Togʻaytemir

Togʻaytemir — Qashqadaryo viloyati, Dehqonobod tumanidagi qishloq va mahalla.

Tog‘aytemir nomi “Tog‘ay” va “temir” so‘zlaridan tashkil topgan. Ba’zi manbalarda aytilishicha, Tog‘ay ismli kishi temir topgan, temirchilik ustaxonasi o‘rnatgan va unda turli ish qurollari ishlab chiqargan. Temir so‘zi ismlarda uzoq umr ko‘rish, turli sinf va balolarga bardoshli bo‘lish ma’nolarini bildiradi. Tog‘ay esa tirik mavjudot tanasidagi uzvlarni birlashtiruvchi qattiq, paysimon to‘qimani anglatadi. Shu ma’noda “Tog‘aytemir” ismi – temirdek mustahkam va uzoq umr ko‘rsin degan ma’noni ifodalaydi. Ushbu ismga ega kishining yaylovi yoki qo‘nishi joyidagi qishloq ham uning ismi bilan Tog‘aytemir deb atalgan.