Tanja Mihhailova-Saar
Tanja Mihhailova-Saar | |
|---|---|
.jpg) Tanja Mihhailova (Eurovision 2014) | |
| Umumiy maʼlumot | |
| Tavalludi |
Tatjana Mihhailova 1983-yil 19-iyun Kaliningrad, Rossiya SFSR, USSR |
| Janrlar | pop |
| Faoliyat yillari | 2001–hozirgacha |
| Veb-sayt | tanjamusic.com[1] |
Tatjana Mihhailova-Saar[2] (ruscha: Татьяна Михайлова; 1983-yil 19-iyunda tugʻilgan)[3], Tanja yoki Tanja Mihhailova nomi bilan tanilgan estrada xonandasi va aktrisasi. Rossiyaning Kaliningrad shahrida tugʻilgan, ammo yoshligidan Estoniyada yashab kelmoqda[4]. Professional faoliyati davomida bir nechta guruhlar aʼzosi boʻlgan va musiqiy spektakllarda ishtirok etgan. 2014-yilda „Eurovision“ qoʻshiq tanlovida „Amazing“ nomli qoʻshigʻi bilan Estoniya sharafini himoya qilgan, biroq yarim finalda 12-oʻrinni egallagan va finalga chiqa olmagan.
Yoshlik yillari
Mihhailova-Saar 1983-yilda Rossiyaning Kaliningrad shahrida dunyoga kelgan, biroq ikki oyligida oilasi Estoniyaga koʻchib oʻtgan[5]. Tatjana Estoniyaning Kohtla-Järve shahrida voyaga yetgan[6].
Musiqiy faoliyati
Tanja yoshligidanoq qoʻshiq ayta boshlagan va Estoniya, Rossiya hamda Ukrainadagi koʻplab tanlovlar va qoʻshiq festivallarida ishtirok etgan. 1998-yilda u Latviyaning Yurmala shahrida oʻtkazilgan „Utrennaya zvezda“ tanlovida gʻolib boʻlgan. 2002-yilda esa „Fizz Superstar 2002“ Baltika qoʻshiq tanlovida qatnashgan[7].
Nightlight Duo
Nightlight Duo | |
|---|---|
| Janrlar | texno |
| Faoliyat yillari | 2001–2004[1] |
2001-yilda estoniyalik prodyuser Sven Lõhmus hamda xonanda Ly Lumiste bilan birgalikda Tanja „Nightlight Duo“ nomli texno janrida ijod qiluvchi guruh tuzgan. Guruh Jäljed liival (Qumdagi izlar) va Miks ma ei suuda su maailma muuta (Nega men sening dunyoingni oʻzgartira olmayman) nomli ikkita albom chiqargan. Ikkinchi albom „Aasta uustulnuk 2002“ mukofotini qoʻlga kiritgan va yilning eng yaxshi albomi deb topilgan[8].
Nightlight Duo guruhi Estoniyaning „Eurovision“ qoʻshiq tanlovida ishtirok etish uchun oʻtkazilgan saralash bosqichi „Eurolaul“da ikki marta ishtirok etgan. 2002-yilda ular ijro etgan „Another Country Song“ nomli qoʻshiq tanlovda ikkinchi oʻrinni egallagan[9]. Oradan bir yil oʻtib, 2003-yilda „I Can B the 1“ qoʻshigʻi bilan toʻrtinchi oʻringa loyiq deb topilgan[10]. Har ikkala qoʻshiq muallifi va prodyuseri Sven Lõhmus boʻlgan.
2004-yilda guruh aʼzosi Ly Lumiste homilador boʻlgani sababli tarqatib yuborilgan. Shundan soʻng, Tanja oʻzining musiqiy faoliyatini mustaqil ravishda davom ettirgan.
Manbalar
- ↑ 1,0 1,1 „BBC – Music – Tanja Mihhailova“. BBC. Qaraldi: 2014-yil 30-aprel.
- ↑ „TV3 VIDEO | Tanja Mihhailova-Saar: „Hetkel ma last ei oota“ | Elu“ (et). elu.ohtuleht.ee. Qaraldi: 2020-yil 31-mart.
- ↑ Tanja tutvustab plaati laheda show’ga, parnu.postimees.ee.
- ↑ „Tanja Mihhailova“. tanjamusic.com. 2014-yil 8-mayda asl nusxadan arxivlangan. Qaraldi: 2014-yil 30-aprel.
- ↑ „Tund tähega: Tanja Mihhailova-Saar. Hooaeg 1, osa 5.“ (Estonian). Kanal 2 (2017-yil 16-fevral).
- ↑ Viira. „Tanja Mihhailova: "Selleks et Eestis tööd teha, pead sa oskama eesti keelt."“ (Estonian). Õhtuleht (2012-yil 7-yanvar).
- ↑ Õhtuleht, February, 22 2002 Õhtuleht (in Estonian)
- ↑ Eesti Popmuusika Aastaauhinnad Estonian music awards
- ↑ Eurovision song contest Estonia Eurovision Estonia
- ↑ Eurovision song contest Estonia Eurovision Estonia
Havolalar
- Oʻyin – kulgilardan zavqlaning (Wayback Machine saytida 2015-06-26 sanasida arxivlangan)
- Tanja Mihhailova videolari Delfi.tv-da
- Tanja Mihhailova-Saar IMDbda