Tamriko Siprashvili
Tamriko Siprashvili | |
|---|---|
 Tamriko Siprashvili, 2016-yil | |
| Umumiy maʼlumot | |
| Tavalludi |
1963-yil 2-yanvar |
| Janrlar |
klassik musiqa
|
| Faoliyat yillari | 1985–hozirgi kungach |
| Veb-sayt | inspiremusicacademy.com |
Tamriko Siprashvili (1963-yil 2-yanvarda tugʻilgan) – gruziyalik pianinochi.
Taʼlimi
Tamriko Siprashvili 1963-yil 2-yanvarda Gruziya SSRning Tbilisi shahrida dunyoga kelgan[1]. Uch yoshida pianino chalishni boshlagan. Besh yoshida oʻzi tugʻilib oʻsgan shahar Tbilisidagi iqtidorli bolalar uchun moʻljallangan maxsus musiqa maktabiga oʻqishga kirgan, bu maktab oʻsha paytda Sovet Ittifoqi davridagi toʻrtta maktabdan biri boʻlgan. U yerda Siprashvili 17 yoshiga qadar oʻqishini davom ettirgan. Shundan soʻng Moskva musiqa konservatoriyasiga oʻqishga qabul qilingan. 1985-yilda musiqashunoslik va fortepiano ijrochiligi boʻyicha doktorlik darajasini egallagn. Moskva konservatoriyasida Siprashvili, asosan, Mixail Voskresenskiydan tahsil olgan.
Mukofotlari
Oʻqishni tugatgandan soʻng Tamriko Siprashvili Germaniyaning Zwickau shahrida boʻlib oʻtgan Robert Schumann nomidagi IX pianinochilar va qoʻshiqchilar xalqaro tanlovida 1-oʻrinni egallagan va oltin medalga sazovor boʻlgan.
Steinway ijrochiligi
Tamriko Steinway Artist unvoniga ega boʻlib, musiqaga va Steinway pianinolariga boʻlgan mehrini keng auditoriyaga ulashadi. Bu unvon dunyoning eng nufuzli pianinochilari va musiqachilariga beriladi hamda ularning Steinway & Sons kompaniyasi bilan rasmiy hamkorligini anglatadi.
Konsertlari
Oʻzining birinchi mukofotini olgandan soʻng, Tamriko butun Yevropa, AQSh va Argentina boʻylab gastrol safarlarida boʻldi. Shuningdek, Berlin Konzerthaus, Leipzig Gewandhaus orkestri, Italiyaning Parma shahridagi Arturo Toscanini filarmonik orkestri va Oakland simfoniyasi kabi taniqli orkestrlarda yakkaxon tarzda musiqa ijro etgan. Gastrol safarlarida afsonaviy dirijyorlar Kurt Masur, Jason Kakhidze va MayklMichael Morgan bilan birga chiqish sharafiga muyassar boʻlgan.
Manbalar
- ↑ „Our Musical Director, Tamriko Siprashvili“. Qaraldi: 13-may, 2025-yil.
Havolalar
- [1] Inspire musiqa va sanʼat akademiyasi
- [2] Steinway & Sons
- [3] ArkivMusic – Diskografiya
- [4] Robert Schumann xalqaro pianinochilar va xonandalar tanlovi