Taras Topolya
Taras Topolya | |
|---|---|
 | |
| Tavalludi |
1987-yil 21-iyun |
| Kasbi | qoʻshiqchi |
| Faoliyat yillari | 2005 – hozirgacha |
| Guruhlari | Antitila |
| Fuqaroligi |
 Ukraina |
| Turmush oʻrtogʻi | Alyosha |
Taras Volodimirovich Topolya (ukraincha: Тарас Володимирович Тополя; 21-iyun 1987-yil, Kiyev, Ukraina SSR) – ukrainalik qoʻshiqchi, mashhur Antitila guruhining yakkaxoni, UNICEFning Ukrainadagi yoshlar elchisi, „Svobodniye YuA“ xayriya jamgʻarmasi hammuassisi, volontyor, Ukraina Qurolli Kuchlari hududiy mudofaa kuchlari koʻngillisi, Rossiya-Ukraina urushi qatnashchisi.
Hayoti
Topolya Kiyevda tugʻilib oʻsgan. 6 yoshida Topolya musiqa, shu jumladan skripka chalishni oʻrganishni boshlagan va Revutskiy erkaklar xorida xorda kuylagan. Topolya Proreznoye koʻchasidagi 48-sonli poytaxt gimnaziyasida va I-III bosqichli boʻlgan 8-sonli maktabda tahsil olgan. Maktabning yuqori sinflarida oʻzi tashkil etgan guruhni keyinchalik qayta shakllantirilib, „Antitila“ deb nomlagan.
Ukraina Ichki ishlar milliy akademiyasida tahsil olgan. 2007-yilda oliy yuridik maʼlumotga ega boʻlgan. Akademiyada oʻqish davomida oʻzi va „Antitila“ guruhi „Shans“ teleloyihasida ishtirok etishgan. Oʻshanda guruh gʻolib boʻlmagan boʻlsa-da, Kuzma Skryabin guruh haqida shunday degan edi: „Agar bu yigitlarni sahnaga chiqarib yuborsak, koʻpchilik nafaqaga chiqishiga toʻgʻri keladi“.
2008-yilda guruh „Catapult Music“ prodyuserlik markazi bilan hamkorlik qila boshladi. 2010-yilda guruh prodyuserlik markazidan ajralib chiqish haqida qarorni qabul qilgan. Oʻsha paytdan boshlab guruhning menejment ishlarini „Antitila“ guruhining klavishchisi Sergey Vusik va Taras Topolya olib bormoqda.
Musiqiy faoliyati
Mashhur „Antitila“ musiqiy guruhining hammuassisi va yetakchisi, shuningdek, qoʻshiqlar muallifi va ijrochisidir.
2017-yilda „Antitila“ guruhi „Quyosh“ nomli keng koʻlamli turne oʻtkazishgan. Turne Ukrainaning 50 ga yaqin shahri, Belarusning bir shahri, AQShning yetti shahri va Kanadaning bir shahrini qamrab olgan. Turne Ukrainadagi nafaqat viloyat markazlarida, balki koʻplab tuman markazlari ham oʻtkazilgan[1][2]. „Quyosh“ turnesini yakunlab, „Antitila“ guruhi Ukraina Milliy rekordlar roʻyxatiga kiritilgan va „Bir tur doirasida musiqiy guruhning eng koʻp shaharlarda konsert berish rekordi“ nominatsiyasida gʻoliblikka erishgan. Bir yuz bir kun ichida jamoa toʻrt mamlakatni: Ukraina, Belarus, Amerika Qoʻshma Shtatlari va Kanadada oʻz musiqiy plastinkasini namoyish ettiradi. Guruh 46 ta konsert uyushtirgan, shundan 26 tasi mart oyiga toʻgʻri kelgan.
Skryabinning xotirasiga bagʻishlangan konsertda uning „Lyudi, yak korabli“ degan mashhur qoʻshigʻini qayta ijro etgan. Qoʻshiqning bu talqini tinglovchilarni lol qoldirgan va Taras uni Skryabinning bek-vokalchisi Olga (Shprot) Lizgunova bilan birgalikda studiyada yozib olishga qaror qilgan.
„Buduvudu“, „Vibiray“, „Nad polyusami“, „Vse krasivo“, „Sonse“, „Hello“, „MLNL“ albomlarini chiqargan.
Jamoatchilik faoliyati
2014-yilda doʻstlari bilan volontyorlik faoliyatini boshladi, „Svobodniye YuA“ xayriya jamgʻarmasini tashkil etgan. Jamgʻarma orqali 8 million grivnadan ortiq mablagʻ toʻplashga erishgan. Yigʻilgan mablagʻlar Ukraina harbiylariga dori-darmon va himoya vositalarini xarid qilish, shuningdek, aholiga yordam koʻrsatish uchun sarflangan.
UNICEFning Ukrainadagi yoshlar elchisi maqomida butun mamlakat boʻylab faol yoshlar bilan 100 dan ortiq uchrashuv oʻtkazgan. BMTning Nyu-Yorkdagi bosh qarorgohi devorlarida „Ukraine Exist“ nomli keng koʻlamli koʻrgazmani tashkillashtirgan va koʻngillilar bilan hamkorlikda keng targʻib qilgan[3][4]. Ushbu harakat hozirda ham davom etmoqda.
2022-yil 24-fevralda Rossiya qoʻshinlari Ukrainaga bostirib kirgandan soʻng Taras Topolya „Antila“ guruhining boshqa aʼzolari bilan birgalikda Ukraina Qurolli Kuchlari hududiy mudofaa kuchlari safiga qoʻshilgan[5].
Mukofotlari
2019 – 3-darajali „Xizmatlari uchun“ ordeni bilan mukofotlangan[6].
Oilasi
2013-yilda qoʻshiqchi Alyosha[7] nomi bilan mashhur boʻlgan qoʻshiqchi Olena Topolyaga uylangan. Ularni ikki oʻgʻli Mark va Roman, shuningdek, qizi Mariya bor[8].
Manbalar
- ↑ „«Красиво. Атмосферно»: Що говорять про фінальний концерт «сонячного» туру Антитіл у мережі“. 2020-yil 25-sentyabrda asl nusxadan arxivlangan. Qaraldi: 2022-yil 11-iyul.
- ↑ „ТУР 2017 — СОНЦЕ“. 2021-yil 21-oktyabrda asl nusxadan arxivlangan. Qaraldi: 2022-yil 11-iyul.
- ↑ „У штаб-квартирі ООН відкривається виставка «Ukraine EXISTS»“. Радіо Свобода (2016-yil 11-yanvar). 2022-yil 24-fevralda asl nusxadan arxivlangan. Qaraldi: 2020-yil 15-noyabr.
- ↑ „Лідер гурту "Антитіла" Тарас Тополя: Ми робимо щось схоже на контрастний душ - новини Еспресо TV | Ukraїna“. espreso.tv (2015-yil 6-dekabr). 2022-yil 20-fevralda asl nusxadan arxivlangan. Qaraldi: 2020-yil 15-noyabr.
- ↑ „Тарас Тополя з гуртом "Антитіла" вступили до лав тероборони ЗСУ (відео)“ (uk). www.unian.ua. 2022-yil 20-martda asl nusxadan arxivlangan. Qaraldi: 2022-yil 22-mart.
- ↑ „УКАЗ ПРЕЗИДЕНТА УКРАЇНИ №889/2019“ (uk). Офіційне інтернет-представництво Президента України. 2020-yil 17-mayda asl nusxadan arxivlangan. Qaraldi: 2019-yil 16-dekabr.
- ↑ „Alyosha таємно вийшла заміж“. ТаблоID (2013-yil 9-iyul). 2021-yil 28-fevralda asl nusxadan arxivlangan. Qaraldi: 2020-yil 15-noyabr.
- ↑ „Alyosha народила доньку і оголосила її ім’я“. ТаблоID. 2020-yil 29-sentyabrda asl nusxadan arxivlangan. Qaraldi: 2020-yil 15-noyabr.