Tongada Islom
Tongada islom ozchilik dinidir . Fiji musulmonlar ligasi maʼlumotlariga koʻra, 2002-yilda Tonga Qirolligida[1][2] 70 kishi islom diniga eʼtiqod qilgan, bu mamlakat aholisining 0,1% dan kamrogʻini tashkil etadi[3]. Tongadagi hukmron din xristianlikdir. Tonga aholisining 96% nasroniylikning turli oqimlariga eʼtiqod qiladi[4].
Islomning kirib kelish tarixi
Islom Tonga qirolligida 1983-yili toʻganlik Fayoz Manu oʻz oilasi bilan Islomni qabul qilganida paydo boʻlgan. Fayoz Manu Tonga orollarida islomni ommalashtirishda muhim oʻrinni egallagan. Fayoz Tonga musulmonlar ligasini tashkil etib uning birinchi prezidenti boʻldi. Tashkilot faoliyati va jamoaviy ibodatlar Tonga qiroli tomonidan oʻz saroyida taqdim etilgan maxsus xonada amalga oshirilgan. 2004-yilda shayx imom Abdul Fodir Ananda birinchi Islom markazini tashkil etdi. Markaz qurilishi uchun yer oʻsha paytdagi Tonga musulmon jamiyati prezidenti hisoblangan Muhammad Abdul Razzoq tomonidan sovgʻa qilingan. Ushbu markazda ibodat uchun joy ajratilgan boʻlib, shayx Abdul Fodir bolalarga islomning asoslarini oʻrgatadigan maktab sifatida ham xizmat qilgan. 2008-yil iyul oyida Tonga musulmonlar ligasi nomi Tonga musulmon munosabatlariga oʻzgartirildi. Muhammad Abdul Razzoq tashkilot prezidenti boʻldi. Tashkilotning asosiy maqsadi Islom va Qur’on asoslarini oʻrgatish orqali mahalliy musulmonlarning bilim darajasini oshirish boʻlgan. 2010-yil Tonga qirolligida xorijiy homiylar yordamida birinchi masjid qurilgan. U Muhammad paygʻambarning birinchi xotini sharafiga „Masjidi Xadija“ deb nomlangan. Tonganing birinchi musulmon boʻlgan Fayoz Manuning oʻgʻli Ilyos Manu uning imomi boʻldi[5].
Hozirgi holat
Islom mamlakatda nisbatan yaqinda paydo boʻlgan va unga atiga 100 ga yaqin kishi eʼtiqod qiladi, ulardan 70 ga yaqini tonganliklardir. Shuningdek Tongada fidjilar, bengallar, pokistonliklar, arablar va hindlar ham islom diniga eʼtoqod qiladi. Shayx Imom Abdul Fodir Tonga musulmon jamoasining maʼnaviy yetakchisidir. Tonga musulmon jamoasiga xorijdan moliyaviy yordam koʻrsatiladi[6].
Manbalar
- ↑ .
- ↑ „Heeding the call to prayer in a region that reveres the pig“ (en). The Sydney Morning Herald (2007-yil 8-sentyabr). 2022-yil 7-yanvarda asl nusxadan arxivlangan. Qaraldi: 2018-yil 9-sentyabr.
- ↑ „Table: Muslim Population by Country“ (en). Pew Research Center's Religion & Public Life Project (2011-yil 27-yanvar). 2014-yil 2-iyunda asl nusxadan arxivlangan. Qaraldi: 2018-yil 9-sentyabr.
- ↑ „Ислам в Королевстве Тонга | Islam.plus“ (ru). islam.plus. 2019-yil 26-aprelda asl nusxadan arxivlangan. Qaraldi: 2020-yil 26-aprel.
- ↑ „Ислам в Королевстве Тонга | Islam.plus“ (ru). islam.plus. 2019-yil 26-aprelda asl nusxadan arxivlangan. Qaraldi: 2020-yil 26-aprel.
- ↑ „Ислам в Королевстве Тонга | Islam.plus“ (ru). islam.plus. 2019-yil 26-aprelda asl nusxadan arxivlangan. Qaraldi: 2020-yil 26-aprel.