Tojikiston metallurgiya zavodi
| Turi | sanoat korxonasi |
|---|---|
| Sanoat | metallurgiya sanoati |
| Maqomi | amalda |
| Ishga tushgan sanasi | 2024-yil 7-sentabr[1] |
| Joylashuvi | Sugʻd viloyati, Guliston |
| Hududiy xizmati |
 Tojikiston |
| Ishchilar soni | 130 nafar atrofida[1] |
| Til(lar)i | tojik, rus |
Tojikiston metallurgiya zavodi — Tojikistondagi metallurgiya korxonasi. Zavod Sugʻd viloyatining Guliston shahrida joylashgan bo‘lib, qurilish sohasi uchun metall mahsulotlar ishlab chiqarishga ixtisoslashgan.[2] Korxona Tojikiston va Oʻzbekiston oʻrtasidagi sanoat hamkorligi doirasida ishga tushirilgan metallurgiya loyihalaridan biri sifatida tilga olinadi.[3]
Tarixi
Tojikiston metallurgiya zavodi 2024-yil 7-sentabr kuni Tojikiston prezidenti Emomali Rahmonning Sugʻd viloyatiga ishchi tashrifi davomida foydalanishga topshirilgan.[1] Rasmiy manbaga koʻra, korxona Tojikiston va Oʻzbekiston oʻrtasidagi doʻstona munosabatlar hamda oʻzaro manfaatli sanoat hamkorligi asosida tashkil etilgan.[4] Zavodning ochilishi Tojikistonning sanoatlashtirish siyosati va ikki davlat oʻrtasidagi ishlab chiqarish kooperatsiyasi doirasida baholangan. B.A Holding rasmiy sahifalarida kompaniya sanoat, ishlab chiqarish, qurilish va investitsiya yoʻnalishlarida faoliyat yuritishi qayd etilgan.[5] [6]
Faoliyati
Tojikiston metallurgiya zavodi qurilish sohasi uchun metall mahsulotlar, jumladan armatura va sterjenlar ishlab chiqarishga ixtisoslashgan. Korxonada metallolomni qayta ishlash orqali tayyor metall mahsulotlar ishlab chiqarish yoʻlga qoʻyilgan.[4]Loyihaning dastlabki bosqichida zavodning yillik ishlab chiqarish quvvati 30 ming tonna mahsulotni tashkil etishi qayd etilgan. Keyingi bosqichlarda ishlab chiqarish quvvatini yiliga 50 ming tonnagacha oshirish rejalashtirilgan.[1][4]Korxonada 130 ga yaqin mahalliy aholi faoliyat yuritadi[1][4]
Oʻzbekiston bilan hamkorlik
2026-yil mart oyida Oʻzmetkombinat AJ va Tojikiston metallurgiya zavodi oʻrtasida strategik hamkorlik memorandumi imzolangan. Kelishuv metallurgiya sanoati uchun xomashyo yetkazib berish va sanoat kooperatsiyasini rivojlantirishga qaratilgan.[7]
Memorandumga koʻra, 2027-yilning uchinchi choragidan boshlab Oʻzmetkombinat Tojikiston tomonidan yiliga 300 ming tonnagacha bevosita qaytarilgan temir — DRI mahsulotini xarid qilishni rejalashtirgan. Ushbu mahsulot metallurgiya ishlab chiqarishida muqobil xomashyo sifatida ishlatiladi.[7]Kelishuv Oʻzmetkombinat boshqaruvi raisi va bosh direktori Bahodir Abdullayev hamda Tojikiston metallurgiya zavodi bosh direktori Sharipov tomonidan imzolangan.[7]
Manbalar
- ↑ 1,0 1,1 1,2 1,3 1,4 „Ифтитоҳи “Корхонаи металлургии тоҷик” дар шаҳри Гулистон“ (tg). president.tj (7-sentabr 2024-yil). Qaraldi: 24-iyun 2026-yil.
- ↑ „Глава государства Эмомали Рахмон в городе Гулистоне открыл «Таджикское металлургическое предприятие»“ (ru). НИАТ «Ховар» (7-sentabr 2024-yil). Qaraldi: 24-iyun 2026-yil.
- ↑ „Агрегат Кайраккумской ГЭС и металлургический завод“ (ru). Sputnik Таджикистан (7-sentabr 2024-yil). Qaraldi: 24-iyun 2026-yil.
- ↑ 4,0 4,1 4,2 4,3 „Сарвари давлат Эмомалӣ Раҳмон дар шаҳри Гулистон «Корхонаи металлургии тоҷик»-ро ифтитоҳ намуданд“ (tg). АМИТ «Ховар» (7-sentabr 2024-yil). Qaraldi: 24-iyun 2026-yil.
- ↑ „B.A Holding“ (uz). B.A Holding. Qaraldi: 24-iyun 2026-yil.
- ↑ „BA Holding'da ishlash - barqarorlik va kelajakka ishonch!“ (uz). B.A Holding. Qaraldi: 24-iyun 2026-yil.
- ↑ 7,0 7,1 7,2 „Uzmetkombinat, TMK Sign Strategic Cooperation Deal“ (en). UzDaily (24-mart 2026-yil). Qaraldi: 24-iyun 2026-yil.
 | Ushbu maqola chaladir. Siz uni boyitib, ZiyoSferaga yordam berishingiz mumkin. Bu andozani aniqrogʻiga almashtirish kerak. |