Kontent qismiga oʻtish

The Adventures of Abdi

ZiyoSfera, erkin ensiklopediya
The Adventures of Abdi
Fayl:Madonna - The Adventures of Abdi.png
Muallif(lar) Madonna
Bezovchi(lar) Olga Dugina
Andrey Dugin
Muqova artist(lar)i Olga Dugina
Andrey Dugin
Mamlakat Amerika Qoʻshma Shtatlari
Til inglizcha
Janr(lar)i Bolalar adabiyoti
Nashr etilgan sanasi 2004-yil 8-noyabr
Nashriyot Callaway
Sahifalar soni 32
ISBN 978-0-670-05889-1
OCLC 56682267
Syujeti Yaqin Sharqda kechadigan voqealar asosiga qurilgan.

The Adventures of Abdi (tarjimasi: Abdining sarguzashtlari) – amerikalik ijodkor Madonna tomonidan yozilgan rasmli kitob. Kitob 2004-yil 8-noyabrda Callaway Arts & Entertainment nashriyoti tomonidan nashr etilgan. Kitob ravvin Baal Shem Tov tomonidan aytilgan 300 yillik hikoyadan ilhomlangan axloqiy rivoyat boʻlib, Madonna uni Kabbala taʼlimotining zamonaviy ustozlaridan eshitgan. Unda Abdi ismli yigitga qimmatbaho taqinchoqni malikaga yetkazish vazifasi berilgani tasvirlanadi.

Madonna kitob yozishda „Alibobo va qirq qaroqchi“ hamda „Ming bir kecha“ ertaklaridan ilhomlangan. 32 betlik qattiq muqovada chop etilgan bu asarning suratlarini rus rassomlari Olga Dugina va Andrey Dugin chizgan. Madonnaning dastxat qoʻyish tadbirlarida hamda telekoʻrsatuvlarda ishtirok etgani kitob targʻibotini yanada kuchaytirgan. The Adventures of Abdi sharqona ekzotika kayfiyatini targʻib qilgani va bolalar orasida Kabbalahni ommalashtirgani uchun tanqidga uchragan, biroq undagi suratlar ijobiy qarshi olingan.

Qisqacha mazmuni

Uzoq bir diyorda Abdi ismli bola yashaydi. U yetim bola boʻladi va buyuk zargar Eli qoʻlida tarbiya topadi. Bir kuni Eli malikaga moʻjaz taqinchoq yasash uchun buyurtma oldi. Taqinchoq tayyor boʻlgach, Eli uni saroyga olib borib, malikaning tugʻilgan kunida topshirish vazifasini Abdiga yuklaydi. Bola choʻl orqali safarga chiqadi. Bir kecha u uxlab yotganida, ikki nafar badaviy unga hujum qilib, taqinchoqni oʻgʻirlashadi va uning oʻrniga tirik ilonni solib qoʻyishadi. Oʻgʻrilikdan bexabar Abdi saroyga yetib keladi va podshoh bilan uchrashadi. Uning xaltasidan ilon chiqib qoladi. Buni koʻrib, podshoh juda gʻazablanadi va bolani zindonga tashlashni buyuradi.

Voqeadan xabar topgan Eli tezda yoʻlga chiqadi va bir haftadan soʻng saroyga yetib keladi. Oʻzining imon-eʼtiqodi va rostgoʻyligi tufayli u podshohni, agar ilonni malikaning boʻyniga qoʻysa, u olmos marjonga aylanishiga ishontira oladi. Malika ilonni boʻyniga qoʻygach, u asta-sekin qimmatbaho toshlar bilan bezatilgan marjonga aylanadi. Podshoh hayratlanib, Abdini ozod qiladi hamda uni va Elini mukofotlaydi. Abdi va Elining sehrli marjoni haqidagi xabar Abdidan asl marjonni oʻgʻirlagan ikki badaviyga yetib boradi. Ular haqiqiy ilonlar toʻla katta xalta bilan malika saroyiga yetib kelishadi. Biroq, ular keltirgan ilonlar taqinchoqqa aylanmaydi, aksincha, bechora malikani qoʻrqitib yuboradi. Gʻazablangan podshoh ularni umrbod zindonga tashlashni buyuradi.

Yaratilish tarixi

Asosiy maqola: Madonna bibliografiyasi
„Ali Bobo va qirq qaroqchi“ (rasmda) kabi xalq hikoyalari Madonnani kitob yozishga ilhomlantirdi.

2003-yilda Madonna Callaway Arts & Entertainment nashriyoti bilan besh qismdan iborat bolalar kitoblari turkumi uchun shartnoma imzoladi[1]. Uning aytishicha, har bir kitob „bolalar duch keladigan muammolarni yoritadi… Umid qilamanki, bu asarlar bolalarga ogʻriqli yoki qoʻrqinchli vaziyatlardan saboq chiqarishni oʻrgatadi“[2]. Turkumdagi dastlabki uch kitob quyidagilar boʻldi: The English Roses (2003-yil sentyabr)[3], Mr. Peabody’s Apples (2003-yil noyabr)[4] va Yakov and the Seven Thieves (2004-yil iyun)[5]. Ushbu uchala kitob ham The New York Times Best Seller ro‘yxatiga kiritildi[6][7]. Umumiy hisobda, mazkur uchta kitob dunyo boʻylab 1,5 milliondan ortiq nusxada sotildi[8]. Callaway turkumdagi toʻrtinchi kitob The Adventures of Abdi 2004-yil 8-noyabrda nashr etildi[9].

Nashr etilishi va qabul qilinishi

Londondagi Selfridges flagship do‘koni. Madonna kitobiga dastxat qoʻyish tadbirida qatnashgan joy.

The Adventures of Abdi nashr etilgach, Madonna bir qator targʻibot tadbirlarida ishtirok etdi. 2004-yil 12-noyabr kuni qoʻshiqchi London shahridagi Selfridges flagship do‘konida kitobga dastxat qoʻyish tadbirida qatnashdi. Navbatda turgan muxlislardan faqatgina 250 nafari ichkariga kiritildi. Madonna oʻttiz daqiqa davomida baland ovozda kitobdan parcha oʻqib berdi va zalda yigʻilgan 30 nafar maktab oʻquvchisi uni tomosha qildi[10][11]. 11-noyabr kuni The Insider dasturida Pat OʻBrien Madonnani suhbatga taklif qildi. Suhbatda Madonna kitob yozishni „bolalarga hayotdagi qiyinchiliklarni tinch yoʻl bilan yengib oʻtishga yordam beradigan vositalar berish“ usuli sifatida izohladi[12].

Yana qarang

Manbalar

  1. ↑ McKinley, Jesse. „New Material, Girl: Madonna, a Mama, Starts Writing Books for Children“. The New York Times (2003-yil 15-sentyabr). 2017-yil 29-dekabrda asl nusxadan arxivlangan. Qaraldi: 2018-yil 1-iyul.
  2. ↑ „Madonna's new book is 'Jewish'“. The Jerusalem Post (2004-yil 24-iyun). 2004-yil 21-avgustda asl nusxadan arxivlangan. Qaraldi: 2018-yil 1-iyul.
  3. ↑ Hay, Carla (August 16, 2003). „Artists Add New Voice to Children's Books“ (PDF). Billboard. 115-jild, № 33. 5-bet. ISSN 0006-2510. Qaraldi: June 28, 2018.
  4. ↑ „Madonna writing sequel to Roses“. BBC News (2005-yil 18-iyun). 2016-yil 7-martda asl nusxadan arxivlangan. Qaraldi: 2017-yil 11-may.
  5. ↑ D'Angelo, Joe „Madonna Dances With Fairies And Wishes For Animated 'Roses'“. MTV News (2003-yil 14-noyabr). 2017-yil 4-iyulda asl nusxadan arxivlangan. Qaraldi: 2018-yil 7-yanvar.
  6. ↑ „Best Sellers“. The New York Times (2003-yil 19-oktyabr). 2015-yil 27-mayda asl nusxadan arxivlangan. Qaraldi: 2017-yil 10-may.
  7. ↑ „Best Sellers“. The New York Times (2003-yil 30-noyabr). 2015-yil 28-mayda asl nusxadan arxivlangan. Qaraldi: 2018-yil 28-iyun.
  8. ↑ (2007-yil 12-sentyabr). „Madonna's New English Roses Book Series Launches September 13, 2007“. Press-reliz.
  9. ↑ (2004-yil 20-noyabr). „The Adventures of Abdi Press Release“. Press-reliz.
  10. ↑ Scottin, Laura. „Madonna fans line up for an adventure“. Irish Independent (2004-yil 12-noyabr). Qaraldi: 2018-yil 29-iyul.
  11. ↑ „Madonna holds public book reading“. BBC News (2004-yil 11-noyabr). 2016-yil 16-aprelda asl nusxadan arxivlangan. Qaraldi: 2018-yil 29-iyul.
  12. ↑ O'Brien, Pat; Dakss, Brian (November 12, 2004). „Madonna, Unplugged“. The Insider. CBS News. July 29, 2018da asl nusxadan arxivlandi. Qaraldi: July 29, 2018.

Havolalar

"https://ziyosfera.uz/index.php?title=The_Adventures_of_Abdi&oldid=811381" dan olindi