Tolariq mahallasi

Tolariq mahallasi (Qoʻyliq 4-dahasi) – Oʻzbekiston Respublikasi Toshkent shahar Mirobod tumanidagi mahalla. Tumandagi Ziyonur, Yuksalish, Chinor, Yangi Qoʻyliq mahallalari hamda Sergeli tumanining Xalqobod mahallasi bilan chegaradosh. 1976-yil tashkil topgan. Mahalla hududidan Tolariq kanali oqib oʻtganligi bois shunday atalgan. Aholisi 4 mingdan ortiq, asosan, oʻzbeklar, shuningdek, 10 dan ortiq millat vakillari yashaydi. Mahalla hududida 2 ta koʻcha, bolalar bogʻchasi, oziq-ovqat doʻkonlari, dorixona, oshxona va boshqalari mavjud.