Tolibjon Musaboyev
| Musaboyev Tolibjon | |
|---|---|
| Shaxsiy maʼlumotlari | |
| Tavalludi |
1885-yil Toshkent |
| Vafoti | 1931-yil |
| Fuqaroligi |
 SSSR |
| Millati | oʻzbek |
Musaboyev Tolibjon (1885—1931) – oʻzbekistonlik maʼrifatparvar inson.
Hayoti va mehnat faoliyati
Musaboyev Tolibjon Toshkent shahrida ziyoli xonadonda dunyoga kelgan. Dastlab eski usuldagi maktab va madrasalarda tahsil olgan. Keyinchalik xususiy ravishda rus qonunchiligi bilan tanishgan. 1914—1917-yillardagi Turkiston maʼrifatparvarlik harakatida faol ishtirok etgan. Oʻsha paytlarda nashri iqtisodiy qoʻllab-quvvatlangan „Sadoyi Turkiston“ gazetasini tarqatish bilan shugʻullagan. Musaboyev „Turon“ uyushmasi, „Ittihod va taraqqiy“, „Turk adam markaziyat“ firqasi ishlarida ishtirok etgan.
1921—1922-yillarda Toshkent eski shahar xalq maorif boʻlimi xodimi vazifasida faoliyat yuritgan. 1923—1925-yillar mobaynida „Turkit birodaronligi“ nashriyotida xodim boʻlib ishlagan. Qamoqqa olinish arafasida esa „Qizil Oʻzbekiston“ gazetasida nashrni tarqatuvchi vazifasida ishlagan. 1929-yil 6-noyabrda „Munavvar qori Abdurashidxonov va Salimxon Tillaxonov ishi“ boʻyicha "Milliy ittihod tashkilotining aʼzosi sifatida GPU tomominidan qamoqqa olingan va 1930-yilda Maskovga olib ketilgan[1].
Oʻlimi
1931-yil 23-aprelda otuvga hukm qilingan. 1986-yil 16-yanvar qaroriga muvofiq asosli ravishda oqlangan.
Manba
- ↑ Ahmad, Sirojiddin. Qizil mustamlaka: e'lon qilinmagan urush Katta qirgʻin qomusi (1929-1950). Toshkent: Info Captal Books, 2022-yil — 635-bet. ISBN 978-9943-5789-3-7.