Tehron shahar teatri

Shahar Teatri (forscha: تئاتر شهر, Teātr-e Šahr) – Erondagi eng katta madaniyat va sanʼat majmuasi. Tehrondagi talabalar bog‘i yaqinida, Elxebal va Vali-Asr ko‘chalari chorrahasida joylashgan.

1967-yil, Eronning soʻnggi shohi Muhammad Rizo Pahlaviy hukmronligi davrida rafiqasi Farah Pahlaviy tashabbusi bilan qurilgan. 1973-yil 27-yanvarda Anton Pavlovich Chexov pyesasi asosida sahnalashtirilgan „Olchazor“ spektakli bilan ochilgan.

Arxitekturasi

Shahar teatr binosi doira shaklida boʻlib, saljuqiylar davri yodgorliklaridan biri bo‘lgan To‘g‘rul minorasidan ilhomlangan Xoshang Sixunning shogirdlaridan biri Ali Sardor Afxamiy loyihasi boʻyicha qurilgan^[1]. Binoning doira shaklidagi loyihasi qadimgi yunon va Rim me’morchiligining uyg‘unligidan, xususan, Rimdagi Panteon va Kolizey kabi mashhur inshootlardan ilhomlangan holda yaratilgan. Binoning teatr maydoni 3000 kv. Inshootning diametri 34 metr, balandligi 15 metr.

Majmua bir nechta namoyish maydonlari, jumladan Cheharsou, Qashqai, Sayeh zallari, sahna studiyasi va asosiy zaldan tashkil topgan^[2]. 579 kishiga mo‘ljallangan asosiy zal teatr uchun zarur bo‘lgan barcha jihozlar, jumladan, sahnani elektr aylantirgich, lift va dekoratsiya uchun osma tizim, harakatlanuvchi sahna yo‘lagi, pardalar va kino uskunalari bilan taʼminlangan. Teatr kirish qismida kutish zalidagi shovqin ichkariga o‘tmasligi uchun akustik qoplamali ikkita eshik o‘rnatilgan.

Teatr faoliyati

1979-yilgi Eron inqilobidan oldin teatr dastlab Radio va televideniye milliy tashkiloti, keyin esa Madaniyat boshqarmasi tasarrufida bo‘lgan, inqilobdan keyin esa majmuaning faoliyati Eron Madaniyat va islomiy yoʻl-yoʻriq vazirligi nazoratiga oʻtgan^[3]. Shahar teatrida rassomlar, teatr talabalari hamda duradgorlik va tikuvchilik ustaxonalari o‘quvchilari foydalanadigan maxsus badiiy kutubxona ham mavjud.

Tehron Shahar Teatri shanba kunlari yopiq boʻladi.

Galereya

Teatrning 1971-yilgi koʻrinishi
Teatrning 2021-yilgi koʻrinishi
Tomoshabinlar zallaridan biri
Alber Kamyu asarlaridan biri asosida spektakl

Havolalar

35°42′0.28″N 51°24′20.23″E / 35.7000778°N 51.4056194°E / 35.7000778; 51.4056194

Manbalar

↑ Don Rubin, muh. (1998), The World Encyclopedia of Contemporary Theatre, London: Routledge, ISBN 0415059283, OCLC 32008932, 0415059283
↑ „Tehran City Theater website“. Qaraldi: 2025-yil 20-noyabr.
↑ Don Rubin; et al., muh. (2001), World Encyclopedia of Contemporary Theatre: Asia/Pacific, Routledge, ISBN 9780415260879, OL 7488911M, 0415260876

[1] Don Rubin, muh. (1998), The World Encyclopedia of Contemporary Theatre, London: Routledge, ISBN 0415059283, OCLC 32008932, 0415059283

[2] „Tehran City Theater website“. Qaraldi: 2025-yil 20-noyabr.

[3] Don Rubin; et al., muh. (2001), World Encyclopedia of Contemporary Theatre: Asia/Pacific, Routledge, ISBN 9780415260879, OL 7488911M, 0415260876

[1]

[2]

[3]