Kontent qismiga oʻtish

Tomáš Rosický

ZiyoSfera, erkin ensiklopediya
Tomáš Rosický
Rosický Arsenal tarkibida (2016-yil)
Shaxsiy maʼlumot
Toʻliq ismi Tomáš Rosický[1]
Tavallud sanasi 1980-yil 4-oktyabr (1980-10-04) (45 yosh)[2]
Tavallud joyi Praga, Chexoslovakiya
Boʻyi 1.79 m[3]
Ampluasi Yarim himoyachi
Yoshligida aʼzo boʻlgan klublar
1986—1988 ČKD Kompresory Prague
1988—1998 Sparta Prague
Professional faoliyati*
Yillar Jamoa Isht. (Gol.)
1998—2001 Sparta Prague 41 (8)
2001—2006 Borussia Dortmund 149 (20)
2006—2016 Arsenal 170 (19)
2016—2017 Sparta Prague 12 (1)
Total 372 (48)
Milliy terma jamoa
1995—1996 Chexiya U15 10 (0)
1996 Chexiya U16 12 (5)
1997—1998 Chexiya U17 16 (6)
1998—1999 Chexiya U18 9 (3)
1999 Chexiya U21 2 (0)
2000—2016 Chexiya 105 (23)
*Professional klublardagi gollari (ichki chempionat)

Tomáš Rosický (1980-yil 4-oktyabrda tugʻilgan) — chexiyalik sobiq professional futbolchi, oʻn yil davomida Chexiya terma jamoasi sardori boʻlgan. U klub miqyosida „Sparta Prague“, „Borussia Dortmund“ va „Arsenal“ klublarida toʻp surgan. Hozirda u „Sparta Praga“ klubi sport direktori lavozimida faoliyat yuritmoqda[4].

Yarim himoyachi ampluasida oʻynagan futbolchi professional faoliyatini oʻzining qadrdon shahri jamoasi — „Sparta Prague“ klubida boshlab, Chexiya birinchi ligasida uch mavsum toʻp surgan. Soʻngra 2001-yilda 25 million nemis markasi (taxminan 8 million funt sterling) evaziga Dortmundning „Borussia“ klubiga koʻchib oʻtgan; bu oʻsha paytda Bundesliga klubi tomonidan toʻlangan rekord transfer summasi edi. Germaniyadagi dastlabki mavsumidayoq u jamoasiga liga chempionligini qoʻlga kiritishda va 2002-yilgi UEFA kubogi finaliga chiqishda koʻmaklashgan. Rosický 2006-yilda „Arsenal“ safiga qoʻshilgan va klub tarkibida 247 ta oʻyinda maydonga tushdi, jumladan, jamoaning 2014-yilgi Angliya kubogi finalidagi gʻalabasiga ham oʻz hissasini qoʻshgan. Premyer-ligada jami oʻn mavsumni oʻtkazgan futbolchining faoliyatiga bir necha uzoq muddatli jarohatlar salbiy taʼsir koʻrsatgan.

Rosický xalqaro maydondagi debyutini 2000-yilda Chexiya terma jamoasi safida oʻtkazgan va 2006-yilda oʻz terma jamoasi sardoriga aylangan. U toʻrtta UEFA Yevropa chempionatida hamda 2006-yilgi FIFA Jahon chempionatida ishtirok etgan. 2015-yil 12-iyunda esa terma jamoa safidagi 100-uchrashuvini oʻtkazgan. Rosický Chexiya terma jamoasi tarixidagi eng sermahsul toʻrtinchi toʻpurar hisoblanadi[5].

Yana qarang

Manbalar

  1. ↑ „Player shirt numbers for 20 Barclays Premier League clubs released“. Premier League (2015-yil 8-avgust). 2015-yil 9-avgustda asl nusxadan arxivlangan. Qaraldi: 2015-yil 9-avgust.
  2. ↑ „2006 FIFA World Cup Germany List of Players“. FIFA. 2019-yil 10-iyunda asl nusxadan arxivlangan.
  3. ↑ „Tomáš Rosický“. Sparta.cz. 2017-yil 25-noyabrda asl nusxadan arxivlangan.
  4. ↑ Digital, Apploud „Organizační struktura | sparta.cz“. AC Sparta Praha. 2023-yil 1-mayda asl nusxadan arxivlangan. Qaraldi: 2023-yil 1-may.
  5. ↑ „Top Czech Republic Goal Scorers“. 11v11.com. 2016-yil 30-mayda asl nusxadan arxivlangan. Qaraldi: 2017-yil 7-sentyabr.

Havolalar

Vikiomborda „Tomáš Rosický“ mavzusi boʻyicha mediafayllar bor. 
"https://ziyosfera.uz/index.php?title=Tomáš_Rosický&oldid=1213268" dan olindi