Tosh masjid jome masjidi
Toshmasjid jome masjidi
Toshmasjid — Jalaquduq tumani Oyim qishlog'ida joylashgan tarixiy masjid. Masjid 1908-yilda mahalliy boylar va aholi mablag‘lari hisobiga, hashar yo‘li bilan qurib bitkazilgan. Masjid devorlari sement qorishmasida barpo etilgani sababli “Tosh masjid” nomi bilan tanilgan.
Qurilishda foydalanilgan toshlar Oyim qishlog‘i yaqinidagi Qoradaryo sohilidan ot-aravalarda tashib keltirilgan. Sement qishloqdan taxminan 10 kilometr uzoqlikda joylashgan Qo‘rg‘ontepa tumanidagi Savay temir yo‘l stansiyasidan olib kelingan. Yog‘och materiallar sifatida mahalliy chinor, terak va tol daraxtlaridan foydalanilgan.
Masjid qurilishiga o‘sha davrda xalq orasida Buzrukxonto‘ra nomi bilan tanilgan avliyo inson rahbarlik qilgan. Keyingi yillarda masjidda bir necha bor qo‘shimcha qurilish va ta’mirlash ishlari amalga oshirilgan.
Sovet Ittifoqi davrida masjid faoliyati to‘xtatilgan va mineral o'g'itlar saqlaydigon ombor sifatida foydalanilgan. O‘zbekiston mustaqilligidan so‘ng masjid qayta ta’mirlanib, ibodat maskani sifatida faoliyati tiklangan.
Imomlari (mustaqillikdan keyin)
- Ikrom qo‘ri
- Abarali hoji
- Asrordin qo‘ri
- Xakimxon qo‘ri
- Rahim qo‘ri