Trakay

Trakay (Trakai) (1917-yilgacha rasmiy nomi Troki) — Litvadagi qad. shahar. Trakay tumani markazi. Trakay koʻllari oʻrtasida joylashgan. Vilnyusdan 28 km gʻarbda (avtobuslar qatnaydi). Yaqin temir yoʻl stansiyasi — Lentvaris (9 km). Aholisi 6,2 ming kishi (1995). Landshafti muhofaza qilinadi. Tarixiy muzey bor. T.ga 1341-yilda asos solingan. XIV—XV asrlarda buyuk Litva knyazligining muhim siyosiy markazi va Litva knyazlari qarorgohi. Mudofaa majmuasi (shu jumladan, Galva koʻlidagi orolda joylashgan qasr, 14— XV asr boshi), Vituato cherkovi (XV—XVIII asrlar), atrofida yogʻochdan ishlangan karaimlar ibodatxonasi (XIX asrning 1yarmi) kabi meʼmoriy yodgorliklar saqlangan.

T.da har yili xalqaro suv sporti musobaqalari boʻlib oʻtadi. Turizm rivojlangan.