Toshkent issiqlik elektr stansiyasi

Toshkent issiqlik elektr stansiyasi — Oʻzbekistondagi yirik issiqlik elektr styalardan biri. „Uzbekenergiya“ davlataksiyadorlik kompaniyasi tarkibidagi shoʻba korxona. Toshkent viloyatining Qibray tumanida joylashgan. Stya qurilishi 1961-yil yanvarda uskunalarni ochiq holda joylashtirish bilan boshlangan. 1-energiya blogi 1963-yilda, oxirgi — 12-blogi 1971-yilda ishga tushirilgan. Unga bosimi 140 atm, harorati 545° boʻlgan 500 tGʻsoat bugʻ ishlab chiqarish quvvatiga ega agregatlar oʻrnatilgan. Har bir afegatning quvvati 160 MVt, styaning umumiy quvvati esa 1860 MVt. 1975-yilda stya sanoat ekspluatatsiyasiga qabul qilindi. Asosiy yoqilgʻi — Buxoro gazi, rezerv yoqilgʻi — mazut. Suv bilan taʼminlash sistemasi — kanal, sohil nasos styalari, bosimli quvurlar va ishlatilgan suv chiqarib yuboriladigan yopiq kanallardan iborat. Suv Buzsuv kanalidan olinadi. Stya Toshkent sh. va uning atrof hududlari isteʼmolchilarini elektr energiyasi bilan taʼminlaydi; Oʻrta Osiyo „Energiya“ birlashgan energetika tizimiga ulangan, elektr tizimga 110, 200, 500 kV kuchlanishda uzatiladi. 2003-yilda 9345,7 mln. kVtsoat elektr energiya va 273,9 Gkal issiqlik energiyasi ishlab chiqardi.