Talan Towers
| Talan Towers | |
|---|---|
 | |
| Umumiy maʼlumot | |
| Maqomi | Qurib bitkazilgan |
| Turi | Koʻp funksiyali majmua |
| Joylashuvi | Astana, Qozogʻiston |
| Koordinatalar | 51°07′29″N 71°25′56″E / 51.12466°N 71.43232°E |
| Qurilishi boshlangan | 2013-yil iyun |
| Qurilishi tugagan | 2017-yil |
| Mijoz | Verny Capital |
| Balandligi | |
| Balandligi |
1-minora: 145.6 m (478 ft) 2-minora: 119.8 m (393 ft) |
| Texnik holati | |
| Qavatlar soni |
1-minora: 30 2-minora: 25 |
| Binoning ichki maydoni | 106 194 m² |
| Dizayn va konstruksiya | |
| Meʼmor | Skidmore, Owings & Merrill |
| talantowers.com | |
Talan Towers — Qozogʻistonning Astana shahrida joylashgan koʻp funksiyali majmua. Majmua podium qismi va ikkita minoradan iborat boʻlib, unda ofislar, savdo maydonlari, mehmonxona hamda turar joylar joylashgan. 30 qavatli birinchi minorada biznes markazi, 25 qavatli ikkinchi minorada esa The Ritz-Carlton mehmonxonasi va turar joy apartamentlari joylashgan. Minoralar oʻzaro savdo galereyasi orqali bogʻlangan. Majmuaning umumiy maydoni 106 194 m2 ni tashkil etadi. Majmua Qozogʻistonning Verny Capital kompaniyalar guruhi buyurtmasi asosida barpo etilgan va 2017-yilda foydalanishga topshirilgan[1].
2018-yil mart oyida majmua ekologik qurilish standartlari boʻyicha LEED Gold sertifikatini qoʻlga kiritgan[2].
Tarixi
Talan Towers majmuasi qurilishiga tayyorgarlik ishlari 2012-yilda boshlangan[3]. 2013-yil 18-iyunda majmuaning poydevoriga ilk tosh qoʻyildi[4][5]. Qurilish ikki bosqichda amalga oshirilgan. Birinchi bosqich 2016-yil kuzida, ikkinchi bosqich esa 2017-yil bahorida yakunlangan.
2017-yil 3-iyunda Astanadagi The Ritz-Carlton mehmonxonasi joylashgan minora foydalanishga topshirildi[6][7]. 2017-yil sentyabr oyida biznes markazi joylashgan minora ochildi[8][9].
2018-yil 15-martda Talan Towers xalqaro LEED Gold sertifikatiga sazovor boʻldi[10][11]. 2019-yil sentyabr oyida Talan Towers Executive Hub ofis maydoni taqdim etildi[12]. Shu yilning noyabr oyida Talan Gallery savdo markazi ochildi[13].
2019-yil 13-noyabrda majmua hududida Tesla Supercharger quvvatlash stansiyalari oʻrnatildi[14].
Meʼmorchiligi va dizayni
Qurilish jarayonidagi barcha ishtirokchilarning faoliyati Amerika kompaniyasi Turner Construction tomonidan muvofiqlashtirilgan. Majmuaning meʼmoriy konsepsiyasi Skidmore, Owings & Merrill (SOM) tomonidan ishlab chiqilgan. Binolar qurilishida Renaissance, Metal Yapi, Kone, KUKBO Design, Energoprojekt va Elite Construction kompaniyalari ishtirok etgan.
Majmua interyerlari va umumiy dizaynini ishlab chiqishda Pringle Brandon Perkins + Will, Callison hamda Richmond International kompaniyalari qatnashgan. Talan minoralarini bezashda Italiya, Ispaniya, Belgiya, Germaniya, Xitoy, Turkiya va Hindistondagi konlardan keltirilgan 56 turdagi tabiiy toshlardan foydalanilgan. Ular qatoriga Jurassic Limestone, Sahara Noir marmari, Perlato Bianco, Bianco Carrara, Crema Marfil va Calacatta kabi materiallar kiradi.
Tuzilishi
Talan minoralari majmuasi oʻzaro savdo galereyasi bilan bogʻlangan ikkita minoradan iborat. Majmuaning umumiy maydoni 106 194 m2 ni tashkil etadi.
Biznes markazi minorasi
Birinchi minora 145 metr balandlikka ega boʻlib, 30 qavatdan iborat. Unda joylashgan biznes markazining umumiy maydoni 31 908,3 m2 ni tashkil etadi.
Binoda yashil tom texnologiyalari, suvni tejash va tomchilatib sugʻorish tizimlari, yomgʻir suvlarini qayta ishlatish hamda quyosh panellari joriy etilgan. Shuningdek, qurilishda bino ichidagi harorat va yoritishni optimallashtirishga xizmat qiluvchi energiya tejamkor oynalardan foydalanilgan.
The Ritz-Carlton minorasi
Ikkinchi minorada The Ritz-Carlton Astana mehmonxonasi joylashgan. 25 qavatli binoning 17 qavati mehmonxonaga tegishli boʻlib, unda 157 ta xona, Mokki va Selfie Astana restoranlari, Mokki Cafe, Özen lobbi-zali, The Ritz-Carlton SPA hamda 1 400 m2 dan ortiq konferensiya maydoni mavjud.
Minoraning yuqori yetti qavati 27 ta hashamatli turar joydan iborat The Ritz-Carlton Residences Astana majmuasi uchun ajratilgan.
Avtoturargoh
Majmuaning avtoturargohi ikki darajadan iborat boʻlib, 550 ta avtomobil uchun moʻljallangan.
Manbalar
- ↑ „Офисное здание Talan Towers: когда ценят не только технологии, но и атмосферу“ (ru). informburo.kz (2017-yil 29-sentyabr).
- ↑ „Первое LEED Gold-здание в Казахстане“ (ru) (2018-yil 2-may).
- ↑ „Ерлан Оспанов о Talan Towers: Мы пожертвовали своими амбициями ради удобства будущих посетителей“ (ru). informburo.kz (2017-yil 6-iyul). Qaraldi: 2020-yil 21-may.
- ↑ Софья Пашкова. „В Астане построят первый "зеленый" многофункциональный комплекс премиум-класса“ (ru). Vласть (2013-yil 18-iyun). Qaraldi: 2020-yil 18-iyun.
- ↑ „В Астане заложен первый камень в строительство первого в Казахстане "зеленого" комплекса“ (ru). Kazinform (2013-yil 18-iyun). Qaraldi: 2020-yil 21-may.
- ↑ „В Астане открылся первый отель The Ritz-Carlton“ (ru). GQ (2017-yil 12-iyul). Qaraldi: 2020-yil 18-iyun.
- ↑ „В Астане открылся отель The Ritz-Carlton“. Vogue (2017-yil 24-iyul). Qaraldi: 2020-yil 18-iyun.
- ↑ Ailana Auari. „Презентация "зеленого" бизнес-центра "Talan Towers" в Астане“ (ru). Medium (2017-yil 3-oktyabr).
- ↑ „Офисное здание Talan Towers: когда ценят не только технологии, но и атмосферу“ (ru). informburo.kz (2017-yil 29-sentyabr). Qaraldi: 2020-yil 18-iyun.
- ↑ „Talan Towers получил международный сертификат LEED в категории GOLD“ (ru). dixinews.kz (2018-yil 26-aprel). 2020-yil 24-fevralda asl nusxadan arxivlangan. Qaraldi: 2020-yil 18-iyun.
- ↑ „Первое LEED Gold-здание в Казахстане“ (ru) (2018-yil 2-may). Qaraldi: 2020-yil 21-may.
- ↑ „Капсула сна, фитнес-зона, климат-контроль и лаунж. Офис, в котором хочется жить“ (ru). Tengrinews.kz (2019-yil 23-sentyabr). Qaraldi: 2020-yil 18-iyun.
- ↑ „Talan Gallery открылось в Нур-Султане“ (ru) (2019-yil 1-noyabr). Qaraldi: 2020-yil 18-iyun.
- ↑ „В столичном Talan Towers презентовали шесть сверхбыстрых зарядных станций TESLA“. Esquire Kazakhstan (2019-yil 18-noyabr). Qaraldi: 2020-yil 21-may.