Tamara E. Jernigan
| Tamara Jernigan | |
|---|---|
 | |
| Tavalludi |
1959-yil 7-may (63 yosh) Chattanooga, Tennessee , Amerika Qoʻshma Shtatlari |
| Fuqaroligi | AQSH |
| Kasbi | Astrofizik |
| Bolalari | Jeffri Wisoff |
Tamara Jernigan (talaffuzi: Tamara Jarnigin 1959-yil 7-mayda tugʻilgan) - amerikalik astrofizik va sobiq NASA astronavti . Faoliyati davomida u beshta Space Shuttle dasturini ( Kolumbiyada uchta, Endeavour va Discoveryda bittadan) bajarib, kosmosda 1512 soatdan ortiq vaqt oʻtkazgan. Jernigan 2001-yilda NASAni tark etdi. U hozir Lourens Livermor Milliy Laboratoriya tashkilotida bosh direktor oʻrinbosari sifatida ishlaydi.
Erta hayot va ta'lim
Tamara 1959-yil 7-mayda Tennessi shtatining Chattanoga shahrida, Meri va Terri Jernigan oilasida tug‘ilgan[1]. U Kaliforniyaning Santa Fe Springs shahridagi Santa Fe oʻrta maktabida oʻqigan va 1977-yilda tugatgan. Jernigan Stenford universitetida oʻqigan va u yerda voleybol oʻynagan. U 1981-yilda fizika boʻyicha bakalavr, 1983-yilda muhandislik fanlari boʻyicha magistr darajasini oldi. Berklidagi Kaliforniya universitetida u 1985-yilda astronomiya boʻyicha magistr darajasini oldi. 1988-yilda Rays universiteti tomonidan, unga kosmik fizika va astronomiya boʻyicha fan nomzodi ilmiy darajasi berildi. Uning tadqiqotlari yulduzlar paydo boʻlgan hududlarda yuqori tezlikli oqimlarni modellashtirish, gamma-nurlarining portlashi va zarba toʻlqinlari natijasida hosil boʻlgan nurlanishni oʻrganishga qaratilgan.
NASA faoliyati
Jernigan 1981-yil iyun oyida Stenford va Berklida ilmiy darajalarni qoʻlga kiritdi va Ames tadqiqot markazi (NASA)da ishlay boshladi. U nazariy tadqiqotlar boʻlimida tadqiqotchi olim sifatida faoliyat yuritdi[2].
U 1986-yil iyul oyida NASA astronavtlar korpusiga kirdi. Uning koinotga birinchi safari 1991-yil 5-iyun kuni bo‘lgan[3]. U Space Shuttle dasturining beshta missiyasida qatnashdi va koinotda 1512 soatdan koʻproq vaqt boʻldi.
Jernigan kosmonavtlar idorasi boshligʻining oʻrinbosari boʻlib ishlagan. Harbiy va fuqarolik astronavtlari, yordamchi xodimlarni boshqarishda yordam bergan. U kosmik stansiya dasturi boʻyicha: Xalqaro kosmik stantsiyani loyihalash va ishlatish boʻyicha oʻrinbosar sifatida ishlagan. U, shuningdek, ekipajni tayyorlash, ekipaj rotatsiyasi va operatsion masalalarni hal qilishga qaratilgan texnik almashinuv uchrashuvlarida NASA vakili sifatida qatnashgan.
Jernigan 2001-yilda NASAdan nafaqaga chiqdi va hozir Lourens Livermor milliy laboratoriyasida Qurollar va murakkab integratsiya (WCI) tashkilotida bosh direktor oʻrinbosari sifatida ishlaydi[1].
Mukofotlar
Jernigan NASAning " Buyuk xizmat" medali va NASAning "Eng yaxshi yetakchilik" medali sohibidi.
Shaxsiy
Hozirda u Kaliforniyaning Pleasanton shahrida istiqomat qiladi. U turmushga chiqqan va sobiq astronavt Piter Visoffdan Jeffri Wisoff ismli farzandi bor. Hozirda ikkalasi ham Lourens Livermor milliy laboratoriyasida ishlaydi.
Havolalar
Manbalar
- ↑ 1,0 1,1 „Biographical Data: Tamara E. "Tammy" Jernigan (Ph.D.)“. National Aeronautics and Space Administration (2001-yil noyabr). Qaraldi: 2020-yil 27-iyul.
- ↑ „Women in Aviation and Space History: Tamara Jernigan“. Smithsonian National Air and Space Museum. 2022-yil 10-yanvarda asl nusxadan arxivlangan. Qaraldi: 2022-yil 7-oktyabr.
- ↑ Space sciences, Gale (Firm), 2nd, Detroit, Mich.: Gale, Cengage Learning, 2012. ISBN 9780028662190. OCLC 781937044.