Tahir Zahidov
| Tahir Zahidov | |
|---|---|
| Shaxsiy maʼlumotlari | |
| Jinsi | erkak |
| Fuqaroligi |
 Ozarbayjon Ozarbayjon |
| Tavallud sanasi | 10-fevral 1979 |
| Faoliyat yillari | 1992–1999 |
| Boʻyi | 152 sm |
| Sport | |
| Mamlakat | Ozarbayjon |
| Qaysi sport | Yunon-rum kurashi |
| Murabbiy(lar)i | Rəşid Rəşidov |
Tahir Zahidov (1979-yil 10-fevralda tugʻilgan) — Ozarbayjon sharafini himoya qilgan yunon-rum kurashchisi[1].
Faoliyati
Tahir Zahidov 1994-yilda AQShda, 1995-yilda esa Vengriyada oʻtkazilgan oʻsmirlar oʻrtasidagi jahon chempionatlarida gʻolib boʻlgan. 1995-yilda Pragada (Chexiya) oʻtkazilgan jahon chempionatini 20-oʻrinda, 1996-yilda Budapeshtda (Vengriya) oʻtkazilgan Yevropa chempionatini esa 8-oʻrinda yakunlagan[2].
1996-yil iyulida Tahir Zahidov Ozarbayjon terma jamoasi tarkibida Atlantada (AQSh) oʻtkazilgan 1996-yilgi yozgi Olimpiya o‘yinlarida ishtirok etgan. 20-iyul kuni u 1/16 final bosqichidagi ilk uchrashuvda 1992-yilgi yozgi Olimpiya o‘yinlari gʻolibi, Germaniya vakili Oleg Kurchenko bilan kurashgan va 0:10 hisobida magʻlub boʻlgan. Shundan soʻng Zahidov tasalli guruhida kurashni davom ettirgan. Guruhdagi ilk uchrashuvda Yaman vakili Abdulla Al-Izani ustidan 11:0 hisobida gʻalaba qozongan. Keyingi bosqichda Italiya vakili Francesco Kostantinoga 0:5 hisobida magʻlub boʻlib, Atlanta Olimpiadasini 14-oʻrinda yakunlagan[3].
Olimpiadadan soʻng, 1996-yilda Polshada oʻtkazilgan yoshlar oʻrtasidagi jahon chempionatini 6-oʻrinda yakunlagan.
1997-yilda Istanbulda yoshlar oʻrtasidagi Yevropa chempionatining bronza medalini qoʻlga kiritgan, shu yil Finlyandiyada oʻtkazilgan yoshlar oʻrtasidagi jahon chempionatida esa 4-oʻrinni egallagan.
1998-yilda Albaniyada oʻtkazilgan yoshlar oʻrtasidagi Yevropa chempionatida 4-oʻrinni egallagan. 1999-yilda Budapeshtda (Vengriya) yoshlar oʻrtasidagi Yevropa chempionatida oltin medal, Buxarestda (Ruminiya) yoshlar oʻrtasidagi jahon chempionatida esa kumush medalni qoʻlga kiritgan. 1999-yilda sport faoliyatini yakunlagan[2].
Natijalari
| № | Yil | Musobaqa | Oʻtkazilgan joy | Natija |
|---|---|---|---|---|
| 1 | 1994 | Oʻsmirlar oʻrtasidagi jahon chempionati |  AQSh AQSh |
1-oʻrin |
| 2 | 1995 | Oʻsmirlar oʻrtasidagi jahon chempionati |  Vengriya Vengriya |
1-oʻrin |
| 3 | 1995 | Jahon chempionati |  Chexiya Chexiya |
20-oʻrin |
| 4 | 1996 | Yevropa chempionati | Vengriya Vengriya |
8-oʻrin |
| 5 | 1996 | Olimpiya oʻyinlari | AQSh AQSh |
14-oʻrin |
| 6 | 1996 | Yoshlar oʻrtasidagi jahon chempionati |  Polsha Polsha |
6-oʻrin |
| 7 | 1997 | Yoshlar oʻrtasidagi Yevropa chempionati |  Turkiya Turkiya |
3-oʻrin |
| 8 | 1997 | Yoshlar oʻrtasidagi jahon chempionati | Andoza:Country data Finlyandiya Finlyandiya | 4-oʻrin |
| 9 | 1998 | Yoshlar oʻrtasidagi Yevropa chempionati |  Albaniya Albaniya |
4-oʻrin |
| 10 | 1999 | Yoshlar oʻrtasidagi Yevropa chempionati | Vengriya Vengriya |
1-oʻrin |
| 11 | 1999 | Yoshlar oʻrtasidagi jahon chempionati |  Ruminiya Ruminiya |
2-oʻrin |
Manbalar
- ↑ Olympedia.org.. „Tahir ZAHİDOV“ (en) (2022-yil 30-avgust). 2022-yil 22-avgustda asl nusxadan arxivlangan. Qaraldi: 2022-yil 30-avgust.
- ↑ 2,0 2,1 International Wrestling Database.. „TAHIR ZAHIDOV“ (en) (2022-yil 4-avgust). 2022-yil 22-iyunda asl nusxadan arxivlangan. Qaraldi: 2022-yil 2-avgust.
- ↑ Olympedia.org.. „1996 Summer Olympics / Wrestling / Light-Flyweight (48 Kilograms) / Greco-Roman / Men“ (en) (2022-yil 30-avgust). 2022-yil 22-avgustda asl nusxadan arxivlangan. Qaraldi: 2022-yil 30-avgust.