlari amalda bu kichik tashkilotlarning birontasiga ham aʼzo boʻlish imkonini bermas edi. Shuning uchun 1989-yil sentabr oyida ushbu tashkilotlar Trinidad va Tobago islom tashkilotlari kengashini tuzdilar. 1990-yil fevral oyida uning nomi Birlashgan islom tashkilotiga oʻzgartirildi. 2000-yilda esa UIO parlament qonuni bilan rasmiy ravishda roʻyxatdan oʻtkazildi[1].
Trinidad va Tobago birlashgan islom tashkiloti raisi Faiz Amin Osiyo sunami falokatidan omon qolgan odamlarga yordam koʻrsatish uchun mablagʻ yigʻishda yordam bergan[2].
UIO boy musulmonlar tomonidan goʻyoki toʻlanmay qolgan xayriya badallarini undirishni talab qilgan Jamaat al-Muslimin yetakchilaridan birining bayonotlariga qarshi chiqqan bir necha musulmon tashkilotlari qatorida boʻlgan[3].
Aʼzolar
UIO tarkibiga aʼzo boʻlgan tashkilotlar: Dar ul Ulum, Iqra Productions, Islamic Dawah Movement, Islamic Trust, Muslim Credit Union, Muslim Youth Brigade, North Eastern Muslim Youths, Tobago Muslim Association, UWI Islamic Society, Islamic Resource Society (1995-yilda qoʻshilgan) va Islamic Housing Co-operative (1996-yilda qoʻshilgan).
Quyidagi tashkilotlar UIO huzurida kuzatuvchi maqomiga ega: Abdul Aziz Trust, Majlisul Ulama (1992-yilda), Islamic Missionaries Guild (asoschi aʼzo, 1999-yilda maqomi pasaytirilgan), Islamic Fadaaʼil Services Trust (asoschi aʼzo, 1999-yilda maqomi pasaytirilgan).
Sobiq aʼzo: Jamoat al-Muslimin (asoschi aʼzo, 1994-yilda tark etgan).
Manbalar
- ↑ Omitted Acts — Act 7 of 2000 United Islamic Organisation (Wayback Machine saytida June 14, 2007, sanasida arxivlangan)
- ↑ TML pupils give $9,000 to tsunami children (Wayback Machine saytida May 8, 2006, sanasida arxivlangan), by Richard Charan, South Bureau, Trinidad and Tobago Express
- ↑ The Trinidad Guardian, 6 November, 2005. „Muslims call Bakr’s Eid sermon absurd“, by Shaliza Hassanali (Wayback Machine saytida September 26, 2007, sanasida arxivlangan) „Several Muslim organisations held a closed-door emergency meeting yesterday to discuss statements made by Jamaat Al Muslimeen leader Yasin Abu Bakr during an Eid sermon at Mucurapo on Friday.“