Tanais — 1) antik shagʻar (mil. av. III asr — mil. V asr). Don daryosining quyi oqimi boʻyida joylashgan. Mil. boshlarida Bospor davlati tarkibida boʻlgan. T. Bospordagi yunonlar bilan Azov va Don boʻyidagi koʻchmanchilar oʻrtasidagi muhim savdo markazi boʻlgan. Mil. III asrning 40y.larida gotlar rahbarlik qilgan kabilalar ittifoqi tomonidan butkul vayron qilingan. IV asrning 2yarmida qayta tiklangan, lekin kichik bir manzil sifatida V asr boshiga qadar mavjud boʻlgan. T.dan turar joy, mudofaa devorlari, minoralar, darvozalar qoldiqlari, bitiklar, qabrlar va boshqa topilgan; 2) yunon muarrixlari tomonidan Don va baʼzan Sirdaryoning atalishi.
