Taksofon

Taksofon, telefonavtomat — abonentni boshqa abonent bilan bir marta ulab beradigan ommaviy telefon apparata. Mahalliy (shahar, qishloq) aloqa, shaharlararo aloqa, ham mahalliy, ham shaharlararo aloqa taksofonlariga boʻlinadi. Asosiy qismi: elektr zanjirlari bloki boʻlgan tanga (yoki jeton) tekshirish qurilmasi va pul yigʻgich. Elektr zanjirlari bloki taksofonni telefon stansiyasi bilan ulaydi va uzadi, nutqlarni qabul qiladi va uzatadi, tashlangan tanga (yoki jeton) ni tekshiradi, abonent javob bermasa, tanga (yoki jeton)ni qaytaradi. Taksofonda raqami 3 xonadan kam boʻlgan (01, 02, 03 va boshqalar) maxsus xizmat idoralari bilan pulsiz gaplashish mumkin. Taksofonga tanga yoki maxsus jeton tashlanadi. Maxsus kartochka bilan ishlaydigan taksofonlar ham mavjud (2004).