Teya Dora
Teya Dora Теја Дора | |
|---|---|
.jpg) Teya Doraning 2024-yilgi chiqishidan | |
| Umumiy maʼlumot | |
| Tavalludi |
Teodora Pavlovska 1992-yil 1-may Bor, Serbiya Respublikasi, Serbiya va Chernogoriya |
| Janrlar | R&B, pop |
| Kasbi |
|
| Faoliyat yillari | 2018–hozirgacha |
| Leybllar |
|
Teodora Pavlovska (1992-yil 1-mayda tugʻilgan)[1] – serbiyalik qo'shiqchi, qoʻshiqnavis va prodyuser. 2018-yilda ilk bor sahnada chiqish qilgan. 2023-yilda „Džanum“ nomli qoʻshigʻi TikTok orqali xalqaro miqyosda ommalashib, mashhurlikka erishgan.
Teya Dora 2024-yilda Shvetsiyaning Malmö shahrida boʻlib oʻtgan „Eurovision“ qoʻshiq tanlovida „Ramonda“ qoʻshigʻi bilan Serbiya sharafini himoya qilgan va yakunda 17-oʻrinni egallagan.
Yoshlik davri
Pavlovska 1992-yil 1-may kuni sobiq Yugoslaviya Federativ Respublikasining Bor shahrida dunyoga kelgan. Otasi rassom va grafik dizayner boʻlgan. Onasi esa yozuvchi va jurnalist boʻlib, „Večernje novosti“ nashriyotida faoliyat yuritgan[2][3]. Belgradga koʻchib oʻtgach, Pavlovska musiqa maktabida oʻqishni boshlagan va shu orqali Bostondagi Berklee Musiqa Kollejida tahsil olish uchun stipendiyani qoʻlga kiritgan[4]. Berklee kollejidagi oʻqishi davomida Pavlovska mashhur xonanda Charlie Puth bilan bir sinfda oʻqigan[5]. Pavlovska 2014-yilda kollejni tamomlagan va bitiruv marosimida unga diplomni afsonaviy gitarachi Jimmy Page topshirgan[6]. Bitiruvdan soʻng u Nyu-York shahrida yashab, oʻsha yerda bastakorlik bilan shugʻullangan[4].
Karyerasi
2018-yilda Serbiyaga qaytgach, Pavlovska avvaliga qoʻshiqchi Nikolija bilan hamkorlik qilgan. 2018-yilda Nikolija ijrosida taqdim etilgan „Nema limita“ nomli qoʻshigʻini ham aynan Pavlovska yozgan. U boshqa serbiyalik sanʼatkorlar, jumladan, Nataša Bekvalac va Anastasija Ražnatović uchun ham qoʻshiqlar yozishda davom etgan. Pavlovska oʻzining sahnadagi faoliyatini Teya Dora nomi ostida boshlagan, 2019-yil iyul oyida „Da na meni je“ nomli debyut qoʻshigʻini Bassivity Digital leybli orqali taqdim etgan[7]. Pavlovskaning „Teya Dora“ taxallusini tanlashiga Berklee kollejida oʻqib yurgan paytida amerikaliklarning uning ismini toʻgʻri talaffuz qila olmasdan, osongina „Teya Dora“ deya deb ataganliklari sabab boʻlgan[8].
Manbalar
- ↑ „Ko je Teja Dora – naša predstavnica na "Pesmi Evrovizije"“ (sr-Latn). Radio Television of Serbia (2024-yil 3-mart). 2024-yil 4-martda asl nusxadan arxivlangan. Qaraldi: 2024-yil 4-mart.
- ↑ Netović. „Smrtni slučaj u porodici ju je zauvek obeležio: Ovo su otac i majka Teye Dore, popularniji su od nje (FOTO)“ (sr). Story.rs (2024-yil 4-mart). 2024-yil 13-martda asl nusxadan arxivlangan. Qaraldi: 2024-yil 7-mart.
- ↑ Denda. „(VIDEO) Majka pobednice Beovizije za "Blic" otkrila nepoznate detalje privatnog života: "Dala sam otkaz da bih je školovala"“ (sr). Blic (2024-yil 5-mart). 2024-yil 9-martda asl nusxadan arxivlangan. Qaraldi: 2024-yil 7-mart.
- ↑ 4,0 4,1 Dašić. „Ko je Teya Dora, predstavnica Srbije za Evroviziju 2024, pevačica čiju pesmu već zna ceo svet“ (Sr). Danas (2024-yil 3-mart). 2024-yil 5-martda asl nusxadan arxivlangan. Qaraldi: 2024-yil 3-mart.
- ↑ „Teya Dora prešla svaku granicu! Završila "Berkli", napravila hitove mnogim srpskim zvezdama, a "Džanum" joj donela milione“. 24sedam.rs (2023-yil 26-iyul). 2023-yil 28-iyunda asl nusxadan arxivlangan. Qaraldi: 2023-yil 19-iyun.
- ↑ Teya Dora – O pobedi na PZE2024 YouTubeda
- ↑ „Teya Dora: O muzici, školovanju na Berklee College of Music i inspiracijama“. Wannabe Magazine (2019-yil 23-iyul). 2023-yil 5-iyunda asl nusxadan arxivlangan. Qaraldi: 2023-yil 5-iyun.
- ↑ „Novo Jutro – Dea I Sarapa – Teodora Pavlovska – Teya Dora – 26.08.2019.“. YouTube (2019-yil 26-avgust).
Havolalar
Vikiomborda „Teya Dora“ mavzusi boʻyicha mediafayllar bor.
