Tagan Berdiýew

Tagan Berdiýew
Tavalludi	15-iyun 1911-yil; Dayna qishlogʻi, Krasnovodsk uyezdi, Kaspiyorti viloyati, Turkiston general-gubernatorligi, Rossiya imperiyasi
Vafoti	12-dekabr 1985-yil ; (74 yoshda); Turkmaniston SSR, SSSR
Fuqaroligi	Rossiya imperiyasi SSSR
Taʼlimi	Ashxobod pedagogika instituti
Kasbi	olim, siyosatchi
Partiyasi	KPSS
Unvoni	professor
Mukofotlari	Andoza:Hurmat belgisi ordeni Andoza:Hurmat belgisi ordeni

Tagan Berdiýewiç Berdiýew (talaffuzi: Tagan Berdiyevich Berdiyev; 1911-yil 15-iyun, Dayna qishlogʻi, Krasnovodsk uyezdi, Kaspiyorti viloyati, Turkiston general-gubernatorligi, Rossiya imperiyasi — 1985-yil 12-dekabr, Turkmaniston SSR, SSSR) — turkman olimi va siyosiy arbobi, Turkmaniston SSR Fanlar akademiyasi akademigi^[1].

Tarjimayi holi

Tagan Berdiýew 1911-yil 15-iyunda Kaspiyorti viloyati, Krasnovodsk uyezdi (hozirgi Turkmanistonning Bolqon viloyati Maxtumquli etrapi)dagi Dayna qishlogʻida kambagʻal dehqon oilasida tugʻilgan^[2]. 1940-yildan VKP (b) aʼzosi^[1]. 1925-yilda Bäherden etrapidagi sovet maktabini tamomlagan. 1925—1929-yillarda pedagogika texnikumi talabasi boʻlgan. 1929—1931-yillarda Garrygala etrapidagi (hozirgi Maxtumquli etrapi) oʻrta maktabning rus va turkman tili hamda adabiyoti oʻqituvchisi boʻlib ishlagan^[2]. 1931-yilda Dargʻonota etrapidagi bosmachilikka qarshi kurashuvchi kommunistik otryad jangchisi. 1931—1933-yillarda Ashxobod pedagogika institutida tahsil olgan. 1933—1937-yillarda Mari shahridagi pedagogika texnikumi direktorining oʻquv ishlari boʻyicha oʻrinbosari, Ashxoboddagi pedagogika bilim yurti pedagogika fakulteti dekanining oʻquv ishlari boʻyicha oʻrinbosari va direktori lavozimlarida ishlagan^[2]. 1937—1938-yillar Moskvada VKP (b) Markaziy qoʻmitasi qoshidagi kurslarda oʻqigan. 1938—1940-yillar Turkmaniston SSR xalq maorifida boshqarma boshligʻi, Turkmaniston SSR xalq maorifi komissarining oʻrinbosari. 1940—1947-yillar Turkmaniston SSR Maorif xalq komissari, 1947—1951-yillarda Turkmaniston SSR Vazirlar Kengashi raisining oʻrinbosari, bir vaqtning oʻzida 1947—1955-yillarda Turkmaniston SSR tashqi ishlar vaziri. 1951—1956-yillarda Turkmaniston SSR Fanlar akademiyasining prezidenti^[1], 1956—1959-yillarda M. Gorkiy nomidagi Turkmaniston davlat universiteti pedagogika kafedrasi professori, 1959—1965-yillarda Turkmaniston SSR Fanlar akademiyasi Ijtimoiy fanlar boʻlimining akademik-kotibi, 1965—1967-yillarda Turkmaniston SSR Fanlar akademiyasi Markaziy ilmiy kutubxonasi direktori lavozimida faoliyat yuritgan. 1967-yil may oyidan 1970-yil dekabrigacha sogʻligʻi tufayli pensiyada boʻlgan. 1970-yil dekabrdan 1973-yil oktyabrgacha Turkmaniston SSR Fanlar akademiyasi Markaziy ilmiy kutubxonasi direktori boʻlgan^[2]. 1973-yil oktyabrdan Turkmaniston SSR Fanlar akademiyasi Falsafa va huquq boʻlimining katta ilmiy xodim-maslahatchisi. 1943-yilda pedagogika fanlari nomzodi, 1951-yilda pedagogika fanlari doktori ilmiy darajasi va professor ilmiy unvonini olgan. SSSR Oliy Kengashining 2-chaqiriq deputati etib saylangan. 1985-yil 12-dekabrda vafot etgan.

Mukofotlari

Tagan Berdiýew Lenin ordeni, Mehnat Qizil Bayroq ordeni (1981-yil 12-iyun)^[3], ikki marta „Hurmat belgisi“ ordeni bilan taqdirlangan.

Manbalar

↑ ^1,0 ^1,1 ^1,2 „Бердыев Таган Бердыевич“ (ruscha). pedagogic.ru. 2026-yil 14-aprelda asl nusxadan arxivlangan. Qaraldi: 2026-yil 12-aprel.
↑ ^2,0 ^2,1 ^2,2 ^2,3 „Таган Бердыев – Первый туркмен академик, президент Академии наук Туркменистана“ (ruscha). turkmenistan.gov.tm (2021-yil 14-noyabr). 2026-yil 17-aprelda asl nusxadan arxivlangan. Qaraldi: 2026-yil 12-aprel.
↑ Указ Президиума Верховного Совета СССР О награждении академика Академии наук Туркменской ССР Бердыева Т. орденом Трудового Красного Знамени // Ведомости Верховного Совета СССР : газета. — 1981. — 17 iyun (№ 24).

[:0-1] 1,0 ^1,1 ^1,2 „Бердыев Таган Бердыевич“ (ruscha). pedagogic.ru. 2026-yil 14-aprelda asl nusxadan arxivlangan. Qaraldi: 2026-yil 12-aprel.

[:1-2] 2,0 ^2,1 ^2,2 ^2,3 „Таган Бердыев – Первый туркмен академик, президент Академии наук Туркменистана“ (ruscha). turkmenistan.gov.tm (2021-yil 14-noyabr). 2026-yil 17-aprelda asl nusxadan arxivlangan. Qaraldi: 2026-yil 12-aprel.

[3] Указ Президиума Верховного Совета СССР О награждении академика Академии наук Туркменской ССР Бердыева Т. орденом Трудового Красного Знамени // Ведомости Верховного Совета СССР : газета. — 1981. — 17 iyun (№ 24).

[1]

[2]

[3]