Tosh Rabot
 Togʻlar oʻrtasida joylashgan Tash Rabat | |
  Kyrgyzstan hududida ko‘rsatilgan | |
| Manzilgoh | Narin viloyati, Qirgʻiziston |
|---|---|
| Koordinatalar | 40°49′23″N 75°17′20″E / 40.82315°N 75.288766°E |
| Turi | Karvonsaroy |
| Tarix | |
| Tashkil etilgan | 10-, 11- yoki 15-asr |
| Makon qaydlari | |
| Egalik | Tursun Zutabayeva (qoʻriqchi) |
Tosh Rabot („tosh mehmonxona“[1]) yaxshi saqlanib qolgan 10-[1] yoki 15-asrga oid tosh karvonsaroy boʻlib, Qirgʻizistonning Narin viloyatidagi Ot-Boshi tumanida, 3,200 metr (10,500 ft) balandlikda joylashgan.
Geografiyasi
Tosh Rabot shimol-janub yoʻnalishidagi asosiy avtomagistraldan biroz sharqda joylashgan. Janub tomonda Chatir-Koʻl koʻli va Torugart dovoni joylashgan. Shimol tomonda esa sanasi aniq boʻlmagan vayron qilingan qasr Qoshoy Qoʻrgʻon mavjud[manba kerak].
Tadqiqotlar
Tosh Rabot dastlab karvonsaroy sifatida qurilganmi yoki ibodatxona sifatida, degan masalada biroz bahs-munozaralar boʻlgan. 1888-yildayoq rus shifokori va sayyohi Nikolay Lvovich Zeland bu joy dastlab Sharqiy suryoniy yoki buddaviy monastir boʻlgan boʻlishi mumkinligini aytgan[2].
Qirgʻiziston Fanlar akademiyasi Tarix instituti tomonidan 1970-yillar oxiri va 1980-yillar boshida olib borilgan tadqiqotlar Tosh Rabot dastlab 10-asrda nasroniy monastiri sifatida qurilgan, degan xulosaga keldi, ammo qazishmalar vaqtida birorta ham xristian yodgorligi topilmagan. Shuningdek, u soʻfiy xonaqoh sifatida ham oʻrganilgan[1]. Keyinchalik barcha bitiklar, topilmalar va yozma manbalar tabiati boʻyicha buddaviylik ibodatxonasi ekanligi aniqlangach, u buddaviy monastiri deb belgilandi. Bu xulosa uning qurilishi davrida bu yerda yashovchilar buddaviy boʻlganligi haqidagi maʼlumotlar bilan ham mustahkamlandi[3].
Arxitekturasi
Inshoot 31 xonadan iborat boʻlib, ular orasida markaziy zaldagi hujralar ham bor. Xonalar kvadrat shaklda boʻlib, tepasi yorugʻlik tushishi uchun ochiq teshikli gumbazlar bilan yopilgan; toʻrtburchak karkasdan gumbazga oʻtish parus yordamida amalga oshirilgan. Tosh Rabot toʻliq ravishda loyli ohak qorishmasida terilgan qoya toshlardan qurilgan boʻlib, boʻgʻinlar gips qorishmasi bilan mustahkamlangan[4]. Eng chekka xonalardan birining polida quduqqa oʻxshash chuqur teshik ham mavjud[manba kerak].
Manbalar
- ↑ 1,0 1,1 1,2 Chmelnizkij, Sergej „Janaqas“, . Islam: Arte y arquitectura (es). Barcelona: h.f. ullmann, 2007 — 365-bet. ISBN 978-3-8331-3536-1. „muy probablemente servía de lugar de residencia (esto es, de janaqa) y reunión de los sufíes, que andaban de un lugar para otro, se data en el cambio del siglo X al XI,[...] "alojamiento de piedra"“
- ↑ Zeland, Nicolay. Записки Западно-Сибирского отдела Императорского Русского Географического Общества. Книжка IX. Кашгария и перевалы Тянь-Шаня. Путевые заметки. (ru). Omsk: Imperial Russian Geographical Society, 1888 — 212-bet.
- ↑ Khudyakov, Ju. (2009). (ru)Priroda (Russian Academy of Sciences) (6): 55. http://ras.ru/FStorage/Download.aspx?id=c7ada38e-692c-436b-8e83-b0bad1c2f759. Qaraldi: 2 May 2014.
- ↑ Иссык-Куль.Нарын:Энциклопедия (ru). Bishkek: Chief Editorial Board of Kyrgyz Soviet Encyclopedia, 1991 — 512-bet. ISBN 5-89750-009-6.
Havolalar
 |
Vikiomborda „Tosh Rabot“ mavzusi boʻyicha mediafayllar bor. |