Tanosux

Tanosux, tanosux alarvoh (arab.) — ruhning koʻchib yurishi haqidagi diniy taʼlimot. T. haqidagi tasavvurlar juda qadimdan maʼlum boʻlgan. Oʻlganlarning ruhi (joni) yangi tugʻilgan insonlarda, hatto hayvon va oʻsimliklarda qayta mujassamlanishi haqidagi tasavvurlar diniy eʼtiqodning ilk shakllari (animizm) bilan bogʻlik ravishda vujudga kelgan. U baʼzan qad. diniy va falsafiy taʼlimotlarda (mas., Yunonistonda metempsixoz nomi bilan, brahmanizm va hinduiylikda sansara nomi bilan) keng tarqalgan. Anʼanaviy islom iloxiyoti T. ni rad etadi, lekin undan oʻta yiroqlashgan ayrim firqalar (mas., ismoiliylarning baʼzi shaxobchalari)da T. qisman eʼtirof etilgan.